(新手試打遊記)9日京阪神姫路岡山鳥取廣島之旅

我無去到呀我一條大直路直去

爛咗？

呢兩星期真係一來忙二來無咩心情打遊記
而家得閒打返小小先

行完姫路城個門口，就撘新幹線去西明石再轉車到明石大橋，個天一直好想好想落雨，但一直落唔出。去到大橋下面，真係好少人，有幾個外國人去左橋個個展覽館睇野
我就自己on99咁坐係度hea左個幾鐘吹下海風，坐下坐下有條日本仔行埋過我個邊釣魚，本身我都無咩點理佢，直到佢釣到條魚，我循例都要比返啲掌聲佢，跟住佢就對住我講一大堆日文，但係我乜都聽唔明，跟住佢就示意佢會放生條魚，再用英文問我邊度來。咁我直接答佢Hong Kong，佢就即刻應我Jackie Chan佢又用佢有限度嘅英文問我香港多唔多人釣魚，我就答番佢香港水質差到仆街，唔適合釣魚佢都略略明我講咩，佢就話神戶港嗰邊又係唔適合釣魚，佢話釣上來啲魚臭
我就咁睇佢玩半個鐘，佢釣到邊條就同我分析呢條生食好定打邊爐好
坐左差唔多總共兩個鐘，我就開始出發去神戶港

唔會 我一定會完成
只係拖長來打

通常拖下拖下就會爛尾

係明石大橋hea完，就撘車去神戶港睇下，去到神戶港又開始落毛毛雨，去到摩天輪嗰個位，唔少一家大細準備入去麵包超人館，但我對麵包超人冇乜興趣，所以就搭左車去左三宮站附近食red rock之前喺東京都冇特登試，所以今次喺神戶見到就想試下，講真係真係幾好食食完就撘車附近嘅垂水outlet行下，原來車站係有接駁車去outlet我仲on99咁擔住遮行去outlet行左大概一個鐘，收穫左兩條adidas運動褲，就因為眼瞓嘅關係，4點幾就撘車返姫路酒店訓返陣

未爛尾