你有無d咩未來6個月既計劃？

1
最近睇一本書：
Astrology, Karma & Transformation: The Inner Dimensions of the Birth Chart
https://www.amazon.com/Astrology-Karma-Transformation-Inner-Dimensions-ebook/dp/B0074UHSHM
http://library1.org/_ads/45F92CE40B5D02EDAA715ECBEA67B60F
佢話我係個有創意、有自己諗法，但因為無紀律，所以咩都做唔好既人。

先唔理佢講既正面既野可唔可信，但講既反面既野好啱？
唔只我？
有好多人都有諗法，有想要既野，但得唔到。
可能都係因為無紀律？

我就決定想做個有紀律既人。

2
然後搵左另一本書：
The Lost Art of Discipline
https://www.amazon.com/Lost-Art-Discipline-Prerequisite-Victory/dp/1775249425
http://library1.org/_ads/C7DC193A95EE7B0A38FA9D9D4164DED7

由第一頁開始睇。
大概話：
你想要咩？點解得唔到？
因為你唔夠紀律去每日做同目標有關既行動。

你可能用左d時間同精神做唔關事既野。
所以要做既野：
i. 專心做關你目標既野；
ii. 唔去做唔關你目標既野；
iii. 知道你目標係咩。

呢三點就係紀律。

3
然後書話：
你諗下你理想既一日會點過？
你諗下，你想做個點樣既人，而果種人，點樣可以有你理想既生活？

4
然後書話：
d理想應該要係6個月內可達成。
否則係太不切實際，無辦法指引當下行動。

而如果d理想係6個月內可達成，種6個月既計劃同成果本身，可以成為10年計劃既基礎。

5
i
今日6月17日。
12月17日就係6個月後。
聖誕節前？

你有無d咩未來6個月既計劃？想今年聖誕節前達成？
如果無，會唔會而家諗下、Share下？

1
未確定最主要想做既野係點。
但大概想像到，有咩日常Routine想做：

1.1
想每晚訓前都做Yoga同冥想。
目標係每樣30分鐘。
而家由5分鐘開始，一個月加5分鐘，12月會有30分鐘。

1.2
想房香。
會買香薰機？

1.3
想睡前飲安眠既茶。
事先要了解花茶。

1.4
冥想後寫作。
寫到攰就瞓。

1.5
過程中要多飲水。
發覺水份好重要。

1.6
起身都類似Routine。
會聽音樂聽到無左起身時心情差既感覺，然後做Yoga同Meditate。
然後寫作？
直到想做下一步。

1.7
想自己煮野食。
唔想日日食呀媽煮既日日一模一樣既野食。
要買自己需要既廚具。

2
Yoga或Meditate、香味，同飲食。
呢d舒適作為存在既基礎。

喺Morning routine同evening routine中間，就係要做有生產力、自己想做既野，做自己想做既自己，用有價值既貢獻換自己想有既野。

但未諗到係咩。

2.1
好可能係一d能力既鍛煉？
就係知識，或藝術，或工科既野？

2.2
咩係本質重要既野？
趣味。
趣味係一樣唔需要其他野去支持，佢自己本身就係一種價值。

所以最好係，喺能力鍛煉當中，有趣味？

2.3
喺知識、藝術或工科能力鍛煉當中，連結他人感染他人？
無論係知識或經驗交流，定互相支持推動，都比單打獨鬥好？

3
知識、藝術，同工科入面，最有價值既係咩？
可能係接近永恆既野，係最有價值，對精神都最有滿足感？

1
6個月，係180日左右。
咁今日係過左180日入面既第一日。

用Time tracking app，好似生產力大左。
http://www.atimelogger.com/
少左上Telegram同Lihkg。

用Trello做To-do list。
https://trello.com/

2
而家都係花太多時間睇書既狀態。
i. 想睇非對稱風險，作為經驗主義者。
https://book.douban.com/subject/30417612/

ii. 想睇政治的道德，了解係自己作為公民，政治係咩意思。
https://www.chineseupress.com/index.php?route=product/product&product_id=2807

iii. 想睇高效能程序员的修炼，想有一刻有能力做Programming既freelance。
https://book.douban.com/subject/24868904/

iv. 想睇工藝之道，了解下咩係工匠精神。
https://www.books.com.tw/products/0010588373

3
去IKEA買廚具學煮飯。

4
買Action Cam，然後去散步去行山。

5
買電動牙刷。

6
睇「茶」教科書 : 中國茶・日本茶・紅茶・健康茶・花草茶。
https://www.books.com.tw/products/0010664268
學飲花茶，特別係安眠既。

7
睇花精心靈書：60種花精指南？
https://www.books.com.tw/products/0010409333
想知香薰機點用。

8
其實都係專注唔到？
不過今日係1/180。
留名睇下會唔會180日都維持到種，所謂紀律？

點樣去判斷一樣野應唔應該做？

可能就係諗：
果樣野會唔會開出更大既自由、更大既天地。

有d野，要左做左，就將人纏住，動彈不得。
有d野，要左做左，令人有更闊眼界、更強既能力，又或者放得低更多本來就可以放低既野，而更逍遙自由。

人會死。
假設死後灰飛煙滅。
死前有咩有價值？
其中一可能就係：
一步步自然咁自我突破，開出更大自由。
直到，有刻連生死都看破、接納，然後無懼咁死去。

一切物質可能都係工具？
連生理上既生命都係工具？
為既係最終精神上既絕對自由。

另一個判斷準則：
做一件事既時候，有效率定無效率。

啱啱沖涼前，睇書唔專心，唔想睇。
沖涼後，明明係書既同一個位，但入腦好多。

做事無效率，即該狀態唔適合做該事，要換事做。
有效率，即適合。

無法事前判斷。
只能夠事中發現事中狀態。

做事，唔係意志決定，係偶然發生。

意志可以想像，可以拓寬可能性又限制可能性。
最後都係偶然地跌入實踐。

實踐中，唔知會發生咩事，就隨機應變。

其中一最好既做法係：
趕時間。
就喺能夠專注而有心想做目前既事既時候，盡快向前多行幾步。

無心時就離開；等下次，偶然地遇到有心。

有心無心非意志所決定。
只係一種偶然。

加油

邊本？

你起身之前並不確切知道自己要去往何方。

——Taleb

如果問題重點係紀律。
如果軍人可以算係最有紀律既人群。
如果紀律唔只用喺物理既武力，而係一切既力、武力，甚至包括精神既力。

如果一切可以轉化為看似戰爭。

如果溫柔既誘惑都可以有種以紀律去統領既陰柔之力。

如果無我都可以以紀律達成。

如果無我係自由既源頭。

軍人既紀律作為一種比喻既框架，可能有用？
連，同佢本身性質距離遠甚至矛盾既事物都可能因紀律而有助益。

good post

你有咩想做？

如果Jun 18係第一日。
Jun 19係第二。
今日Jun 20係第三日。

呢三日感覺比之前生活得充實左。
充實既意思，其中一部分係工作專心左。
d時間，因為Time log，而知自己d時間花左喺邊，開始無左嗰種：
時間過得好快，唔知時間去左邊，既感覺。

唔係做既野有意義左。
只係意識到時間花左喺邊。

但真正有意義既，係確實地將時間花喺自己覺重要既野。
呢點未做到。
180分之3，60分之1。
仲有177日。

我想自己6個月後點樣？

第一本書係講占星本命盤？

留名，樓主有研究星盤？

係呀！我有上網check result，之後想知多啲自己係點，就check下書。

但methodology同背後原理都唔識。
係當睇性格測試result咁

占星話…我要幫人實現夢想。你有咩夢想？
https://lih.kg/1151115

我用入面個網check，但唔知準唔準

1
我之前好鍾意不斷搵新既野睇。
而家我想唔睇咁多，見到有用有效野，就做左先，盡量令嗰樣野成為習慣。

2
The Lost Art of Discipline，上面睇既呢一本書，其實幾吹水野？
所以都多，睇落去有效既points。
但正正因為多，就無從入手。
重要既係：點先做到佢講既野？

3
可能可以理論化咁，整合佢講既野成為一個系統。
問題係，呢類系統睇落正，但用落，係咪有效？
即：理論同實踐之間係咪大關係？

4
試List佢講，而我理解，而我認為我想做到既野：

i. 要知道自己呢輩子想要既係咩，然後向住呢個目標進發；呢樣野叫視野。
我想有對自己生命既視野。

ii. 有視野下，就要培養自己能夠達成視野既習慣。
有幫助既習慣係好習慣。
無幫助既係壞習慣。
壞習慣都會佔時間，所以要刪走壞習慣，多做好習慣。

iii. 有視野，有好習慣，都唔等如能夠達成願望。
而未達成願望前，就要意識住視野，而堅持好習慣。
好習慣通常係一d練習？對一d能力既提升。
未達成願望前要不斷提升能力。
而對練習最好既態度係：享受練習本身、練習過程既本身，而唔係將練習視為純粹工具，而係練習本身就係目的。

iv. 練習要專心。

v. 視野，有好壞之分。
唔能夠指引具體行動既係壞視野。
能夠指引具體習慣養成，先係好視野。
而好既視野係需要知識或其他精神特質去支持。
所以，譬如讀書，或其他可以改善精神特質既野，都有助達成願望。

精神既其中一用途係，更好地將願望建構成有意義、令人興奮既問題。
問題作為視野，指引解答，解答指引行動。
當行動成為習慣，就有利願望達成。

vi. 因為世界資源有限，所以要達成願望，通常要與人競爭。
有能力係同樣時間生產更多有價值既野既人，就更有可能達成願望。

所以連練習本身，都先要以比人優勝既方式練習，先有可能達成視野中既願望。

vii. 要保持樂觀。
樂觀既意思係，任何時候都因視野清晰，而有方向。
環境好壞，都有視野指引。
環境好壞， 都繼續以行動做好習慣，練習自己重視既野。

viii. 視野構成既方式、達成視野既行動、將行動培養成習慣、更有效既練習，全部都可以向比自己強既人學習。

ix. 實現願望，要真實既戰爭，而唔係做樣既姿態。
要直接面對問題既核心。
喺次要既地方膠著，意義不大。

x. 問題重點唔係要有正確既工具、材料、學習。
而係要有紀律。
搵到正確既工具、正確既材料，有正確既學習同鍛煉，全部都係源於紀律。

xi. 生命就係不斷作出選擇。
一切行為都係選擇。
做壞習慣，然後有某種滿足，就驅使人做一步做壞習慣。
做好習慣，開始時痛苦，但堅持，痛苦就變淡，好處就令人做更多好習慣。
再微小既決定都可以有大影響，方向性既影響。

xii. 唔好理其他人。
專心做自己既野。
他人通常都唔明白自己。
甚至好喜歡亂俾無用既意見。
如果自己既視野係經過深思熟慮，唔需要理他人唔理解自己同情況下既意見。

xiii. 一切做既野，可以嘗試量化。
量化，可以知自己實際完成。
可以追蹤進度。
資料有助訂立短期同長期目標。
目標又驅使人進一步專注視野。

1
一個人，譬如書既作者成為到佢講既人，係因為佢既人生經歷過唔同既野，慢慢自然形成佢咁既人。
一本書，作者以文字表達佢點做人，係無左好多個人歷史事實既脈絡，變成一種理論化、表面既概說。

要做返佢講既咁既人，一係要經歷返作者本身經歷過既一切，而且要同樣長既時間。
如果只照書上表面化既描述，跟本唔會簡單就做到接近佢既人。

而家既問題係，點樣可以成為佢咁既人？

2
同一個結果，唔需要同一個路徑，成功過既路徑都唔係唯一路徑。

3
可能要用想像力？
可以用Trick？

點樣既人會短時間內做到似作者所講既人？

1
重要既係脈絡。
會唔會有可能短時間、低成本下，產生到深刻既脈絡？
無論係思想、經驗，定其他一切。

2
而家我大概知道終結。
但重要既係，知道終結既成因，然後去以行動實現d成因，然後自然發展成終結。

3
我正在思考。
我無太用力思考。
我記得我有過時候，係好用力、用盡力咁思考。
我覺得，要有好既結果，就係要將自己多d放喺嗰d，要好盡力、專心咁，思考、行動既境地。

要好到嗰種境地，先要有好既問題（Question）或難題（Problem）。
要有趣，吸引我投入，而我自信有能力處理、解決。

如果我既生命只可以有一個咁既難題，會係咩？

4
我想…
同家人保持距離。
唔再需要理佢地既睇法。
會有限度咁同佢地接觸。
似相敬如賓既相處。

然後我就更自由咁試一切既生活方式。
譬如，廚藝上試唔同既煮食方式，唔同既食材，調味料。
想透過實驗去了解味覺同食物。
漫無目的、隨心，種即興既想，同立即毫無障礙既行動，就係目的本身。
種自由，就係目的本身。

我會試下瞓街，會試下露營咁生活。
想試下最低成本下過到既最好生活係點。
如果最低成本下我過到我接受甚至鍾意既生活，我就無經濟壓力。
呢種都係自由。

如果我只可以有一個難題。
自由會係我想選擇既難題。

點先可以有自由？
同一切其他人保持距離下，不受他人騷擾或影響既自由。
經濟上，唔係有錢到買咩都得，而係喺高性價比下，唔為錢而放棄好多時間去工作，而同時都可以享受到生活，既個種生活藝術，作為經濟自由。
知識上，唔只從書面理論上了解世界，而更有大既時間空間去透過親身經驗去了解到知識喺現實存在既一面。
不斷喺相對安全既範圍內，試唔同既體驗，然後種嘗試過程中，意料之外出現既事作為一種知性既刺激，帶遊戲性既美感，去令生活由有規律既無味，變成知性或美學上或親身經歷上既冒險。

人際上既自由、經濟上物質生活上既自由、知性上既自由、行動上美學上既自由，同透過對呢一切自由作哲學性反思既個種…都係知性上既自由？

由…具體點樣實踐到呢種自由作為難題，而一生以呢種難題，或更大既自由，作為目標。
視野就係，對生命有基於上述自由觀既睇法下去理解生命，作為視野。

要有咩習慣？行動？
第一步，應該係人際既自由？
然後係自己內心求安全、求Security、保守、怕事，既心理障礙？
然後係，堅持己見、堅持自己自由觀生命觀既個種堅持？
然後係，實驗性既行動？

1
唔需要判斷自由本身係咪就有價值。
但有好多野，譬如物質，同精神；透過自由，就可以發展成比本身更有價值既野。

而無自由既話，物質就只係重複舊有既複製；
精神就會死氣沉沉。

2
如果生活或生命中既一切都係為更大既自由；
而自由更傾向自然會生產出價值，即：

有意地追求自由，而唔需要有意、可能只需要自然地無意地，去享受或運用種自由，就能夠產生或生產價值。

3
而家身邊既一切，手上所做既一切，係為咩？

自律係一種自由。
如果自律係自知目標，而以意志去拒絕他人或他物既吸引，咁既自律係一種自由。
如果自律係因為外在既定既規則有所限制，而自己以意志去順從種外在規則，就唔係真正既自律，唔係自由。