JOJO每一部作者荒木都會寫死一啲主角既同伴
而每一部既同伴既死都會帶黎意義
下面講下我對各部JOJO同伴死亡意義既睇法
(劇透慎入)
------------------------------------------------
第一部 威廉.齊貝林
比敵人殺死將自己最後既波紋交比JOJO
令JOJO最後反敗為勝。
第一代齊貝林既死係為左激發JOJO既潛能
增強戰鬥力用
不過第一代齊貝林作為JOJO最開始既同伴
未到打DIO之前已經比卒仔殺死左
係未打最終BOSS之前已經將咁重要既人物寫死
感覺作者荒木係為左練手,練習點樣可以寫得感動d而寫死齊貝林
![](https://na.cx/i/PCwXJif.jpg)
------------------------------------------------
第二部 西撒.齊貝林
有睇第二部既人我地黎一齊嗌
西---------撒----------
繼成左齊貝林家必定為JOJO家而死既梗
齊貝林家的死亡名單
----------------------------
第一部 威廉.齊貝林
第二部 西撒.齊貝林
第七部 傑洛.齊貝林
西撒係同其中一位柱之男既戰鬥中戰敗
但係西撒並唔係白白戰死
西撒係死之前搶到可以為JOJO解毒既唇環
最後用自己最擅長既泡泡波紋
將自己既頭帶同唇環包住交比JOJO
臨死之前講左句第二部中令觀眾最深刻既對白
西撒: JOJO,這是我最後的波紋,收下吧
我睇個時真係喊左出黎,同JOJO一齊大嗌
西-----撒-----
西撒既死可以話係第二部最激動人心既時刻,甚至仲激動過將BOSS打上太空
由一開始同JOJO關係唔好
一齊同柱之男戰鬥
最後用自己既死為JOJO搶得解藥
呢種西撒同JOJO不打不相識既感覺
令我地觀眾更加容易被佢地兩個既基情所感染
最後西撒既死作者荒木寫得十分出色
除左推進左劇集外
更寫入左觀眾既心入面
令觀眾同JOJO一齊為西撒而喊
我認為西撒既死係JOJO入面寫得最精彩既同伴死亡劇情之一
![](https://na.cx/i/2Ka19YQ.jpg)
------------------------------------------------
第三部 花京院典明 伊奇 阿布德爾
花京院典明
花京院作為討伐DIO小隊既成員之一
最後一戰同DIO既戰鬥中比DIO用 The world 殺死
花京院係臨死前用自己既替身能用綠寶石水花射向鐘樓
向承太郎傳達DIO替身能力既秘密
花京院既死主要用作攻略DIO
其實我個人認為花京院既死並冇太大既意思
甚至如果作者最尾原來花京院只係重傷 最尾救得番
我都覺得劇情可以接受
![](https://na.cx/i/nHGwNVO.png)
伊奇
伊奇作為討伐DIO小隊唯一非人類替身使者
伊奇係打DIO既吸血鬼手下艾斯既戰鬥中用自己既死
令波魯納雷夫有尾刀既機會
伊奇既死令佢同波魯納雷夫之間既關係破冰(?)
![](https://na.cx/i/RiZVva4.jpg)
阿布德爾
阿布德爾係打DIO既吸血鬼手下艾斯既戰鬥中被偷襲死(?)
阿布德爾既死可能係響應黑人死先既梗(?)
![](https://na.cx/i/8FgMBRr.jpg)
其實我睇唔太明第三部寫死同伴既意義係邊
網上面有啲評論話係為左寫出DIO既邪惡,強大
但係我覺得DIO既邪惡同強大已經係第一部深深令觀眾感覺到
------------------------------------------------
第四部 矢安宮重清(蜜蜂肥仔)
唔小心搞錯拎左吉良吉影裝有女人手既紙袋
吉良吉影為左自己能平穩咁生活
守住自己係殺人魔既秘密
追擊矢安宮重清
最後被吉良吉影殺死
矢安宮重清係第四部入面既戲份唔多
岩岩出場冇耐就已經被吉良吉影殺死
個人感覺作者荒係為左寫死而創造出呢個角色出黎
而矢安宮重清既死係為左打開主線
重組之前零散既劇情
帶出今集大BOSS吉良吉影
同時亦都增加左主角仗助對吉良吉影既仇恨
如果矢安宮重清冇死
咁主角仗助討伐吉良吉影既原因都係被動原因
--保護小鎮
--被杉本鈴美(幽靈女)拜託解決小鎮殺人魔
而矢安宮重清既死帶黎既主動原因
--為同伴報仇
有左主動原因更加能夠帶出今集既黃金精神
![](https://na.cx/i/1UxDs5a.jpg)
------------------------------------------------
第五部 布加拉提 阿帕基 納蘭迦
布加拉提(主角?)
布加拉提係帶特莉休見BOSS既時候已經被BOSS殺死左
其後喬魯諾用黃金體驗令布加拉提復活
但係正確黎講布加拉提係呢個時候已經死左
靈魂有一半已經上左天堂
喬魯諾只係為布加拉提提供行動力
最終之戰中因為銀色戰車鎮魂曲既能力
使討伐布加拉提小隊眾人同BOSS既靈魂肉身互換
使布加拉提小隊無法搵出BOSS換左去邊個到
為左搵出BOSS 同時 阻止 BOSS拎到箭
布加拉提破壞銀色戰車鎮魂曲 打破困境
銀色戰車鎮魂曲既能力解除
大家既靈魂回歸原本既肉身
而布加拉提早就死左 所以靈魂回歸既地方唔係肉身而係天國
最後布加拉提 將最後既意志交付比喬魯諾就回歸天堂
布加拉提係喬魯諾擁有相同夢相 相同意志既同伴
其他人同布加拉提既關係可能救贖者同被救贖者既關係
而喬魯諾同布加拉提之間係知己既關係
我覺得布加拉提既死有兩個用途
第一 : 帶出BOSS既強大 (鐘樓被BOSS殺死)
第二 : 交付意志 令喬魯諾內心更堅定強大 (銀色戰車鎮魂曲能力解除)
(佢升番上天國個時我真係喊左)
![](https://na.cx/i/OqvYte8.jpg)
![](https://na.cx/i/fmsLSGR.jpg)
阿帕基
阿帕基係BOSS故鄉中用憂鬱藍調既能力探索BOSS既真正身份
但係係探索既過程中被BOSS偷襲而死
死時將BOSS既真正身份傳達比同伴
阿帕基既死主要係搵出BOSS真正身份推進劇情用
另一方面 因為後面既劇情主要係打鬥
所以阿帕基 基本上黎講係已經冇戲份可言
作者係呢個搵寫死阿帕基
同時亦解開左阿帕基害死自己警察同事既心結
另一方面已經係邪惡同正義之間搵出答案
我覺得作者荒木咁樣寫死阿帕基可以話合情合理
畢竟憂鬱藍調係作用型替身 後面劇情已經係神仙打交
與其係後面既戰鬥寫死 係混亂既戰鬥中交代阿帕基既內心讀白
搞亂緊張刺激既戰鬥劇情節奏
不如係呢到寫死 交代阿帕基既內心讀白
(動畫憂鬱藍調既出場真係好型)
![](https://na.cx/i/pEcge0g.png)
納蘭迦
納蘭迦係最終一戰銀色戰車陣魂曲能力發動時
比BOSS偷襲而死(被老闆貫穿插在鐵柱上 死得好慘)
我覺得作者荒木寫死納蘭迦既原因
主要係因為納蘭迦既替身能力係攻略BOSS作戰中會起到致勝既作用
作者為左唔令劇情咁單一 戰況咁一面倒 所以係呢個位寫死納蘭迦
另一方面都係為襯托BOSS既聰明
要先解決對自己最有威脅既人
(航空史密斯係JOJO入面最型既替身出場退場方式)
![](https://na.cx/i/jxmMCgP.jpg)
------------------------------------------------
第七部 傑洛.齊貝林
LESSON1:別對我抱有什麼奇怪的期待
LESSON2:別讓肌肉察覺
LESSON3:相信迴轉吧只管相信就是了!
LESSON4:表達敬意吧!
LESSON5:最短的捷徑就是繞遠路,繞遠路就是我最短的捷徑
傑洛又係一個為JOJO家而死既齊貝林
傑洛應該算係唯一一個唔用替身 打敗替身使者
戰鬥力甚至超越替身使者
係同大總統最終決戰中差啲戰勝大總統
可惜傑洛係齊貝林家既人
必須透過自己既死激發JOJO家既戰鬥力
最終死係大總統既D4C下
(最終死係齊貝林家既命運之下)
傑洛既死為一向懦弱既喬尼帶黎心態上既改變
兩人係SBR既比賽中經歷過唔同替身使者既襲擊
最後一同合力解決
傑洛同喬尼除左係師徒關係外更加係生死之交
傑洛雖然戰死 但傑洛已經打到大總統殘血
大總統以用D4C既能力將平行時空既傑洛帶過黎
間接復活傑洛 請救 喬尼放過自己
換作以前既喬尼一定要答應
可惜事實係喬尼拒絕
可見傑洛既戰死令喬尼由懦弱變為堅定
使喬尼能夠打敗大總統
(其實我個人好鐘意傑洛呢個角色)
![](https://na.cx/i/5xwkGS5.jpg)
![](https://na.cx/i/GfBdhrJ.jpg)
------------------------------------------------
最後
我冇睇第六部 所以就冇第六部既評論
第一次寫文 有錯內容,錯字,歡迎指錯
歡迎大家一齊討論