一人一個miss左飛機班次既經歷

諗起仲有次係差d miss
19歲第一次自己去旅行 夜機去土耳其
個時屋企所有passport都係老母keep住
我出發前佢拎左本passport比我
我冇睇到就放左落衫袋
搭緊機場巴去到東涌個陣 無聊拎部passport出黎睇
發現老母比左細妹個本比我
（其實我都有責任check下 ge）
即刻急call老母 個時仲有兩個鐘就飛
最後佢係起飛前50分鐘趕到黎
好似45分鐘前就唔比 check in
嚇死

日日都見好多唔同理由miss左班機嘅客
例如唔記得左有時差（外國客）、
唔小心喺lounge訓著左、
睇錯起飛日期/時間
基本上面講過嘅原因我都見過

但我想講見過咁多客最仆街都係韓國人
大男人到痴線，尤其係啲叫做有少少身份嘅人
試過一次機門仲有一分鐘就關閉
仲差一個韓國男人未上機（航空公司尊貴會員黎）
我地已經搵到埋佢件行李準備offload佢
就call walkie諗住嗌番啲出去搵客嘅同事番黎
點知佢就喺嗰刻搵到個客
咁好啦見個客係「尊貴」嘅鑽石級會員
就等埋佢先閂門啦，即刻叫個同事帶佢跑過黎，
點知一等等左成5分鐘條友先到

原來個同事一路叫佢跑
佢一眼都冇望過個同事
照係推住個Hand carry喼慢慢行
到到個閘口啦
我地離遠就大嗌 you are the last one！
佢都仲係無動於衷 好似聾撚左咁繼承慢慢爬過黎
嬲撚到我地
早知拿拿林offload左佢唔洗搞咁多野

最險差啲miss飛機既經歷
有次要去Stansted 7am機去Geneva
咁去Liverpool street諗住搭express train去啦，好似係4am火車，預5點到咁
點撚知話半夜整路軌唔知乜撚野整爛左，架火車埋唔到站，遲遲都上唔到火車果陣成堆人等到勁躁
啲人不停問職員要整幾耐都冇確實時間
有啲人直頭走埋出去call車定搵巴士搭咁
最尾等左成粒鐘，差唔多5點幾先搞掂條路軌，火車終於埋到站
然後6點到機場拿拿臨仆去check in岩岩好準時上到機
第一次差啲淆底趕唔切飛機，果陣仲要係Easter，又已經book好哂瑞士啲野，要買過機票好撚貴
平時我已經係最少預早兩粒鐘到機場啲人黎

試過8號風球個晚未落波 以為第日九點早機去唔成
半夜4點幾起身睇都未落波
差不多九成機取消晒 但我個班冇事 即刻照出門
5點幾先落3號波
可能因為班機係去個風本身ge形成地 菲律賓
機程唔夠兩個鐘 去到仲陽光普照

仲有一次有一對外國夫妻
買左勁多玩具寄艙，本身已經唔係早到黎check in
喺check in counter已經搞左勁耐唔知搞咩
之後過海關仲要畀人scan到個喼入面有槍型嘅物體
出動埋成班警察去問佢先知原來收埋左把玩具槍
喺海關又搞更加耐，最後趕唔到班機
我地就畀佢加錢改下一班

咁我就做下一班機嘅
喺閘口要搵番佢地出黎簽番啲改機票嘅收據啦
開咪叫極都冇人出黎
去到final call 成機人又淨係上淨佢兩個
心諗佢地係咪又想畀人offload多次
之後佢地終於行到過黎
仲要係慢慢行好似I don’t fucking care咁
畀佢簽野又要逐張檢查逐張問係咩黎
好心你明知自己麻煩多野搞就早啲到閘口啦
又係要人出去搵你先出現

差d miss 就試過

福崗返香港，搭下午5 點鐘機
下畫一點幾仲係東京
新幹線好似2點幾東京去福崗
miss 左呢班新幹線就三點先有車去福崗

買野買到最後一刻
結果要跑去搭JR 再轉新幹線再直接跑上機
是但miss 左一班車都上唔到機


跑左人生最辛苦既路

8:00飛 同個係台北大嘅fd搞到我係7:00先係台北大去機場

仲有一次係韓國
最後40 分鐘先到check in counter
一路講sorry 同please 比我地check in

拖住兩件行李
跟住個著住高爭鞋既空姐直接跑上機
行李好似冇寄到倉

有一次送個friend去機場搭某印尼廉航返香港
去到機場check in先發現連個counter都收左工
原來果班機星期一至五同星期六日唔同時間
即係星期一至五10點起飛，星期六日12點起飛，仲要同一個flight number
本身果日星期三，旅行社張itinerary 又唔知點解寫左星期六日既時間，結果去到機場班機已經起左飛

仲有一次一行九人搭domestic，冇人發現買左遲一日既機票，九個人on99去到閘口先知原來柒左

miss過郵輪...

試過朝早由門司港返福岡機場，本身計咗鐵路時間，所以朝早重周圍影下相先
點知到車站發現停駛，但我走去搭巴士去小倉，結果比預期用多咗時間
再喺小倉坐新幹線返福岡再轉地鐵，再坐巴士去國際線嗰邊
趕到Check In已經唔夠一個鐘，好彩我冇寄倉，佢照俾我入

正解

去過咁多次旅行都冇試過
因為會預早啲去機場
寧願係機場行陣

但有次去越南 啲死人海關做野好慢
打哂蛇餅佢都可以開得一兩個counter
我地預早左去所以冇所謂
但眼見排前面個兩個女仔
班機仲有一個鐘起飛 但條隊郁都冇郁過
佢地都仲唔搵海關幫手 最後我地分流左去第個counter排
最後我估兩個女仔可能都miss左班機 因為我地都排左成一個鐘有多

飲少次咖啡會死咩

其實有幾on9先會預到啱啱好最起碼都預半個鐘啦屌

坐ryan air飛英國 唔知道非歐盟passport要做visa check 入到去上機俾個空姐話我無做visa check唔俾我上機
事後先知個visa check只係一個印 吸嗰時連我本passport都無睇過
成件事好on9 因為一個印無咗幾千銀

最近一次就是考試QP 放成個12月咁就去左日本東京玩幾日 之後有個日本朋友坐內陸機走先 我就陪左佢去機場 早左差唔多三四個鐘先到我班機 咁為咗冇咁內疚就溫吓書啦 點知溫下溫下Miss左班飛機

有次航空公司email左我改時間，仲要連續sd左兩封email，我睇第一封係講出發改早左5分鐘，回程既時間不變，跟住我睇第二封見到一開始既內容同第一封一樣，我就以為航空公司連續sd左兩封一樣既email俾我，如果我係巴黎返香港果程miss左班機，我再睇返封email，原來佢回程都改左，仲要改早兩個鐘。

初初第1次由台北番香港果陣差d miss班機

果陣冇意識諗要早兩個鐘到機場check in,剩係想陪多陣條台妹。去到機場距離起飛時間剩半個鐘。但又咁好彩條隊冇人排，過關人又少。 果陣真係過完關跑住去閘口。

只試過差啲miss咗班機，飛5號0100 ，以為係5號夜晚，其實係4號過12點就係5號，好彩早發現飛的去機場

試過班機delay差唔多半個鐘先起飛
但係我得50分鐘轉機時間
一落機即刻狗衝好彩閘口仲比人問我個名係咪XXX

試過係英國8:00機，所以瞓一晚機場
準時去check in點知話你班機係18:00做乜咁早到

呢個Post真係特別多弱智同閪客
自己錯仲要怪人