睇到今晚咁多人屌達哥有感而發

唔好將打機睇簡體字幕(係無繁中字幕)情況下
就拉到唔尊重香港本土文化
我敢講一句，如果香港啲地方街名得簡體同英文
90%既人會睇簡體，因為真係方便(係無繁體情況下)
但係咪係又等於唔尊重香港文化?
無可否認一樣野就係香港人睇簡體係快過睇英文

咁你當我係個10%戇鳩仔 我會睇英文 簡體字係香港出現本身就係破壞緊香港文化

如果你講方便就用簡體字唔用英文 咁香港同大陸仲有咩分別
加上隻game啲英文可以講係小學生程度 講方便會差得幾遠

隻Game無繁體簡唔好扯到現實要選擇簡體
同埋好多野真係你覺得係咁，唔等於其他人都覺得咁
你選擇睇英文唔睇簡體係係你個人選擇
達哥選擇睇簡體字幕唔選擇睇字幕呢個係達哥選擇
同埋最緊要就係達哥有逼你睇嗎?佢有叫啲人用簡體唔用繁體字嗎?
係我角度唔完全唔覺達哥係破壞緊啲香港文化
只不過係你地要將啲啲野上綱上綫到唔睇英文字幕睇簡體字幕就係破壞香港文法
依家你令我諗起文革時啲紅衛兵要將啲野批到上綱上綫
我見到你就諗起香港文化基本上同強國文化無咩分別

要消滅一個文化同文字
就係潛移默化 慢慢 逐漸咁取締左本身既語言體系
如果你有十年前後上去廣州、西藏已經見個轉變已經好大
佢地唔再講廣東話或藏語為主，開口都係普通話先
而當年中共亦無格硬要當地人改，只係從教育著手同近年香港教育改變無異
達哥，作為一個公眾人物今次無疑係將消滅繁體字加速

任何細少既因素可以推等一個文化被改變
例如今次達哥既選擇，或多或少令大眾(特別中小學生)心裏面將英文排係簡體中文後面
呢樣同廣告係同樣既道理
所以咁樣係咪就叫「上綱上線」亦唔見得
呢個世界無一件事做左出黎係可以毫無影響

無錯簡體係舒適好多，但香港法定語言係包括埋英文
如果覺得一個人係好撐香港文化既
以前理所當然地選擇既優先次序會係繁體>英文>簡體
除左英文出到黎社會仲極為重要，仲因為同港英時代99年孕育出黎既濃厚香港文化息息相關
相反，回歸前後香港咩文化係由簡體中文衍生出黎？
你可以原地踏步係舒服圈，但此舉的確係幫手去取緊香港本土文化