首先講下咩係gogoro，然後再講下點解我覺得香港適合引入佢，最後會講係香港面對嘅困難。
Gogoro係一間台灣電動電單車品牌（fun fact: 創辦人陸學森係香港出生並且係香港生活到13歲），目前車型係相當於125cc嘅綿羊仔。
電池方面採用換電式嘅方法。駕駛者只要去到換電站，打開車廂並取出電池，再插入換電站，就可以換取充滿電嘅電池並插回車廂。圖中後面白色果舊野就係換電站。
續航力大概係100公里
速度方面。0至50公里加速由4.3秒至3.7秒不等（視乎車型）。極速被限制係95公里左右，但係有台灣網友表示解鎖後上到110
點解我認為香港適合gogoro （或其他電動電單車）？
第一，香港夠細。假設由上水去香港仔，都只係50公里，100公里嘅續航力係綽綽有餘。
第二，加速夠快。gogoro 0至50公里嘅加速真係好足夠。性能版3.7秒就由靜止上到50公里，係市區真係夠用。小弟亦試揸過，靜止催電門，扭力一下子衝上黎果種感覺真係好爽。
第三，減少廢氣排放。呢點唔洗我講
係香港面對嘅困難：
第一，邊到擺換電站。係台灣，地方大，而且車可以隨便擺行人路，換電真係隨心所欲。反觀香港，gogoro比較有可能嘅合作對象係油站、各大停車場等等可以臨時停車嘅地方。
第二，成個market唔夠大。台灣係電單車大國，有足夠嘅potential market去設立換電站。但係香港揸26嘅人真係太少。題外話，其實好似香港咁交通擠塞，政府應該係鼓勵多啲人揸26。墨爾本政府正係鼓勵市民揸26嘅例子，幾年前修例比26司機免費泊行人路，同埋合法比佢地做lane filtering 。
其實如果解決到換電站設立同停車位不足嘅問題，gogoro真係非常適合香港。你地又點睇呢？
