其實世界各地仲有好多人留意香港發生緊咩事

喺外國讀緊書，想share下噚日發生嘅事。

事源有位絲打寫咗篇身份認同嘅文俾中國學生攻擊：
https://lihkg.com/thread/1128754/page/1
https://lihkg.com/thread/1124377/page/1

噚日我上緊堂嗰陣，有個美國人同德國人坐咗喺我隔離。一開始同美國女仔有吹幾句水，後尾吹吹下水講起政治，個美國女仔同我講佢有留意到香港反逃犯條例嘅遊行，我都嚇咗嚇。後尾我地由雨革開始講起，去到港共政府近年嘅所作所為、點樣政治迫害異見者，同中國、新彊、西藏同台灣等情況。佢對於呢啲都了解幾深。同時，我都有講到自從雨革開始，香港人已經對改變唔到現況而好一蹶不振，成個社會充滿失敗主義同絕望。

美國女仔有同我講，佢由細到大都係學香港有一國兩制，但現實上兩制不復存在，好擔心香港嘅情況，美國有責任去睇實香港，但實情無做到。佢又問到我係咪好唔鍾意中國人，我就將好多中國人嘅惡行一一羅列出嚟，包括埋上面兩條link嘅事。佢聽到中國人會批鬥人，強加佢地嘅身份認同落人地度，就即刻話佢嘅朋友都係咁。佢有啲ethnic Chinese嘅朋友因為話自己唔係中國人，而俾其他中國人批鬥。

佢睇完絲打篇文之後，咁啱德國佬返嚟問講緊咩，佢就好快咁解釋一次過德國佬聽。佢地都係覺得中國人好荒謬。而德國佬就話，不過佢地都係咁架啦。吹水嗰陣，佢地兩個都對香港嘅情況好有興趣，不斷咁問我問題，亦會因為香港而家搞成咁而歎息。

我想表達嘅係，即使香港而家嘅情況有幾惡劣都好，大家都唔應該氣餒。要有改變，好多時都要慢慢由細微位做起。好似絲打咁寫篇文去講香港，我地都可以略盡綿力，去令更多人知道香港而家發生緊咩事。香港目前係一盤散沙，但集合到唔同力量，最後一定可以帶返成個社會重回正軌。至少我知，呢刻我可以做到嘅係同唔同人去講社會現況，令國際更加關注香港。

唔係失敗主義

而係你可以同你兩位朋友傾下

美國同德國今時今日嘅自由到底係靠流血定和平與愛爭取返嚟 ?

首先你要有權力

講真，的確無武力抗爭係問題。
但現時情況下只可以盡力去做，因為根本未去到呢個stage。
香港個case都無得一步登天

pish

off topic

首先要宣傳嘅已經唔係抗爭嘅理由

廿年啦已經 要知嘅人已經知 唔知嘅唔會想知


要宣傳嘅係香港美好嘅日子已經唔會再返嚟

只有兩條路

一 無聲咁衰敗

二 臨死前怒吼

但係兩條路都係會死


唔好再幻想有生路

一係逃走 一係唔出聲咁死 一係死之前轟烈一次然後死

冇off topic，荒謬既唔係中國人，係香港人。一起舉傘，一起解散。含淚投票，個個心底都想做離地中產去英美加澳，差到極都有水泉澳村新加坡人同埋銅鑼灣書店台灣人。民意同輿論已經反映一部份/大部份人諗緊乜。

求仁得仁。

LM幫推

講反抗強權香港人連支那人一半都冇

咁魚蛋革命你係咪現場？

連登要isp email註冊，我唔會自爆。認左又有咩威水？有功勞所以先有發言權？係咪要坐監先可以爭取民主？係外國人面前建立香港人形象唔係問題，叫香港人唔好氣餒你想同邊個講？唔投票既人？投票爭取民主既人？好丫，咁2016年立法會選舉你投左邊個？

叫人地去留案底幫自己爭取民主，自己賺錢拎外國護照走人。

香港嘅情況其實未夠差，制度上嘅崩壞月仲未漫彌到直接嘅生活層面，但遲早都會燒到呢一浸
香港人好急攻近利，希望被英治時只會示威遊行嘅人突然會武力行動或者一兩次大型社運就囉到民主，失敗後就完全認命，會唔會咁易？

回應返你

一、我從來無講過亦唔覺得有咩威水，定你覺得有參與係好威水？

二、發言權個個人都有，我問你只係見你blame緊雨革變今天我而失敗。無錯，和理非非喺香港現時根本唔work，之不過我見唔到你重新出發，而只係不斷走向負面。如果你嘅comment只係想blame人地，而唔係諗下點樣再為香港付出，我諗你都唔係咁鍾意香港。再者，如果你無參與而只係去插其他人和理非，咁你更加唔配有講呢番話嘅資格，去打沉其他人再嘗試改變香港。

三、坐監爭取民主嘅問題同上。而且我無表達過要坐監先有資格爭取民主。喺唔犯法嘅情況下又俾你屌和理非非今天我，喺犯法嘅情況下你又話「係咪要坐監先可以爭取民主？」我好好奇你取向到底係點。

事實嚟講，好多抗爭都係經過武力去爭取返嚟，有抗爭者坐監都唔鮮見。我呢個post只係講盡自己能力去做到自己可以去做嘅嘢，至於做咩，需要自行詮釋。簡單至令更多人知香港現況已經係踏出咗一步先。

四、呢番話係同所有人講。試過，挫敗過，頹完，點都要起返身，而唔係一直任人魚肉咁繼續宰割。我想大家知力量幾微小都好，每個人總有自己做到嘅嘢。

五、好遺憾咁同你講我2016仲未投得票。

我唔係想引起罵戰，呢個post只係想去再凝聚返大家嘅力量。與其一蹶不振行屍走肉咁生存，倒不如諗下點樣再去盡力改變，哪怕改變幾細都好，香港目前嘅政治環境迫唔嚟。

第一件事拆咗個機場先 大家困獸鬥 好無 ?

唔係話你唔好誤會講緊果班人願意投票俾出賣自己既人都係咁垃圾，一個願打一個願捱。果班人未必有外國護照，未必貪心怕死同「自私」，但一定係賤骨頭，俾人出賣都幫人數錢既蠢人。，你想幫佢地勸佢地都會俾佢地屌柒返你轉頭。

認真

事實係得兩條路，既然有得揀，點解唔再努力嘗試企返起身？好多事唔會一take就成功。與其無聲咁死法，不如捱到最後一刻。如果捱到最後一刻結果依舊，死都會死得心息。但咩都唔試更加唔會成功。

係的確已經廿年，但好多抗爭都唔係短期見效。如果你問我，我都唔會知有冇用，但一日未試到最後，邊個都唔會知結果。好多抗爭都係要抱住仍有一線生機嘅諗法去企返起身再嚟過。