[廣傳][長文]長期革命，每個人都要準備對抗催淚彈/胡椒噴霧必須用品

相愛很難 · 2019-06-13T22:01:48+08:00

一路以來我都冇係連登開過post，睇到尋日我真係好嬲，但係我地冇輸到，只係未贏！手無寸鐵嘅我地其實擁有最大嘅武器，就係人！你睇下尋日班狗幾驚就知，人數真係可以大佢地！其實尋日龍和/添華個邊已經入咗立法會，點解會畀人推到去海富？因為香港人冇經驗，一見到催淚彈就驚，一驚就後退！因為我地仲當班警察係人！而家班警察係狗黎架，我地已經知道佢哋有咩同埋會做咩，係時候好好準備下一場抗爭！遇到催淚彈/胡椒噴霧唔駛驚，唔好即刻湧晒去救護站！出發前做足以下幾點，你可以自救亦可以救其他人。面對催淚彈自備梳打水：梳打水比例為500mL水：1-2湯匙(15-30g)梳打粉最好方法就用樽裝水兌，標籤好佢（費時你唔小心以為佢係水飲咗），兌完帶係身。如果你屋企有噴壺，帶埋去野餐噴下花。當警方使用催淚彈，最緊要唔好驚，要冷靜，唔好緊急撤退得太遠。有噴壺嘅就將梳打水到入去，然後對患處噴。噴完嘅，幫其他人噴。冇噴壺嘅望呢邊，你可以即場係個樽蓋到篤幾個窿，然後用唧嘅方式唧落去患處到。由於催淚彈其實係酸粉黎，用梳打水會即時幫你舒緩到痛楚。有人問點解唔用牛奶？大佬啊，香港咁熱，你帶得出去用得黎又酸又臭。梳打粉每一間超市都有，又容易搵又平，大家都可以係屋企整定先。記得標籤樽身啊！面對胡椒噴霧自備稀釋嬰兒洗頭水同埋稀釋皂水：稀釋嬰兒洗頭水/皂水比例為 10份水：1份皂水/嬰兒洗頭水以蒸餾水兌開，然後用膠樽帶備最好，記得標籤，或者用其他辦法識別。稀釋嬰兒洗頭水係必帶！要考慮成本嘅：只準備稀釋嬰兒洗頭水建議有能力嘅：稀釋皂水同稀釋嬰兒洗頭水都帶埋嬰兒洗頭水成本係貴啲，但係呢個必需品黎架！當你被胡椒噴霧射中嘅時候，保持冷靜！如果你只係準備咗稀釋嬰兒洗頭水嘅，向外倒落任何患處。如果你兩樣都準備咗嘅，稀釋嬰兒洗頭水只用於眼部，其餘患處用普通皂水，留多啲嬰兒洗頭水幫其他人洗眼。記住向外倒啊！唔好畀患處擴散！如果到場真係冇稀釋到嬰兒洗頭水或皂水嘅，唔緊要！搽咗洗頭水/皂水先！之後用清水往外沖！點解貴啲都要買嬰兒洗頭水？溫和囉！BB洗頭水唔辣眼，洗眼部附近嘅患處冇問題，洗其他部位嘅皮膚都冇問題。好多人問，畀胡椒噴霧唔係唔可以用水洗咩？係！唔可以用清水洗，所以咪叫你地自備稀釋嬰兒洗頭水囉！香港警察用嘅胡椒噴霧係油性嘅，你用水只會將啲胡椒噴霧越推越擴散。而皂水係去油性嘅清潔劑，所以用皂水洗患處，可以連根拔起。可能會有人問，點解唔用生理鹽水？生理鹽水留畀救護站！生理鹽水可以用黎洗傷口，消毒器具，如果你用大量生理鹽水洗皮膚其實係浪費緊。仲有，生理鹽水大多都係救護站，太過依賴生理鹽水只會令群眾後退，失去領地，為急救站帶來負荷！當然如果你真係好舒服，咁就要去救護站！但係千祈唔好亂咁用，急救室你都識留畀有需要嘅人啦！而家打仗啊，自救嘅就留守自救，你有多餘嘅力就救埋其他人！如果你個背囊擺晒必須用品仲有位嘅，望呢邊！唔該你準備檸檬汁同埋切好嘅檸檬！吸入胡椒噴霧係好辛苦，呢個時候，你地就要倒啲檸檬汁落毛巾到，然後掩住口同鼻。有切好嘅檸檬，就含係個口到！你會咳少好多，喉嚨會舒服好多！可以嘅話帶多啲，到時可以派畀其他人。標籤物資好重要！記得標籤個樽！強烈建議物資組將以上幾樣的用品列入！但係唔好依賴物資組！自備好重要！物資圖(in case你地唔知自己要買咩) 梳打粉：強生嬰兒溫和洗頭水：噴壺：檸檬汁：你可以自救同救人地嘅，盡量唔好後退！就算要後退都唔係好似尋日係龍和/添華咁，退到去海富防線都冇埋！如果你地有朋友冇睇連登嘅或者懶得睇長文嘅，send呢幾張圖畀佢地！香港人，加油啊！ Source： https://medium.com/@restorationproselection/tear-gas-cleanup-dc3e18217b50 <a rel="noopener noreferrer nofollow" href="https://abcnews.go.com/blogs/health/2011/11/21/what-to-do-if-you-come-in-contact-with-pepper-spray/" data-sr-url="https://r.lihkg.com/link?u=https%3A%2F%2Fabcnews.go.com%2Fblogs%2Fhealth%2F2011%2F11%2F21%2Fwhat-to-do-if-you-come-in-contact-with-pepper-spray%2F&d=aVu6RRA2p3vozNc6N9MXcy%2FZTjI%2BAzEE0qhR%2FCXcVFY%3D&h=2e66eb19" data-auto-link target="_blank">https://abcnews.go.com/blogs/health/2011/11/21/what-to-do-if-you-come-in-contact-with-pepper-spray/ https://www.indybay.org/newsitems/2011/10/26/18695225.php

魚丁糸 2019-06-13 23:07:13

好有用

onscoutscout 2019-06-13 23:07:13

推

相愛很難 2019-06-13 23:07:47

記得唔好淨係推po
分享係各大social media都好重要

相愛很難 2019-06-13 23:08:23

相愛很難 2019-06-13 23:08:45

記得唔好淨係推po
分享係各大social media都好重要

相愛很難 2019-06-13 23:08:55

記得唔好淨係推po
分享係各大social media都好重要

M子(大埔阿妓迷) 2019-06-13 23:09:03

Push

Machiko 2019-06-13 23:09:14

認真見到彈唔該幫幫手掉番開佢/踢走佢

好似咁：

招巴絲星期日一齊出黎打網球！
- 分享自 LIHKG 討論區
https://lih.kg/1217513

相愛很難 2019-06-13 23:09:56

帶球拍去公園打下波好正常

魚丁糸 2019-06-13 23:10:01

相愛很難 2019-06-13 23:10:07

記得唔好淨係推po
分享係各大social media都好重要

是龜也是頭是龜頭 2019-06-13 23:10:20

其實講事後
不如每到咁上下位置（5米-10米）都搵啲後勤人員拎大量水
見一粒催淚陣就用水整熄佢
咁仲易搞啦
水又易買度度都有最多買多啲桶扔粒野入去再扔返轉頭又好點都好過諗點善後

發夢夢見啲人咁做

榮華孖潤腸 2019-06-13 23:10:26

推！！！

相愛很難 2019-06-13 23:11:29

多糖維他奶 2019-06-13 23:11:31

卸妝水得唔得

係上水大量入貨

Coffeefefefe 2019-06-13 23:11:48

推

相愛很難 2019-06-13 23:12:11

當然好有用！
不過中嘅機會率都好大
所以教定先
多謝info！

相愛很難 2019-06-13 23:12:39

要求證一下

LauraX-23 2019-06-13 23:13:06

盾呀，最重要有盾呀
Need shields,lots of

落塵. 2019-06-13 23:13:35

推

毅進仔挑選那位 2019-06-13 23:14:01

pish

買唔起樓 2019-06-13 23:14:23

pish

有咩可以幫到你 2019-06-13 23:14:27

推撚爆佢

相愛很難 2019-06-13 23:14:31

我地帶ikea熨斗板去熨下野