(新手試打遊記)9日京阪神姫路岡山鳥取廣島之旅

由於小弟上網見到嚴島神社大鳥居6月準備維修，所以5月頭用Asia miles換左機票大阪入福岡出，實現今次日本山陰山陽之旅。

行程如下

Day 1 難波站
Day 2 日本橋 大阪飛腳
Day 3 京都 嵐山 伏見 夜晚去姫路check in
Day 4 姫路城 明石大橋 神户港 outlet
Day 5 廣島市內 宮島 嚴島神社
Day 6 姫路城 倉敷
Day 7 鳥取全日
Day 8 岡山(岡山中央批發市場) 自由活動
Day 9 岡山城 福岡

以上呢個係我最終嘅行程，本身去緊個陣仲諗住去埋錦帶橋，但day 8太攰所以自己放棄左。

希望呢個post唔好爛尾啦

Day 1

出發個日撘因航下午4點半機，撘到去KIX都已經夜晚十點到，搞埋入境d野撘埋南海電鐵去到心齋橋酒店都已經十一點，所以就拿拿聲落街食野。

一蘭呢啲我就唔介紹啦


呢個位諗起之前慶祝改年號跳橋跳到骨折個on9仔

Day 2
由於頭三日都係同屋企人來既關係，第二日都係好普通同佢地去下黑門市場梅田站呢啲地方同佢地食下野


去到下午兩三點，我就自己去下日本橋睇下有無Star Wars野係抵買既，結果都係得個行字。

行程咁chur 有啲浪費

去完姬路城第二日去廣島，跟住又返姬路城再去倉敷？好似咁唔順路又重複既？

而且山陰齋去鳥取仲要得一日…點解當初唔集中京阪神加山陽

因為第一日去到姫路城門口見到個天勁唔好天 所以決定唔入城住 過兩日天氣好小小再入城

因為我見pass有包 同埋我又只係對鳥取砂丘有興趣

同我個行程好似
不過我去五日
有啲位唔同

去到下午四點到，我就撘車去萬博公園睇大阪打比，但事前我係完全無買飛，諗住去球場門口博下有無人放飛

喺expocity行咗陣就去咗球場門口，去到就不斷用Google translate問嗰度啲人會唔會有冇人放飛，點知問咗大半個鐘都係答no
係當我臨開波前15分鐘見都冇人放飛，都已經諗住掉頭走人，係呢刻無啦啦有個日本仔拍一拍我，問我係唔係要飛，佢話原來有朋友放佢飛機，所以張飛都無用


於是佢就叫我影佢qr code，仲特價放比我一入到場就拿拿聲搵左自己個位先。成場波氣氛真係幾好，球迷兩邊都勁大聲，球員都踢得勁狼死，可能真係打比關係。


睇到夜晚9點，就早走幾分鐘唔洗同咁多人迫電車就返返酒店。Day2都就咁完。

留名

mola?

Day3
一早0430起身就係為左去嵐山影比較少人嘅竹林，0515開始撘車，大約7點到嵐山

7點幾去到竹林，全場我諗大約30個人好多都係外國人，大約影左45分鐘我就離開，大約8點我已經見到一團團大陸人同日本人向竹林方向行入來

完？

爛尾？

我都有去睇大阪打比

去完竹林，就行去附近既渡月橋，求其係河邊坐都已經覺得好休閒但坐左幾個字 我已經覺得好眼訓 所以就撘返車返大阪酒店訓返幾個鐘

氣氛真係勁好 可惜我臨開波前15分鐘先入到場 個日係球場出面等已經感覺到種打比氣氛

直到訓醒到2,3點，就同屋企人食個蟹道樂午餐，再行下美國村，夜晚食埋個牛角燒肉放題就同屋企人分開(本身想食國產牛，但兩間都full)，屋企人第二朝關西機場走，我就出發去姫路

今次我就住姫路站Dormy Inn，around 300hkd 一晚，佢單人房係無沖涼，沖涼要上天台浴場沖，其實仲啱我
但唔知點播係唔係第一次自己住酒店，成晚都訓得勁少，又疑神疑鬼咁

lm

Day 4
由於真係太唔習慣自己一個住酒店既關係，我係個朝5點幾6點已經醒左，睇一睇當日既天氣，本身係諗住姫路城加神戶，但天氣報告已經話成個關西山陰山陽都落雨，連轉地方去都唔得咁唯照原定計劃去得幾多得幾多，咁就一開始去左姫路城先，但去到門口心諗個天咁黑，無理由比1000yen入城咁所以我只係係門口影幾張相就算，過兩日再入城

行去姬路城， 有冇經過 みゆき通り, 小溝筋商店街 好多野睇

pish