大家相信都有睇過新聞有義士入左院之後比警察拉
而我都相信大家有睇到黃任匡醫生既post都應該知道點樣應對
Link: https://www.facebook.com/photo.php?fbid=10157490493726579&set=a.10150324932406579&type=3&theater
但之後冇耐又見到有呢個cap圖，而呢幅圖又走左樣野叫disaster code出黎，咁究竟係乜
所以想同大家分享多少少資訊
一、黃醫生講既野好岩。我地做醫生，醫你既傷勢，係唔需要，都唔想知你係比邊個打、係邊度比人打、因咩事比人打。我只需要知道既，就係有硬物襲擊/擦損/仆親，etc。所以唔使講咁多比我地醫生同埋分流既護士知。
二、真係有disaster code呢樣野。個code既運作方法，據我所知，如果你同我地講你因為呢d重大事故而受傷，我地就要mark。而呢樣code，官方答案係只係比醫管局用黎做statistic，mark數究竟有幾多人入院，幾多人出院，幾多人輕微，幾多人嚴重。而醫管局只會知道個數字，而個人資料就連醫管局都唔知。但小弟都有聽到d rumours話其實醫管局係知人名，而警察有權向醫管局攞人名，呢一點小弟都fact check唔到，好對唔住大家。（我偏向相信醫管局唔係咁仆街就咁洩露資料比警犬，因為漏比警犬的話，上到座舉証，知道係咁樣非法搜証我諗醫管局都會仆街掛，利申：真係唔sure）
三、如果有隊友係唔好彩比警察拉，而又要睇醫生，警察會出一張俗稱差紙既polo 42。呢張紙就係要向各位隊友攞同意，你簽左名就代表你同意醫生向警察disclose你既資料、傷勢，而呢張紙其實係before見醫生時，已經會問你簽唔簽，而小弟又somehow收到風家下d警犬仆街到玩冒簽，同埋警犬可能會兇鳩你，"你話驗傷ar ma，你唔簽就冇報告ga la"。我想同大家講，polo 42還polo 42，醫療報告還醫療報告，兩樣野黎。你唔簽，我都一樣可以出醫療報告，你向醫院申請就有。
所以小弟有以下建議。
既然個問題既源頭就來自個disaster code，咁大家只要避開個disaster code，咁之後就算醫管局真係咁仆街出賣有code既病人，佢都冇野好賣。點避？黃醫生同我都講得好清楚，你唔使同我講你係比咩人打、點解比人打。只要你冇講同示威活動有關，我地撚知你係去左金鐘咩
當然呢個做法個bug係，如果你好撚大鑊，例如打到盲左，你就冇方法向警犬追討。所以點樣演譯，要好好衡量，個前提係，作為醫生，我一定信病人，你話係咁咁咁，我咪照寫lor
另一樣野，係同同行既朋友講，各位麻煩簽個張polo 42之前，唔該睇清楚係咪真係本人簽名。可以面對面問個病人："你簽左，我就要向警犬disclose你既傷勢同資料，係咪真係同意"。問多一句可能只係花多幾秒，但可以救返個隊友。多謝各位。
最後一句。
天佑吾城。
