[科幻/偽mc] 《變異者》(3) 第二季開始啦!

美漫撚

659 回覆
12 Like 1 Dislike
美漫撚 2020-06-24 00:19:01
第三人稱

在遠離都市地帶的赤柱,了無人煙的郊外之中,蘆薈借助大地之母的力量把別墅藏於綠幕之下,除了飛鳥走獸,任誰都不知道那裡存在著這麼一座建築,任誰也發現不了這個隱世之地。

因為沒有人會發現,所以要怎麼胡鬧都沒有問題。

「喝!」

雅瑩朝著瞬毫不留情地揮動拳頭,只見拳頭一時往瞬臉上去,一時又瞄準瞬的胸膛而去,以閃電之勢連連襲向瞬;然而瞬不徐不疾,既是閃又是擋,便把雅瑩的攻勢一一化解。

「你既攻撃太單一喇,唔好剩係郁你既拳頭,全身都要活動!」

「係!」

雅瑩應允了一聲,便突然旋身以右腳踢向瞬的左側,踢出一發漂亮的迴旋踢。瞬馬上舉起左手擺出防禦姿態,擋下了她的踢撃,然而手臂的鈍痛似乎暗示他不能輕敵。

「(雖然雅瑩本來既身體質素就唔錯,但只係幾星期,佢既進步會唔會快得有啲誇張?)」瞬心中默想。

「唔錯!今日去到呢到先,我地休息下啦。」

「我可以繼續喎!」

雅瑩興致勃勃,雖然滿頭大汗,但仍朝氣十足,仿佛她是機械,體內蘊藏無窮無盡的電力。

「休息都係訓練既一環黎架,一陣練到受傷就得不償失。」

「咁好啦……」雅瑩有點沮喪地低下頭來。「唔知幾時先有消息呢?」

「就係唔知幾時先有消息,所以先要隨時準備好作戰,唔可以比自己身體過勞。」

瞬雖然故作穩重,但他眼神中不經意流露出的憂愁都被心思細膩的雅瑩看在眼內。她以拳頭輕輕揍在瞬發達的二頭肌上。

「你點呀,唔好係到懶堅強啦!我知你先係最擔心亦忠既人。」

聽到她半挖苦式的慰問,瞬苦笑一下,搖頭著她不用擔心。

「好似冇同你講過。我同呀忠係中學同學黎,當年我滿腔熱血,決心想改變呢個世界,一氣之下就退左學,仲離開埋屋企。呀忠佢二話不說就跟埋我一齊離開……雖然佢本身家庭都好似有啲問題,但佢讀書成績好好,如果佢繼續讀書,而家應該大學畢業做緊高薪厚職啦。」

瞬抬頭看向天空,雲朵正巧把太陽遮住,也遮住了他的心。

「有一段時間,只有我同佢兩個人一齊生活。盲中中完全冇方向既我,都係多得有佢,先撐到而家。佢幫我搵到以前既基地、係我出動既時候指引住我、我受傷既時候照顧住我、我唔開心既時候陪住我……佢對我黎講唔止朋友咁簡單。」

「唔止朋友咁簡單……?」雅瑩熱得發紅的臉蛋忽爾又變得更紅了。「咩……咩意思?」

「佢係我既家人,甚至比家人更親既存在。並唔係由區區血脈決定,而係我地彼此之間用呢雙手選擇左對方做自己既手足。所以……」

瞬盯著自己緊握的拳頭。

「我都要用呢雙手去將佢帶返黎。」

「比家人更親既存在……」

雅瑩被瞬所說的話深深撼動。她心目中最親的便是自己的媽媽,雖然在學校也有其他朋友,但若說要把對方視為比血親更親的存在的話,她實在不能想像。但是,正正因為想像不到,所以她更能理解對瞬而言亦忠是多麼重要的一個存在。

雅瑩全身併發出藍白色的電光,發出了電流竄過的聲音,把瞬從思考之中拉回現實。

「喂喂,你又黎啦。唔好唔記得我同大家都會陪住你架!」

她解除了身上的電光,朝瞬伸出拳頭,臉上帶著自信的笑容。她的笑容是如此堅定、如此令人安心。

「一齊帶亦忠返屋企啦!」

瞬看著她,心中甚是感動與內疚。沒錯,她跟亦忠一樣是自己的同伴,不是嗎?一直以來,她也與他一起並肩作戰著,不是嗎嗎?這段時間他腦海中只想著亦忠,卻冷落了她,甚至蘆薈、柏霖、堅叔,他們也一樣擔心著亦忠,不是嗎?

「……好!」

兩人面對面,拳頭互相輕碰。

再抬起頭來,雲朵已經不在了。
美漫撚 2020-06-24 00:19:24
又真係咁岩打完
羽堯 2020-06-24 00:21:47
羽堯 2020-06-24 00:23:09
宜家諗翻,我都唔記得自己當初交左個咩角色出嚟
美漫撚 2020-06-24 00:24:09
我記得,能力係絲
我惗緊咩時機出場
羽堯 2020-06-24 00:25:28
樓主好記性
美漫撚 2020-06-24 00:26:18
其實我成日睇返自己以前啲文
美漫撚 2020-06-24 17:01:51
輕輕一推
二寶糖 2020-06-30 12:30:02
Push
阿墳 2020-07-05 03:05:47
羽堯 2020-07-06 16:52:02
阿墳 2020-07-14 03:49:23
推推
甚麼是暗物質 2020-07-14 12:17:57
蘆薈嘅能力 真係好op
btw咩係 大地之母嘅力量

我比較期待 有新角色,新能力 同主角嘅能力可以有新火花,even 新角色係 單元角色都好
美漫撚 2020-07-14 15:00:56
大地之母純粹講緊大自然力量
羽堯 2020-07-14 23:39:44
以為有更
用明朝劍斬清朝官 2020-07-17 01:35:32
真係好慢
羽堯 2020-07-29 08:57:52
二寶糖 2020-07-31 03:15:30
Push
阿墳 2020-08-03 18:25:38
pish
美漫撚 2020-08-03 21:03:26
打字ing
羽堯 2020-08-05 00:46:58
輸入中......
美漫撚 2020-08-05 01:06:34
我打左一篇短既
但係我又覺得咁短你地會仲冇癮儲多幾篇先
羽堯 2020-08-16 00:42:37
儲到未?
美漫撚 2020-08-18 21:44:19
第三人稱
「蟲籠」是一座關押變異者專用的監獄,單是存在便被視為違反法律的變異者們自然是「蟲籠」的最底層,如同昆蟲一般沒有任何權利或自由可言;負責管治、看守他們的則是張sir等沒有任何變異能力的人類,因為手持權力與武力,所以能夠為所欲為地玩弄、虐待關押在這個地方的囚犯。若問他們「為什麼?」,他們則反問:「為什麼不?」。

而君臨這座「蟲籠」之上的,是身型龐大得單是與他共處一室便足以令人體本能地感到恐懼的獄長——牛偉。此時的他正手持兩個巨大的槓鈴,毫不怠慢地鍛鍊著自己發達的身體。

「一千九百九十八,一千九百九十九,二千……」

經過一連串誇張的數字,他終於放下了手下的兩個槓鈴,槓鈴重重趺在地面上,發出了如地震般的轟炸聲。

「牛猴長,」一名手下敲門後推門而入,「張醫生黎左。」

「嗯?」牛獄長看向來者,只見仍穿著白袍的張醫生不慌不忙地走進來,絲毫不在意白袍上的斑斑血跡。
「張醫生。」

「……牛獄長。」

「你著住件咁多件血既衫係我個監獄入面周圍行會唔會唔係咁好呀?」牛獄長打趣道。「有咩貴幹?」

「你應該見到曬發生咩事啦?」張醫生以纖細的手指指向牛獄長桌上的電腦。

「哈哈。」牛獄長一笑置之,沒有否認。「你反應都幾快丫。」

「我唔該你訓練好你啲手下。」張醫生氣勢凌人,「我今日差啲冇命。」

「唔好意思,我會好好鞭策佢地。」牛獄長皮笑肉不笑地說。「你黎就係講呢樣?」

張醫生與牛獄長四目交投。牛獄長足足比她高出兩個頭,被緊盯著的張醫生甚是不適,兩人的體型差異之大恐怕牛獄長不慎撞到她便足以把她的骨頭撞得粉碎。但即便面對如此高大的男人,張醫生仍然沒有退讓,還向牛獄長踏前一步。

「我要見我個女。」

「冇問題。」牛獄長向手下示意,手下點頭跑了出去。「佢帶緊你個女黎喇。你放心,我地唔會傷害你個女既。仲有冇其他事?」

這時牛局長桌上的一部舊式撥輪電話響起,牛局長接聽之後皺起眉頭,說了一句「我而家過黎。」便掛斷了電話。

「呢個林亦忠真係好多事幹……張醫生我要離開一陣,你仲有事可以等我返黎先講。

語畢,他甚至都沒有等張醫生的回應便自己離開了,剩下張醫生一人留在房中。張醫生咽了一下口水,無力地坐在房間內的一張扶手椅上,單手扶額。和多數變異者一樣她的能力是有代價的,一連串的治療令她損秏了太多能量。

「林亦忠,你呢個口靚仔……」
美漫撚 2020-08-18 21:45:59
[第三人稱視角]

自醫療室的槍撃事件過後已過了一整晚,在這座變異者沒有任何權利可言的監獄,搞出了脅持人質這一齣鬧劇的亦忠自然不會獲得一眾人類獄吏的友好對待。

「屌你老母!」

伴隨著粗話而來的是一個又一個拳頭,每一拳都狠狠地打在亦忠的臉上,本來戴著的眼鏡也早已被不知打飛到哪去了。順帶一提,亦忠在押送到拷問室後馬上被以手銬把他的雙手鎖在狹窄的金屬椅上,所以他不存在避開或反抗這些奢侈的選項。

除了拳頭在臉上造成的刺痛,腹部本已被張醫生癒合的槍傷也因拉扯而裂開,滲出血水。除此之外,狹窄且冰凍的金屬椅也令亦忠相當難以集中精神,金屬椅明顯是故意設計成令人坐得不舒服的。不僅椅子,只打在亦忠臉上的強烈白燈光、金屬椅背後寬廣得毫無意義空間,溫度略高於常溫的空調系統,全部都是為了一步步摧毀被拷問者精神的巧妙組合。

「夠喇!」

牛獄長舉起手,剛才揮拳的手下馬上停下手,退到牛獄長身後。

「林亦忠,點解你要咁做?」

「……」

亦忠沒有回答牛獄長,馬上換來獄長手下的一拳侍候。

「答啦,係咪啞撚左呀?!」

亦忠垂低頭,臉上的口水和血液毫無儀態地流出嘴邊,腦中的失平衡感幾乎要使他失去意識。當然,他們是不可能讓亦忠就這樣暈過去的,馬上有一桶冷水淋向他臉上,濕淋淋的冰冷感馬上把亦忠從迷糊中拉回現實。

「呃……」

「你只要答我問題就唔洗再受苦。我再問多次,點解你要咁做?」

「……」

「既然你唔回答問題,咁你做乜要求見我?你係聰明人,應該知道呢個地方唔係咁簡單就可以走到。」

「……哈哈哈……」亦忠突然一反常態笑了起來,令牛獄長身後的兩名手下皺起眉頭,甚是不解。

「有咩好笑?」

「我……我既同伴會黎救我……」

「哈!」剛才負責打人的那個手下馬上發出不屑的聲音。「除左變監局同政府內部,根本冇人知道呢個地方既正確位置!」

「冇錯。『蟲籠』既所在地係絕對機密,冇人會發現到。」

「冇錯……」亦忠有氣無力地說。「呢個地方除左政府內部官員同你地呢班職員,冇人知道係邊……連我都搵唔到......」

「連你都?你既能力應該同搵地方冇關係。」

「你地……你地仲未明白?」亦忠虛弱地抬起頭。「我既能力根本就唔係咩『弱點分析』……我既能力係自如地操控電腦……」

「所以你先向張sir要求要部電腦?」牛獄長沒有露出一絲驚訝的表情,似是一早已猜到亦忠的能力非他所言。「但而家你覺得我地仲有可能比你接觸到電腦咩?何況就算比你拎到電腦,你覺得我地會比你連接到網絡?」

「所以話你地唔明……連唔連接到網絡根本對我黎講冇影響……司徒瞬既能力係『瞬間移動』,你覺得佢當初會救唔切我咩……」

『忠,你肯定要咁做?』

『嗯,只有呢個辦法。一定要有人入到蟲籠內部,先有可能知道個監獄係邊到。』

「我係特登比變監部捉入黎架。」

「?」牛獄長和他的手下們都一臉不解。

「我之所以係拎到電腦前冒險脅持張醫生,係因為我搵到一個更快可以達到目的既捷徑。」

『亦忠,我照你咁講放在入去了。』

『蘆薈……麻煩曬……』

「你地比我想像中仲要蠢。」

不知是不是因為腎上腺素的影響,亦忠說話時沒有平常的含糊,連用字也比平時粗魯起來。

「我之所以叫你過黎,係為左引開你呀,傻、傻仔…… !」

『張醫生,我體內有一個GPS發訊器。你一陣要對我開槍,再拎出我體內既發訊器,搵機會插入隨便一部電腦。』

「本身我仲唔知點係體內拎粒發訊器出黎,好彩有張醫生係到。你地仲唔明白?」

「唔通你……!」

「我係話由我被捕、送黎呢到,直到而家呢一刻所有野都係我預期之中……唔係,係比我預期中更順利!」

「你兩個!快啲去我間房阻止張醫生!」

「嗯?牛獄長,我唔明……」

「唔好理,快啲去!」

「太遲喇,係張醫生將發訊器放入電腦既一刻,我既同伴已經知道呢到既位置喇!」

亦忠向牛獄長擠出勝利者一般的笑容。牛獄長的表情不再老神在在,開始展現出一絲慌亂。他舉起手,準備朝亦忠臉上揍下去。

此時,一聲爆炸般的巨響,使整座「蟲籠」受到一股強勁的震動。

「發生咩事?!」

一名手下的對講機傳來緊張的聲音。

『我地受到一架戰艋襲撃!重複一次,我地—丫!』

「咩話?!」

牛獄長怒而轉向亦忠,只見亦忠的眼神充滿了希望的光芒。

「阿瞬!!」

對講機再次傳出聲音,但這次聲音變成一把年輕男人的聲音。

『咳咳……唔好意思,我個名係司徒瞬。由而家開始,我地變異者反抗軍要解放呢個監獄所有人!』
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞