［長文］我都係尋晚其中一位被黑警困喺告士打道幾個鐘頭抄埋牌嘅廢青

義士辛苦你啦

加油呀,肯為香港踏出呢一步既巴打,我真係太多包袱,對你地唔住

唔好咁講，只係大台掛住講廢話搞到好多人散咗水（包括唔少行動派），好多人都係走咗冇哂車先知有突發野
人人負擔到嘅代價都唔同，我自問都唔係最勇武嘅人，但求保護到身邊嘅戰友就得，少一個就係少一個。

我只係希望和理非嘅唔好再割席+屈行動派係鬼就得，企前線嘅個個都係搵命搏

多謝你呀義士

多謝你肯為我哋衝擊佢哋

推多謝你

推！

多謝你地嘅付出，我地確實無乜嘢係手幫唔到啲乜嘢，感激你地所付出的一切去到最後。希望你地平安大吉。

真心想講一句 多謝你地

早左走，對唔住你地

今次唔再係撚狗post

岩岩先食完早餐返到屋企，喺廁所食住煙聞住陣夾雜唔同人汗臭味嘅身出呢個post(終於有時間屙屎)
屌佢老母黑警搞到我忍尿忍咗幾個鐘，仲要畀呢班低學歷冇思想嘅国家機器拎住武器喝狗咁喝鬧係廢青

先同各位講聲對唔住，暫時我都唔可以再企最前面了，但我一樣會繼續出嚟（如果冇再被秋後算帳嘅話），最多企後面支援大家，希望你地可以代小弟企前多一步



坦白講呢2年我都同大家一樣有好強嘅無力感，近呢半年直頭連新聞都唔想睇，每日都係過住行屍走肉+對任何事都冇哂熱誠興趣嘅頹廢mode

直至到今次反送中，本來我都冇乜想再點留意，上次遊行我都冇去到甚至都冇諗過要去。但後來我見到連登有好多比我年輕嘅學生巴絲都出嚟搞街站落力宣傳，先令我有返幾年前果種感覺，好有雨革前嘅氣氛。咁作為有街頭抗爭經驗嘅成年人，我都希望可以同大家一齊出返嚟守護香港。



當年身邊嘅戰友有部分已經灰心而全面退出哂，移咗民嘅都有，但我都覺得冇人有資格怪佢地，畢竟大家都為香港付出過。但依然仲有當年嘅同路人繼續出返嚟一齊抗爭，都只係因為我地唔希望香港就咁玩完，就算平時講到有幾撚憎呢個地方都好，最後都係會忍唔住行返出嚟。

我有一位中學師兄係仲在囚緊嘅初一義士，我應承咗佢等佢放監嘅時候會請佢食返個飯，但我唔想喺未見到佢嘅時候就發現佢已經畀港共送埋上中国監獄繼續坐。或者佢出返嚟問我呢幾年做咗d乜，我唔想答佢我乜撚都冇做過食住花生咁望住送中惡法被強行通過，畢竟佢地付出嘅代價已經比我地多幾百倍。




今晚身邊一齊被困嘅戰友有幾位都表示心灰意冷，我知你地有睇緊呢個post，我同你地一樣呢一刻都係無比難受感覺好似孤兒仔咁，但係請諗返點解我地今日會出嚟仲要堅持留到最尾，即使我地一早知道成效其實唔大。

頭先畀黑警禁錮嘅時候，我其實好想喊，點解我地明明係為咗守護香港而留守街頭到最後，結果要畀yijin警渣當係罪犯咁迫我地除哂口罩遊街示眾慢慢影相？防暴隊仲拎埋長槍預備想今晚射我地？然後一開fb仲有成班盲毛鬧我地係鬼破壞佢地今日個和平運動（但明明我自己呢個月都不停叫行動派同溫和派唔好分化，各自努力）



好深印象有位巴打喊哂口咁叫到聲都沙，問大家做乜唔一齊拎定磚喺手，咁就唔洗畀黑警一衝入嚟就散哂。如果呢位巴打有睇呢個post嘅話，我想同你講聲對唔住，我都好想今日可以有初一咁嘅規模，但我自己出嚟行咗成日已經冇哂力，仲已經發緊燒，請原諒我驚TK冇跟你機但我知你係做緊正確嘅事，希望你冇事。


而仲想出嚟嘅大家，希望你地可以真係諗到個方法點樣成功突圍，畢竟對家今日嘅表現已經明顯比以前大有進步。由其係為咗防止928重演，佢地今日嘅戰術精良咗好多，但我地反而唔夠決心，所以真係要諗下下一步可以點做。如果唔係只會重演雨革嘅失敗，但今次一輸咗就真係end game.



畀黑警禁錮嘅時候我都已經預咗自己會入臭格坐夠48個鐘（原因唔方便講），仲叫定朋友幫手搵律師，但最後我都呆咗一呆，總之希望今日被捕嘅戰友們可以冇事


沖個涼先，而家隻手d胡椒噴霧仲係乸到仆街
幾十個鐘頭冇訓過，本身想打兩句點知愈打愈長打咗成個鐘，Sorry for 1999


最後黑警死全家，歷史一定會證明你地呢班為咗三皮野拎支炮就以為自己大撚哂嘅警渣先係真正嘅廢青，屌你老母。

殘體5毛

師兄真係辛苦晒
我同你同一眾巴絲都付出左好多
今日盡量休息

多謝你呀巴打.

多謝哂巴打辛苦哂

好多謝你 義士
12號交畀我哋

其實你有冇諗過 重點係反送中定黑警

無言感激

輸timing
齊人既時候 大台好要求政府回應
再升級
係都要等到十一點
人都散得七七八八

輸裝備
人地full gear 我地連眼罩都唔多個
一噴噴霧 都要洗眼
點可以唔退

輸地型
我地係立法會開片
馬路個邊既人唔衝都算
竟然係咁畀狗係咁入
割開晒我地

但今次有樣好
就係大家主動救人
不過戰術同兵力差太遠

告士打道個邊我唔係好明發生咩事？

想問下如果聽晚去幫手既女仔可以幫d咩？自問冇力量去幫到手衝擊 但如果去既話可以做到d咩？

雨革未發生之前佢地已經主動同我絕哂交
同呢d畜牲做過同學都覺得羞恥

唔衝嘅都一樣做到好多野，可以幫手cover衝嘅人，人多黑警自然唔會敢亂嚟，企後排可以幫手傳物資上前線，或者做下後勤幫手派下野食同水
總之出咗嚟先就一定搵到自己嘅崗位，到時再睇下現場有冇咩需要幫手，聽晚見

尋晚其實係群龍無首大家都唔知衝好定點，加上又畀民陣大台消耗哂民意好多人都散咗，最後先至咁晏開始衝，唔少人一走咗先知衝緊立法會，但已經冇車返出嚟幫手

裝備尋晚好多人都係輕裝上陣，畢竟現場唔係個個有抗爭經驗，希望嚟緊會有人幫手運物資嚟之後會好d，但最緊要都係膽量同保護好身邊嘅戰友，黑警同狗一樣好鍾意趁你背對佢果陣突擊你好似夏愨道果幾個義士咁好彩救得返

尋晚立法會拉緊人果陣我企喺落嚟果條斜路位，我地唔係唔想落嚟幫手而係後面成隊黑警想衝落嚟我地用人群頂住佢地，唔係個個都掛住食花生影相

告士打道我地係走唔切畀防暴喺第二邊衝過嚟圍住喺行人路走唔到