第一，恢復元氣
612一役我地其實已經衝完一輪，有好多人俾差佬拉左，有d人身體狀態未恢復，有d人仲受尋日義士失去性命一事影響，心情未平復，可能未回復理性。如果而家又衝，根本未ready，我地需要時間俾抗爭者休息，回復元氣 (人地法國都係一星期搞一劑...)
第二，留住新支持者
今日有好多平時不理政事既人，今日第一次參與呢個遊行。對佢地黎講，一次和理非既遊行初嘗參與政治既第一步，而佢地好多都仲未ready好參與進一步既行動。對抗爭者黎講，都係得到左更多既新血既支持。所以，和理非已不是無力及懦弱既代名詞，而係統合各方，槍口一致對外既條件。相反，如果容讓今次既遊行又再次升級為勇武抗爭，不但會令新既參與者反感，迅速流失佢地既支持，抗爭者都會冇左各界既支持，抗爭行動有重回碎片化既風險。
第三，剛柔並施
今日成百萬人遊行，不論係普羅大眾定仆街政府都已承認呢個事實。因此，兩個星期既和平遊行，配合612既衝鋒行動已迫使政府作初步妥協 (好強調係初步)。呢段時期已開始進入真空期，政府面對外界指責、內部動盪及中央割席，預計已亂成一片，星期一可能有更進一步既公開回應。所以，呢個時候我地係剛柔已並施既情況下，唔應該係今晚又衝 (可以set deadline叫十二點前回應，但實在不需有暴力衝突住)。睇埋聽日再作決定可能會更好。
好多謝你睇完我既愚見，但如果你認同既請幫忙推/share一下，謝謝!!!!
