挽救婚姻可以點做，想請救下意見

借朋友ac開post，小弟今年廿到尾同老婆結左婚2年左右、屋企有隻7歲嘅貓。
貓係我由BB時已經開始養，所以好癡我又唔會咬我。
但我隻貓對我老婆就好似好有攻擊性咁，有時隻貓會抓我老婆，又會咬佢(大力咬)，貓對住我就完全無做呢啲行為...
本身老婆都唔係好鐘意貓嘅人，係因為我佢慢慢接受左貓呢種動物，但隻貓我真係控制唔到佢攻擊我老婆，最近已經因為隻貓大嘈左一次，又話我太錫隻貓、點解可以當隻貓係屋企人、又話我再係咁落去會因為隻貓同我分開...話我唔識分主次要..但事實係隻貓由bb已經開始同我一齊，仲耐過我同佢我真係唔知邊個先係屋企人

未完的事，話說就前日我老婆放假咁佢係屋企 我就岩岩收工返屋企訓教。
大概10點左右聽到我老婆大叫罵隻貓 我都心知不妙，話佢經過去廁所 隻貓都要專登抓佢.咁我就有定期幫隻貓剪指甲，又話我剪得唔夠密，又話佢啲爪好利，咁我同佢講 我真係剪唔哂 一係你book間寵物美容搞啦 好唔好呀
之後佢就發癲，又話我只係理隻貓 唔會再理佢啦 之後我訓醒佢就已經拎哂啲衫返屋企 叫我好好咁諗清楚 佢同隻貓邊個重要啲，仲話聽日上黎拎返哂啲野...

想問下咁多位貓奴..你地係點樣教貓而令到佢唔抓我老婆，唔咬我老婆 而係咬我、抓我。想搵解決方法，唔係想離婚

離婚 分居

一個係主人，一個係老婆，你自己想想

會唔會係因為你隻貓見過你老婆帶佬返黎 知佢對你不忠 所以做呢啲小動作等你知佢唔鍾意你老婆
小心處理 貓好有靈性架

第時有咗小朋友 又唔聽佢話 激親佢嘅話 你自己諗下會點
唔係話唔愛貓就唔鐘意細路 但係因為隻貓都搞咁大龍鳳 自己諗真啲啦

咁你隻貓咪成廿幾歲？

其實可能你老婆襯你唔係屋企，瘋狂毒打你隻貓，你隻貓向你求救緊

離婚

離婚
因為一隻貓就話要同你分開
你自己諗下仲點繼續落去
兩個人走到去婚姻既階段應該識得互相體諒，而唔係郁啲就拎分開黎要脅你
佢咁樣講得出口證明佢唔當個婚姻係一回事

係咪養貓養到傻左
貓係重要，但竟然重要到為左隻貓離婚？

你老婆應該做左啲野令到隻貓咁憎佢
而且你老婆好自私

你係解決到問題既人，而好明顯你無盡力去解決問題。
嫁著你咁無能on 9 既人，你老婆真係慘。
佢值得個更懂得保護佢既男人。

一睇就知係裙腳仔，又要why not both但係又冇本事顧掂兩邊，真係到二揀一喇都仲要上網問，動物就冇性既，係覺得唔安全就咬人，你有本事既就每次護住你老婆，兇翻走隻貓等隻貓知咁做係吃力不討好，不過我諗你連最基本限制隻貓活動範圍都做唔到，如果做到就唔使抓咁多次啦，冇本事就同隻貓過世啦唔好耽誤其他人喇，一隻貓都取捨唔到負責唔到，都唔使旨意你以後有起事上嚟會有咩擔當，男人老狗要個女人仔委屈受傷，你老婆忍到你兩年都算係俾曬面。

老婆做法正確

你養既貓抓老婆仲叫返個老婆帶佢去美容？
你老婆當初肯同你結婚都算好野

你老婆有冇毒打過你隻貓？我覺得可以查下，如果冇你可唔可以考慮下比屋企人照顧你隻貓

每次我個ex接近我其中一隻貓隻貓就飛機耳同碌大隻眼走佬，平時明明對住我係小覇王。後來我裝cam發現我ex日日蝦佢嚇佢，貓行過都著拖鞋伸佢一腳，就即分手，到依家都覺得對隻貓唔住。由我讀預科養到出黎做野，又由佢手板咁大養到十歲，份感情其他人未必明。

不過你老婆冇虐貓的話，你都要好好處理件事，一係限制隻貓活動範圍手掌又係肉手背又係肉，祝你好運

個post好多盲毛

貓係外星人黎

認真答
你老婆要試吓返嚟負責餵貓 同埋同貓玩玩具
同埋試吓睇my cat from hell搵靈感

如果你老婆唔肯 諗吓究竟佢點解唔肯付出 同埋佢有冇對隻貓做過咩事

認真 離婚 呢啲女人一定有問題

屋企有隻7歲嘅貓。
貓係我由BB時已經開始養