[廢土生存RPG] Kenshi 斷手斷腳 變埋奴隸 故事仍然繼續

冇
原版只可以困住敵人入鐵籠，捉佢地上差館換錢（如果佢有bounty)
冇得奴隸他人，喺slave shop買奴隸返黎都只可以收做同伴
如果有Sex abuse應該會俾steam bam

不過玩家興捉人返黎當沙包打，練能力
同埋有mod可以奴隸化捉返黎嘅人，逼佢做苦工
你鍾意養個人彘掛牆都得

單機only

好耐前刪左 依家DOWN番 交流下

歡迎
作者好從善如流，將啲受歡迎嘅mod直接加左入Game，比之前完善好多
不過我都係玩左冇耐，好多都仲摸索緊

如果巴打會分享下就好

有巴打講過鍾意呢類開放世界遊戲，不過一開局無所適從，最後棄驚

所以我希望介紹一下內容，俾各位新入手嘅巴打唔會咁頭痕

一開New Game，你就要選角色背景
新手最好揀wanderer 或者wanderer trader，環境資源夠，冇強敵
其餘勢力角色會令你俾敵對勢力追打
多人隊伍你未必控制得來
一人一狗、食人族獵人、離巢人個開始地點太惡劣
楊過、奴隸係高難度挑戰


之後揀種族
人類-平均型，大部分勢力唔會打你，當中有分生產Exp bonus嘅白人（？）同科研bonus嘅非洲黑人，黑人可以食生肉腐肉，生存能力強啲
巢人-速度型，好多裝備要種族專用，一般城市買唔到，冇得戴頭盔同鞋，本身血又少
shek-戰鬥型，血厚有戰鬥Exp bonus，食量大
機械人-唔駛食嘢，但攻速慢，受傷要專用道具同床維修，初期來講好大支出，但維修完可以即刻起身唔使抖，續戰力瘋狂
可見人類係最啱新手，其他種族嘅優勢喺遊戲初期睇唔出
至於外形遊戲入面有整容醫生可以改，收費合理，唔駛太花心機

入到驚，如果玩rogue-like跟住咩野超強開局、最短流程做其實冇乜樂趣，我亦只識講啲操作同系統，等巴打可以走少啲冤枉路


當你學完個tutorial知道點郁點打人，最重要學嘅係幾個常用hot key
M
打開地圖，初期你連田都農唔到，一定要搵到城鎮Bar買食物同繃帶，仲有俾人追殺時知道去邊嗌救命，商店有地圖賣時有餘錢盡量買，會標示新地點，唔駛喺野外漫無目的咁行

Alt
highlight 地上嘅item，除左拾荒同偷野時有用外，例如你俾成班食人族追殺，你身上重量會影響你速度，唔想死就要掉晒佢走佬，咁你之後就要靠alt搵返你掉嘅野

I
開道具欄，呢隻驚係Diablo式道具欄，你經常要執位先可以放得落，自動sorting未必最有效率

Shift
對住角色欄shift+click係multi choose角色
對住道具欄係將疊起嘅item一次過搬
對住地圖物件則係將呢件工作放入右下角schedule，順序決定執行preference，例如Game入面你對鐵礦right click，角色就會係咁掘，掘到個礦滿就傻左咁停喺度，要手動將礦擺入身，再放入箱先可以繼續；如果你shift+click鐵礦，同埋鐵礦專用嘅storage，咁schedule上1.不停掘礦，而當1.無法繼續（個礦滿左）佢就會執行2.將礦放入箱，可以再執行返1 不停loop
旁邊JOBS可以自由開關
你排得好schedule，啲好悶嘅grinding就唔駛自己郁手，尤其之後出去探險，可以專心操作唔駛理啲留守組

留名

睇過人直播唔錯
可惜冇中文

仲以為係ONLINE

Steam Workshop有繁體mod，系統變中文唔會唔明

只係對話好多都係google 翻譯

將會支援簡體中文

因為得大陸有人幫隻Game做翻譯，依家嘅繁體都只係簡體轉繁

一開波係城外跑跑下 成堆人話要捉住我
我跑入城係咁走 D守衛殺晒堆人
之後執裝賣執到2萬幾蚊

發現係酒吧掉野落地之後執起會當我偷野 俾守衛打暈...

Trailer真係好唔吸引

啲玩家就用呢個bug，偷完掉落地下再偷咁去升stealth同thievery

第一次玩，開左個slave，每日都好悠閒咁朝早做奴隸，夜晚開鎖偷野再俾人捉

好似幾有趣 支持

點樣加返D好友度? 我殺左好多個D流浪者升技 搞到依家-70

原版只有大勢力先有得改善關係，各地有pacifier俾錢疏通，商店貨品內有張memo講呢樣
所以會成日會喺城撞到嘅勢力（賊仔、游牧民之類）唔好惹佢地，除非好睇唔順超，唔係入親城都開拖好麻煩
城入面啲流浪漢就算數，唯有見鑊打鑊

起左據點就會定期有賊人打劫，咁啱全村最打得果兩個出左去探險
而就算唔夠人打都可以去省城出錢請傭兵
唔係辛苦耕田嘅糧食就俾佢地搶晒

遊戲要走經商或者戰鬥路線都可以

應該玩到幾時先自己建立根據地好
好驚一開波就俾人血洗

睇到巴打介紹即刻買左
可唔可推薦d mod 同講解有乜用

完全唔識玩

根據地令你自給自足，例如食物、武器防具、建材，基本上有材料可以直接起
但農田會俾river raptor食，如果係玩耕田，最低限度你啲人要夠水豚打
好多基本野包括農田、水井、煮食爐、風力發電機、圍牆都要靠研究，研究除左要張枱仲要好多書，果度都係唔少錢

俾人打冇乜好怕，只要唔係食人族或會奴隸人嘅勢力，就算打到訓低都冇事，淨係會俾佢地搶晒啲食物
唔夠打逃避可恥但有用，佢地見冇野食搶就會走人，俾人襲擊會有提示，通常會由好遠行過黎，會俾足夠時間你避難
再唔係去省城Bar搵傭兵2000蚊日，打完變賣裝備多數圍到皮，冇信心守住可以揀個近大城市嘅地方起基地

再簡單啲可以喺城市入面買屋，萬幾蚊上左車先，入邊都可以起野做研究，至多出面鐵礦旁邊整個儲物箱，等角色自己掘礦，定時幾日運返入城同補給食物就得

你如果新玩可以試下原版走一兩轉，明白個遊戲系統再睇下咩mod啱自己
尤其係裝備同陣營，你加左又唔知有乜嘢分別會搞到好亂
佢有得import，加新mod時可以重載reset環境同陣營，但會留返角色同建築，試mod 好方便
我自己都冇裝好多，淨係介紹呢幾個


提升效能，有人話會穩定FPS啲


遊戲地圖係大（870平方公里），好似一片荒涼亂行都得，但你喺map介面點長距離移動，會發覺角色係跟住一條固定路線行
呢個mod mark左大路出來，同埋分左region，行個陣唔會咁亂


世紀末視人命如草芥，點可以冇奴隸制，隻game淨係得電腦可以用奴隸好唔公平？
呢個mod可以令你買奴隸、捉人做奴隸，逼佢地做苦工，跟住佢個youtube片做就可以
雖然我招募個角色返黎，佢掘足24個鐘礦同做奴隸都冇分別...


原版係啲陣營Boss先會有賞金，想靠man hunt賺錢，大部分時間都係除人件衫變賣，同老笠打劫冇分別
Mod加多一堆周圍行嘅通輯犯，真正可以做個賞金獵人


周圍遊嘅賊、襲擊基地團、郊外動物，打多幾次你會發現人數次次差唔多
Mod令佢數量變數大啲，有時有落單兩三隻，有時廿條友圍你，郊遊時多啲變化
初期反正10個賊係輸，20個都係輸，對面幾個人反而叫打得贏，開始時會易左


角色用唔同設備，啲動作全部一樣睇落好on9，呢個mod加啲變化


靈魂之窗，個樣睇落醒神啲


髮型，雖然大部分時間都係好似拳四郎丫哥積奇咁笠住面


隻game可以斬到成地血、甩手甩腳、奴隸、食人，但女人乳頭唔可以露出黎喺咩道理，咁我較個大波妹出來有乜意思

你先跟住佢個tutorial 學識基本操作
打人、執野、賺錢、買裝、升lvl，其實同好多game大同小異，有好多出名遊戲嘅影子

如其話難玩，佢應該同好多sandbox一樣，無目標俾玩家
你想要練功，就要組隊、換勁武器，不斷出去搵賊仔撩交打，越挑越勁
想要起城，都要組隊，賺錢買建築料起屋做研究，越發越大
做商人，都要組隊，同買搬運獸，原版純商人只係走私鴉片先叫有利潤，打左mod就會有貿易差價

但初期一枝公你冇乜好做，不外乎偷野、挖礦、執屍，去酒吧搵多一兩條友，打得贏啲飢民就係開始

隻game啲人唔使訓覺