今次同大家淺談既
所有鰻魚都係有長條蛇型身材，但唔係所有長條身材既魚都係鰻魚
真。鰻魚係屬於鰻鱺目(Anguilliformes)呢一個目。
簡介
鰻魚主要分成海鰻Moray Eel同淡水鰻Freshwater Eel，兩者唔同樣，唔同習性，但一樣係鰻鱺目。
海鰻:眼神兇險，大身型，有住充滿色彩既外皮
淡水鰻:無眼神，無色彩，但有一身黏液保護身體
所謂電鰻
並非真。鰻魚，佢地自成一角，屬電鰻目(Gymnotiformes)。佢地既發電器官佔左全身既8成，發出既電力足以電暈成人。所以大家潛淡水環境有幸見到佢真係要小心。
所謂鱔
並非真。鰻魚，佢地都係自成一角，屬合鰓目(Synbranchiformes)。佢地同樣有幼長身材，但尾部更尖，而且魚鰭有刺。同時，佢地係身體非常古舊，什至呼吸系統都仲未完善。
特徵
佢地既背鰭，尾鰭同臀鰭融合成一條鰭，而且無腹鰭，呢一種長條型令佢地可以係窄既石峽之間自由活動。
鰻魚大多數係捕食者，當中海鰻Moray Eel更加有一特別既搵食架餐: Pharyngeal jaws(9up:第二個下顎)，海鰻咬住獵物後會有第二個"顎"將獵物拉入肚，所以比佢咬住都幾難走得甩。
生命循環
鰻魚既一生其實非常平淡，一出世就透明，透完明就個樣生到似異型
。 
一出世最初佢地呈扁型，且透明，名為Leptocephali，係海中漂浮，以海中有機物維生。當中值得一提係某啲淡水鰻有住同三文魚相同既習慣:會搶閘上游生B
玻璃鰻(Glass Eel)係鰻魚一生第三個階段，佢地已成長條身型，但身上既色素仲未有，所以仍然透明。
之後佢地會成長為黃鰻(Yellow Eel)同銀鰻/成鰻(Silver Eel)，唔係真係有咁明顯分別，作用某程度上係話比其他同伴知自己未夠秤行房住。
食法
鰻魚呢家野，日本做法的確無敵
慢火炭燒
整做茶泡飯都得
加串鰻肝送酒
中意既可以起底睇埋我其他post，但啲圖可能已過期
仲有就係，多謝大家一路以黎既支持
