除咗大灣區攻勢，我地依幾日喺其他方面下咗少少功夫 —— 積極聯絡外國大媒體，維持佢地對香港局勢關注，建立定緊急時對外直接溝通渠道。
我地謹此宣布，英國大報 Financial Times 《金融時報》已經決定接受我地第一篇投稿，簡述今次香港疑似超進化既抗爭模式。(兩登Baby Kingdom合縱連橫神蹟值得表揚)
網上版剛好趕喺620中午出爐，當係一支強心針支持大家。而實體版就會刊登喺621既Financial Times，亦即係決戰日子。
係，未必係一個好大既成就。
亦未必值得連登仔、真正香港人開心；始終我地現時目標係621全力拯救一班受傷、被捕義士、學生。
不過，我希望你地明白 —— 外國媒體仍然非常關注香港人，亦希望香港人最終成功，創造歷史。和理非同勇武派道德上，情理上都唔應該輕言放棄被捕義士，愧對梁烈士在天之靈。
趁仲有時間，請嘗試subscribe Financial Times(trial又好，點都好）入去條link望下：
https://www.ft.com/content/8881650c-92a7-11e9-b7ea-60e35ef678d2
你對FT既實際支持將會令佢地覺得香港有報導價值，為香港創造一個緊急對外溝通渠道，間接保護香港。
另外，你一定知道今日蘋果用咗頭版全力助攻「620死線，621升級」，風已經起緊。
唔係有希望先行出黎，係行出黎先至有希望。
拉埋你身邊朋友支持，咬緊牙關，最後一戰。
最後一句，全力拯救義士，一個都不能少！
