我已經冇辦法再出去戰鬥

我係尋日立法會門口嘅一員

雖然我冇衝擊警察同掉野

但係當佢哋放催淚彈嘅時候，我真係覺得寧願窒息死都唔可以撤退

當佢哋放埋橡膠子彈嘅時候，我已經連驚嘅感覺都冇，淨係覺得成個人迷迷糊糊，每1秒都不停諗自己係咪應該撤退，但係當我見到身邊有好多冇防具嘅細路，女仔，男仔同我一齊硬食，我對腳始終都係不受控制咁樣番番前面

但係你哋都明白㗎啦，我一開始都已經明白，就算我哋嘅決心同意志比對手強10倍，一百倍，都唔代表我哋有機會成功，甚至乎，今次嘅情況我哋幾乎百分之百係會全盤皆輸

我真係盡咗力。就算比mon呢個lihkg嘅警察笑都無所謂，我尋晚瞓覺嘅時候不斷諗返起催淚彈同火燭彈爆發嘅聲音，成個身都喺度震，今日已經完全郁唔到。而且而家呢個行動被定性為暴動，就算我冇做乜嘢，企喺前面唔撤退都已經可能被入罪。我真係盡咗力，已經無辦法再做乜嘢。我應該要係勇士，但我唔夠勇敢，係我辜負咗香港。

希望你會再出 我都係前線之一

PTSD 睇醫生

坦白講，身邊其他人嘅冷漠，不同情，不理解，我好多年前一早已經習以為常啦，第一日喺香港生活咩？但係真正令我心痛嘅事，係好人俾人折磨。

係立法會門口個一班人，好可能真係香港質素最高嘅一班人。警方放催淚彈時，男人叫女人先走，女人叫細佬先走。中途俾自己友踩親隻腳，佢仲竟然有心機同我講對唔住（催淚彈射緊埋黎）。我見到好多同我差唔多年紀嘅人，比我更後生嘅人，老過好多嘅人。中途有好多人已經俾人射到雙眼無神，不停嘆氣，連開口鬧警察殘忍嘅氣力都冇埋，純粹係吊住最後一啖氣企喺原地。

加油 前線轉後援 做哨兵同運輸兵

我事後都不停叫人睇心理醫生，尤其是個班未成年嘅人，個場面比任何戰爭更加恐怖，重點係我哋根本冇還擊能力，但係都照俾人壓制

對唔住，真係做唔到，無論係體力上定心理上

十點半二讀，放棄，即到立會，大家加油

唔好放棄

唔緊要
但盡量唔好令其他人失志氣
如果唔係尋日你嘅努力都會白費

你需要求助專業人士
香港紅十字會心理支援熱線：3628-1180

你已經做得好好 以你為榮
要休息要停嘅 就抖抖啦

唔緊要 好好休息 你已經好努力
祝各位武運昌隆 黑狗死全家

我希望你哋成功

無用嫁啦 唔還拖
你頂得幾耐...

你呢個post未打擊士氣囉

你灰你既事發咩感想上黎，當連登係咩？IG story?

有病唔該去睇醫生

我本身都驚死同坐監，但係見到呢幾千人唔肯放棄，我都冇辦法放棄

當然，我依家都仲係好驚俾人秋後算帳，中催淚彈時我間中冇咗口罩，可能已經被點相，仲要讀緊大學y3，成本真係好大

如果真係俾人檢控，我都係會同法官講我好後悔參加，但事實上，你比我再揀100次，我100次都會參與呢一次剪頭如果真係俾人檢控，我都係會同法官講我好後悔參加，但事實上，你比我再揀100次，我100次都會參與戰鬥

對唔住，我一生未經歷過呢啲事情，好想同人分享

我建議你去IG講 今日又要二讀，無時間畀你發表感受用用個腦然後再出黎啦

加油 去立法會呀