請問，大家有冇見到個標題─
｢鄧振強稱林鄭月娥清楚向校長表明暫緩等同撤回」
上面寫嘅係｢林鄭月娥清楚向校長表明」，而唔係｢校長表明｣。換句話說，校長只係轉達返佢喺會中聽到嘅說話，並唔係交代個人立場。
然而，偏偏有連登仔做「標題黨」。
(原文：https://lih.kg/1238774)
該文標題如下：中學校長：暫緩等於徹回
請問該位樓主，我校長幾時有親口講過以上言論？
後來，該位樓主回覆：｢唔係想屈佢，
只係想知佢講呢句嘅可信性有幾高。」
簡直荒謬！如果你唔係有心造謠，你又點會惡意斷章取義，用一個嚴重歪曲事實嘅標題？
鄧校長每年六四都堅持喺學校舉行紀念活動，每屆維園燭光晚會佢都堅持出席，甚至會主動同其他老師，帶同自願嘅學生組隊出發。根據我嘅記憶，五年前嘅雨革，佢喺發射八十幾粒催淚彈嘅當晚親自揸車到場，默默咁幫手運水。幾日前嘅電台節目，佢亦發表咗以下言論：
相信喱句說話，已經可以表達到佢嘅立場。你話佢點解要講返會上聽到嘅說話出嚟，我反而想問，佢開完個會後，直接講返佢聽到嘅事畀大家聽，畀大家了解更多資訊，了解下林鄭嘅｢語言偽術」，又有咩問題？
作為鄧校長嘅舊生，同好多同學一樣，我9/6﹑12/6﹑16/6三日我都有份出席，亦都在場見到任職社工﹑議員助理嘅同學仔，一齊體驗到催淚彈嘅滋味。我哋在場，係因為學校教識我哋咩叫是非黑白，咩叫社會責任，咩叫天地良心。
我知道三言兩語唔會令鄧校長洩氣，佢會堅持佢嘅本心，我同其他同學都會(黑警例外)。所以，無論係三毛玩分化，抑或係小學雞呃like，我都覺得該位樓主可以收皮。
最後我喺度嚴正要求會員 肥貓學跳舞 馬上在原post澄清，以及同鄧校長道歉。否則我會堅持向站務台投訴你發佈假消息，有三毛之嫌。
P.S 歡迎你老屈返我係打手，事關我真係打手─我母校嘅打手。
