[文宣] 電影《脫歐：無理之戰》教晒我哋點贏民意

我先講總結：
放棄傳統嘅手法，唔好理性解釋，要用情感攻勢做主導，
針對啲中立者、游離不定嘅人，
推出大量針對佢哋諗法嘅洗腦式文宣。

電影《脫歐：無理之戰》顧名思義就係講脫歐嘅嗰場公投，脫歐派軍師Dominic Cummings（Benedict Cumberbatch主演）點樣由原本嘅社會弱勢，喺200日左右之間反cap本來穩贏嘅留歐派，得到超過一半嘅脫歐選票贏咗公投。
雖然套戲係講選戰，但係根據上一個星期嘅經驗，入面嘅理論其實好啱而家反送中、仲有以後抗共嘅文宣用。下面會再講下，亦好建議文宣組睇一次套戲，一個半鐘好快睇完。

1 明確嘅文宣對像：中立撚、游離不定嘅人

電影入面Dominic一開始已經立即定出脫歐派要爭取嘅目標：本身唔係好知脫歐係乜、甚至係未投過票嘅人。

套用喺香港，文宣對像即係又唔係建制、又唔係泛民本土、游離不定、唔識政治嘅人。
原因係：
本身理性又留意政治嘅民主自由理念者，我哋唔需要再說服；
本身理性又留意政治嘅建制理念者，我哋冇可能令佢哋變成反共；
最後剩低嗰啲中立、唔係好理性、唔係好識政治嘅人，就係我哋嘅目標。
事實上，616 200萬01人遊行，點解會多過69百萬遊行一倍──嗰一倍支持者，就係嗰班本身中立游離嘅人。



咁到底要點說服呢班人？

2 要用情感攻勢做主導，放棄傳統嘅手法，唔使理性解釋

電影入面，留歐派有政府支持，坐享四千萬選民數據，基本上贏硬，然後佢哋採用一直以來嘅文宣方法：理性同國民分析留歐係利多於弊。
結果留歐派慘敗。
因為Dominic用咗完全相反嘅策略──用情感做主導，煽動嗰一班中立、唔係好理性、唔係好識政治嘅英國人心中對留歐、對而家生活嘅憤怨同恐懼。

大家記唔記得自己點解612會發夢上街？點解616會再有成200萬01人連續再遊行？
前者，係因為69遊行當晚政府嘅回應好撚垃圾，激起再勁嘅民怨，喚起全網絡叫人612大罷工嘅文宣。
後者，係因為612黑警嘅殘暴再度激起全港終極憤怒，再加上林鄭記者會個極西態度，同埋烈士以死相諫嘅悲痛，結合成最大嘅情緒力量，推動200萬01人上街。
所以成功結集咁強力量，逼使到政府退讓嘅原因，除咗反送中嘅內容，除咗泛民本土大合作，
最大嘅原因，其實係情感。
呢份悲憤，令好多本身唔理政治嘅人、中立嘅人都加入我哋。相信你身邊一定有唔少咁樣情況嘅親戚朋友。

咁而家我哋又應該點樣再用情感主導嘅文宣，去吸引仲係中立嘅一群？

自從長輩圖之後
相信大家都好明白依個道理
依家依個年代就係噉，無論你鍾唔鍾意都好，我地都已經喺依個年代
如果覺得好唔道德，其實應該噉諗，好在玩嘅係我地依面，如果我地唔玩，最後佢地只會俾啲更加冇道德嘅人影響
Welcome to post-truth era.

3 首先針對中立、政治冷感嘅人嘅個人喜好，定出文宣主題內容



Dominic喺選戰最早時做嘅事，係落去酒吧同人吹水，問人哋對脫歐嘅睇法，最後歸納出英國兩大憂慮：錢同移民問題。
於是成個選戰入面，脫歐派只煲大兩樣嘢：留歐要用3億5000萬英鎊，同埋會有大量土耳其移民。
但係其實以上兩點，從來都唔係必然發生，只係脫歐派不斷誇張化嘅情感攻勢。可惜到咗後期，留歐派點都說服唔返被煽動嘅英國人其實冇咁嘅事。



套用喺香港，其實上個星期都有咁樣嘅趨勢──針對住唔用嘅中立、政治冷感人，就去講啱佢哋、佢哋擔心嘅議題。
對象係老母，就專講講黑警毆打後生仔女，避下會秋後算帳；
對象係貪錢，就專講逃犯條例會搞到外資撤離香港，經濟會仆街；
對象係撐警嘅，就專講警隊高層同高官出賣前線；
對象係奶共廢老，就專講林鄭全家有外國護照，收咗外國人錢搞亂香港，違背中共等等。

總之呢啲人唔使再浪費時間理性分析，只需要按住佢哋喜好嚟打情感牌，激起佢哋嘅憤怨同恐懼。

最後會講點樣實際做文宣。

幫手推

Push

幾好，幫推

4 無孔不入嘅文宣圖像滲透

Dominic嘅終極手段，係搵咗間高科技廣告公司，用全新技術scan晒每個人嘅FB同twitter，分析晒佢哋嘅個人喜好，然後出咗十億個度身訂造嘅FB、twitter廣告，每日影響呢班人嘅諗法。




例如對象係動物權益人士，佢就不斷賣歐盟每年殺咗幾多野生動物嘅廣告；
對象係鍾意睇波，就不斷賣叫人估公投結果嘅廣告；
對象係種族歧視嘅人，就不斷賣土耳其移民嘅廣告。
全靠呢一招，脫歐派先得到勝利。因為喺呢個時代辯論議題，已經同理據無關，而係靠大聲，靠佔嘅版面大。

香港最近其實已經做得好成功，例如長者圖講林鄭反共、中資銀行撤資等等，或者612阿媽被射、黑警圍歐無辜市民片段之類，
喺廣傳之下已經成功做到上述嘅情感攻勢效果，所以先做到69 612 616嘅成就。
嚟緊我哋都要繼續做多啲，研究班仲係中立人嘅喜好係乜，再大量做製作針對佢哋嘅文宣。
我哋冇高科技，只能靠最原始嘅人力，一傳十十傳百咁將情感攻勢，按唔同嘅群組散播。

push

push

脫歐呢個案例，係一個絕對值得參考嘅例子，教我哋點樣得到更多嘅民心，支持我哋行動。而《脫歐：無理之戰》就係一套最易明、最好睇嘅教科書。
喺現代爭取民心，就要：
放棄傳統嘅手法，唔好理性解釋，要用情感攻勢做主導，
針對啲中立者、游離不定嘅人，
推出大量針對佢哋諗法嘅洗腦式文宣。



Sorry for有地方打錯字，同埋圖有大量殘體我剩係搵到呢啲圖

冇錯，我就係見長輩圖攻勢好work，再諗起套戲，就發覺完全可以套用落香港

啱呀
輿論戰就係要用舐共派最常用嘅似是而非式煽情，對住個target audience嘅恐懼+無知係咁講佢想聽嘅嘢
唔好再用理性說服人，因爲理性嘅人已經係你嗰邊
你要說服嘅，係一班民智未開嘅感性撚

而家係網絡嘅時代今次反送中更加明顯見到有幾大作用

睇戲當真？
我係中立撚
睇得多呢d其實有少少反感

黎Sir有料

big data
or 社會學分析唔同年代同佢所屬階層喺近年既社會需求

真人真事改編
方法同結果都係事實
就算唔100%，參考下都好吖

講佢哋貪幾多錢唔夠
要話佢哋係外國勢力