［長文］　應唔應該慫恿細佬請假去旅行?

要
我都係阿哥 自己讀緊u細佬讀緊中學咁
上到大學先發現個世界原來好大 其他人見識多過自己好多
見識多嘅人談吐舉止差好遠 對住佢地好難會唔自卑
文化修養唔同讀書 冇得短時間谷
請假去旅行呢啲嘢又唔會對成績影響好大 有得去緊係去左先
更何況你同你細佬嘅相處時間 係你以後用錢買唔翻

咁點解唔暑假帶佢去呢？暑假唔使pre exam掛

我覺得ching唔好諗住出去旅行就係靈舟妙藥，一出國就可以多d見識。如果去個旅行就可以擴闊視野同踏出自己comfort zone wor,個d大陸土豪年中都去十幾廿次歐洲啦，唔通個個去完都變到好西化好有教養咩？巴打有無plan過學習目標同行程，點解你一定要透過旅行去擴闊眼界？係咪無其他alternative可以取代呢個方案？你點肯定你細佬去完個旅行之後會學到你想佢學嘅野？你肯定旅行當學習個效益過佢係學校讀書嘅效益？如果你細佬成績唔多好，返到黎好大機會好難追學校進度，請假旅行未必咁值得wor。

其實由幾時開始去旅行係基本條件
不如你教下細佬點樣靠自己 唔洗靠屋企
學識自己滿足自己所需所想
唔好令佢覺得人地有 所以佢要有
15歲都大個仔 要學下點樣追尋自己人生
開拓眼界唔一定要去外國

我中學都係去左5次旅行左右

唔覺大學識朋友有咁既需要 不過總有堆扮到見識好廣濶既港女係咁 (例如用名牌 又鐘意成日去飲酒 講幾句日文當高人一等)

中學最緊要當然係讀書 暑假去返10日左右又無乜問題既

請假之類就唔好啦 SBA都要老師比分 你咁玩法 堆教畜記仇 玩針對就PK

多假期但多數係零星一兩日，
連假學校又排係測試考試前後

因為我工作比較接近freelance同home office
所以我隨時都走得，亦可以翻酒店時繼續工作既
銀彈同時間都有，唔係大家諗既咁，要細佬就我時間

有機會一定一定要鼓勵(金錢上)佢去做交換生或者去讀啲名牌大學

出過下國真係爭好多


成個大學生涯最後悔冇機會去做交換生
反而單純旅行嗰啲感覺唔係咁特別
我都係上到大學自己番pt先去到旅行
雖然東(南)亞都去玩過下
出嚟做嘢都去過歐洲玩兩個星期
但旅行始終係旅行
好似硬係爭咁啲

你覺得一年去兩三次 每次去得一個星期多啲
其實真係夠時間比佢去體驗同培養正確嘅價值觀咩
人地去完外國返嚟有得著 係因為有段頗長嘅時間喺當地同當地人一齊生活 體驗當地嘅衣食住行 例如exchange同working holiday 依啲先會有得著 加上去得exchange working holiday個啲 基本上都係思想已經成熟 識得點樣從過程中學習知識
去旅行得幾日時間 我諗多數都係去旅遊景點 同埋佢都未知出面個世界有幾大 你期望佢究竟去完會有幾多得著 不如比佢喺學校學多啲 你又多啲同佢傾下依方面嘅嘢 Share下自己去外國學習嘅經驗 等佢大個咗再自己嘅學習模式好過啦

中學做乜exchange

老實講，唔羞家
我只係想係能力範圍內，比到就盡比佢
自己無悔而已

但其實去個旅行都唔會令你見識多左 談吐好左
文化修養係來自閱讀文學或者家庭教養
去美國同白鬼傾完分分鐘英文順利左但低俗左

儲一筆大 dse完左之後去一次歐遊 亞洲國家可以增加咩見識？

想去就靠自己拎scholarship
唔好用自己人生去造就人地人生
佢學識自立自律 好過去食牛扒生蠔

唔好搞咁多嘢

你都識講你隨時都走得
咁點解唔等你細佬放大假先
明明黎緊就放暑年尾仲有聖誕假
年頭又有新年假 呢3個假一定有一個禮拜啦

去幾日旅行都環問 求其拎3，4日去台灣秦國都得啦

我建議你幫佢報吓啲暑期/復活節假/聖誕遊學團好啲，一嚟唔會影響返學，二嚟有當地老師帶你周圍去，好多時仲有得homestay同當地家庭傾吓計，好過去旅行好多時睇唔到當地人點生活。而且團入面又可以識到唔同學校嘅新朋友，有啲有緣分返嚟都仲keep到，都叫做擴大圈子？

巴打 你都話去幾日唔夠佢體驗 咁你攞學校假都可能至少攞一兩個星期 咁不如直頭放暑假etc去啦
你話佢放假要prepare exam, 其實佢返學聽書都係for佢prepare exam啫 仲要做返d功課
如果初中我覺得係打定底俾你揀科 如果冇聽書可能真係會唔知發生咩事 但高中都係靠操past paper所以冇乜所謂
同埋年年咁樣消失幾個星期去旅行 其他同學老師會點睇佢
Btw 中二科都未揀就叫人做past paper梗係唔做啦 題目都睇唔明

樓主係個好哥哥

其實去過日本都叫出過國

唔係真係咁井底嘅

同埋一年去多幾個國家旅遊真係可以令佢變得談吐大方、有氣質同埋容易係大學埋堆？你見到外國d家長帶小朋友去旅行好似令佢地眼界變得闊左又外向，但你肯定係一年去個幾次旅行係個關鍵？會唔會係班家長本身已經家教好，平時就會教子女去唔同角度思考，並且肯親身帶佢地去睇下個世界，先會造就到佢地子女係耳濡目染下變得視野廣闊？

我覺得要教一個人做人大方得體，唔會係一年抽一兩個月帶佢去旅行就做到，而係浸淫出黎，比如睇多d新聞、學好英文。如果佢係地區學校，就叫佢玩多d活動（比如public speaking, debate)，識下其他學校嘅人，等佢知出面有好多勁人，同埋學人地勁嘅地方。

如果佢去完旅行返黎唔會改變過自己生活模式，你只會白白浪費錢同時間。你話得閒去玩下仲話無咩所謂，但而家你要佢請假唔返學同你去旅行，個time cost好高wor。

Btw欣賞樓主肯為細佬付出，但你要佢請假去旅行之前，或者你要諗下旅行係咪可以達到你個目標，個效益係咪一定大過佢返去學讀書

想當年我十五歲都係番過大陸
你個諗法話驚佢見識少
我覺得十五歲仲係好細個
我覺得有啲杞人憂天同埋諗得太快
不如宜家了解下佢既性格
佢啲朋友係好定壞人
唔好俾佢行歪路
雖然唔係話讀書會令你飛黃騰達
但長氣啲一定要考埋個dse 入到大學
到大學有把機會你出去見識世界
我試過去外地實習同歐洲留學
果啲經驗先係真真正正俾你開闊眼界
你會留意到其他國家既文化同人民既生活係同自己既城市有幾大分別
亦有好多機會去思考自己既將來
講真 一年去幾次旅行果啲唔係話唔好
宜家學生讀書咁辛苦 香港地生活節奏又快
但一次先去得幾日 除左吃喝玩樂仲做到啲咩
所以我覺得哩個年紀最重要灌輸到正確既觀念俾佢
做正確既事 唔好群埋啲呀豬呀狗
學埋啲追星同睇埋啲濕尻youtuber 睇到上晒腦
最後係你既父母即使真係唔識教自己既仔女
佢地都可能係受到香港哩個社會既影響
先會緊張份工作多過你地
要教你細佬孝順父母

可能打得太多
多謝你睇晒佢

部分同意
去旅行會見識多左，姐係知多左某d野既存在，知對比自己城市人地有咩唔同，好多新奇野等等。

但旅行都係表面識多左，其實最後都係要讀多d書先令你有更深入了解。

我會話係相輔相成