[少甜][愛情]《如陽光伴我》 One more time One more chance （完）

614 回覆

128 Like 7 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁

尋羊冒險記 2019-06-20 22:28:24

呢個係一個有關 戀愛、成長、失去、重生既故事。

主要圍繞「我」同埋兩個少女之間發生既事，兩條主線互相交錯，互相影響。

我唔敢話呢個故會係你睇過其中一個最好睇既愛情故，但如果你對生活、愛情、家庭甚至社會感到疲倦，希望你可以透過呢個故事，搵到走下去既意義。

第一個post：https://lihkg.com/thread/1159145/page/1
紙言：https://www.shikoto.com/articles/183490.html

好想多謝好多巴打絲打一路以來既支持，雖然讀者群唔算大，
但過去一個月就好似多左一班朋友、屋企人咁warm！

最近社會發生好多既事，我好愛我既屋企，所以我一定唔會放棄每一個保護佢既機會，更新慢左，好抱歉。無論點都好，大家一定要記住，不被捕、不受傷。

故事已經去到心如篇既結局，完結後就會進入詩晴篇既結局。

然後就係最後既結尾。

鐘意既，歡迎你留言、正評，比任何既意見我都會睇都會回應

尋羊冒險記 2019-06-20 22:34:58

開心過後，靜下來的時候我和她好像又沾染了一些傷感的愁緒。

「最後一晚啦。」心如靠著我說。
「嗯。唔捨得？」

「好唔捨得。最唔捨得係你。」她想哭這樣說。

「傻嫁咩，唔准喊。你想既，下個月再嚟露營都得…吾…七月要考試，八月啦！九月、十月，全部都可以。下次我可以準備一條裙，跳蘇格蘭草裙舞。」

「草裙舞係夏威夷嫁！」她又重拾了笑臉，每次看到她為我而笑，都令我很滿足很滿足。

「豪…如果時間唔會流動就好啦。」如說。

停止也好，倒流也好，都只是一個又一個不可能實現的夢想。

不是嗎？

大地在不經不覺間入黑，森林的精靈即使不願意也只能默默跟從這條法則。圓月高掛天上，本來在湖上泛舟的人都回到屬於他們的營地。

月影映在湖面上，繁星在旁爭艷鬥麗，映襯着月兒的高貴，如果月上有天神，她肯定懂得靜靜的守候，不敢破壞這刻安寧，屬於我和心如的安寧。

我聽得見蟬的聲音，聽得見水點從松木滴在地上的聲音，也聽得見心如氣若游絲的脈搏聲。

「個天好靚。」我打破沉默說，指着漫天星宿說。

「如果再過一兩個月，可能可以用肉眼睇到銀河。」她說。

「你識睇星？」
「識好少。最閃最亮就係北極星。」
「我有聽過！然後喺附近搵到三粒連埋既就係獵房座腰帶。」

「不過北半球嘅夏天好難可以睇到獵戶座嫁。反而如果你細心睇，北斗七星湯勺同埋夏季大三角都係喺北極星嘅附近。」心如指著天空的一點說。

「...好難啊。我點知我睇到嗰粒星係咪就係你睇到嗰粒。」

「唔知㗎，不過我諗北極星一定係睇到同一粒。」

「啊，我諗到樣野係我哋都可以睇到。」我說。
「嗯？」

「你入帳篷咪埋眼等我一陣！」
「你唔好走左去啊…」她擔心地說。

她仍然是一個完全沒有安全感的女孩。

「傻瓜，我唔會嫁。」

我拾起今早買的幾串小燈泡，掛在周圍的樹上，再把不同的營燈吊在營外的那幾棵松樹上，把它們全部開著。寶藍色、火紅色和橙黃色的燈光，頓時把本來墨綠色的樹林染成一大片彩虹。

藍色的鏡湖映出這如詩的畫影，將這種顏色透過反射傳到銀月上。像去到天上的世界，又像去了不知哪一個的童話故事內。

我打開帳篷，拖著緊閉雙眼的心如走出來。她張開眼，看到這樣的場景，有點呆了，但更多的是感動，淚水不停的落下。我伸手幫她去抹，一抹又如雨般瀉下，她抱緊我，她沒有說話，主動親著我的咀。

心如不停地哭，哭了很久很久。

我有點不知所措，本來就沒有想弄哭她的意思，看見她楚楚可憐的樣子，心中又是一陣對自己愚蠢的恨。

「唔係…」她搖著頭看著我說，「我唔係唔開心…只係好開心…」，好像就能讀我的心一樣。

「多謝你...多謝你將我帶去童話世界入面既魔法森林…」她說。

我抱緊她，親她的額、親她的咀，她一直緊抱我。

我唔想放手。她說。

咁就唔好放開。我說。

小慧 2019-06-20 22:39:49

頭香