學樂器都係到高中既時候屋企先affort到
咁因為窮人生仔既關係，我爸媽長期係出面打工唔湊仔
好多時係由我去照顧細我7年既細佬
雖然咁講怪怪地，但我都當佢係我半粒仔咁錫同重視
講完依個背景大家都應該明我父母唔太識教仔女
亦都無培養小朋友／比資源佢地既概念
當我大個左發現自己對比起其他朋友少好多見識時，係會有啲自卑
我無怨父母既，但就唔想我細佬步我後塵
佢到目前為止都只係翻過大陸﹑鄉下同日本咁大把
我想佢有多啲機會出去睇下個世界，見識多左，諗野會好唔同，個人亦都開心啲
佢都唔細啦，15歲，過多三年中學畢業
去到大學識朋友既時候好容易會同人攀比，我作為家長有啲擔心佢
咁就想幫佢plan下去多啲國家行下啦，可能一年帶佢一齊去2,3個國家咁
不過一年裡面得一兩個長假期，佢又周不時話啲假期要拎黎prepare exam blablabla
我又要同佢夾時間，所以佢完全去唔到
咁我本身個思想比較開放同跳脫，係我價值觀黎講係應該「讀萬卷書不如行萬里路」
雖則我細佬份人好乖，唔會因曠課而荒廢學業
即使佢本人同意都好，我一定比我父母+佢學校+社會言論插死
因為學校唔會容許學生請假／曠課走去旅行，父母又擔心影響學業
可能會有人話，你唔比佢上到大學free啲或者暑假先去旅行？
暑假去唔到既原因上面講左；
大學我覺得太遲了，因為人大左，好多野都定左形，例如自信心同性格之類
而大學剛好係交際擴展人脈既時間，依個時候先去存共同話題同見識已經太遲
人地一見到你，睇氣質同外表，再傾一兩句同問你住邊，就已經摸透哂你個底
過多一兩年又要Chur GPA同實習之類，邊得黎咁多時間？
我上網查過下其他家長既做法，香港典型父母當然唔濟啦，覺得教壞小朋友
反而澳洲﹑英國等地既父母就好興咁做，即使學校唔比／要罰款都照去
（雖然佢地有好多都係為左避開旺季，個心係想去平價既親子旅行）
所以我依家有啲慌，唔知應該跟自己個套定係主流社會死讀書個套先係為佢好
又好驚咁做係害左佢
多謝大家睇到依到，希望可以交流下諗法
起碼等佢返下pt體驗下社會先