Kenshi真係好適合巴打玩
https://youtu.be/nN3BXvRGjBo
好犀利可以做到條trailer 一啲都唔吸引
睇落好似好悶，畫面又唔靚，但同好多rogue-like一樣，遊戲內嘅自由度會令人欲罷不能
你扮演嘅係末日廢土世界中一條（或多條）廢柴，如trailer description “You are not the chosen one.” 你冇異能、冇奇遇、裝備等同街邊乞兒，只能靠拾荒、偷野、掘礦開局，因為你連乞兒都打唔贏，對面人多過你
想走佬，sorry你連跑都唔夠佢地快
不過呢隻Game同Mount & Blade一樣，俾人打到仆街唔代表完結，當俾人蹂躪一輪仲企得返起身，你嘅故事仍然繼續：即使你俾人斬手斬腳，或者賣豬仔變奴隸，一日未斷氣走得甩都仲有機會翻身——雖然有時都會俾人一刀劈死長眠，或者俾食人族帶返屋企煲湯
而隨你慢慢有錢有裝變強，你可以做嘅事就越多：請多幾個人加隻畜牲跑商、喺城入面買樓上車做山寨加工廠、賞金獵人、遺跡探險、起一個屬於自己嘅城鎮轉玩塔防同經營、加入勢力做任務玩群毆
聽落同好多rogue-like冇乜分別，但呢隻Game出色在作者喺細節位上做得好好
例如
雖則話你俾人打到趴街唔代表Game Over，但唔同mount & blade 死極都仲有爛命一條，你有可能真係死之餘仲會俾人斬甩手甩腳，一生要做鋼之鍊金術師裝機械義肢，又或者俾人捉好似開司咁做掘礦工奴隸，要自己諗方法走佬，當然，人地點對你你都可以點對返人
隨著你力量stat提升，個人會越變大隻，一開始設定人物望落成件排骨咁，後期升左lvl會慢慢變北斗之拳風格（不論男女），而唔食野又真係會變非洲飢民款；
而且即使係open world，裡面嘅RPG成分一啲都唔少，對話同劇情都好豐富
每到一個地方，你嘅角色都會隨自己身分有唔同對話，即使佢地係自創角色，NPC亦會隨你操控嘅不同角色有唔同反應，好似遊戲內有個反科技人類至上宗教國家，你嘅角色係人類男性，佢地就會好HeHe咁噓寒問暖，荒野見你會驚你食唔飽送食物，受傷又會幫你包紮，但如果你係其他種族冇人類徬住（隻Game有亞人種同機械人），又或者俾佢知你身上有高科技產物，佢地就會打你鑊甘再捉你返去坐監，又例如另一個國家係貴族主義，啲貴族最愛郊外打獵，俾佢睇中又係打鑊甘仲要拎去當奴隸賣
你玩落去會有好多要素同設定似曾相識，但Kenshi全部炒埋一碟俾人個感覺係好食嘅
成隻Game我覺得最嘔心嘅敵人，一班痴綫機械種族
，俾佢地捉到係死硬，原因一睇就明KENSHI好玩，但認真睇隻game有唔少缺點，主要係系統上嘅問題，隻Game可以俾你fast forward，但你個角色經常跑得太快load唔切地圖而暫停，UI同操作唔方便
GamePlay上遊戲太強調你嘅角色係廢柴，令你開頭根本寸步難行：我第一次玩款遊戲開局竟然冇一樣野怪係打得贏，街邊野狗、山羊、乞兒、連水豚(?)都可以打暈你，令你只可以做鼠竊狗偷或出賣勞力賺錢，同埋喺不斷趴街嘅過程中成長變強，升能力嘅過程非常漫長，好多人會頂唔順咁depress嘅流程退驚
唔係頭上有名你都分唔清邊個乞兒邊個玩家
而就算俾你跟練到一個角色爐火純青，自然想搵寶刀配英雄，但寶刀多數喺啲勢力boss手上，身邊一堆𡃁，而雙拳難敵廿手係呢個遊戲嘅真理，當你想要新人，會發現佢又係另一條廢柴，想養多幾個堆柴成塔，糧食變左大問題，叫佢地耕田自食其力慳返錢，又發現要錢去研發科技，仲有要圍城牆、搵人守住塊田......最後都係變左睇攻略，點快速練功，咩地區有神兵攞算
)，但作者係英國人
巴打一早識貨