[開心速遞]熊若水龔燁 供水線集中討論區（36）

好似463咁傷腸胃就應該唔會了
但係睇547，阿龔做啲自己認為係啱嘅野而又唔解釋嘅話，就會好似547咁，阿水會嬲到直接要分手，唔係次次咁好彩，阿龔解釋得切架

希望阿龔同阿水就算係觀點唔同，都會坦白講出來。
坦白對阿水來講從來都唔難，但對阿龔似乎就有啲難了，阿龔唔係嗰種可以坦白講出來嘅人，呢樣可能係男女觀點大不同
不過，現階段劇組應該會俾龔水行住cls劇情住先嘅，慢慢再帶出兩人觀點呢個問題
而且，似乎阿龔個角色係負責帶出啲人生哲理，開心速遞劇情乜都有，人生哲理有時都要講下，暫時cls角色唔少，但可以探討人生哲理嘅角色，真係無乜邊幾個可以做到

龔水關係一直都集中喺「坦誠」同「互相影響」呢兩個位，一步一步慢慢改善、磨合，到依家成為情侶，就算之後有爭吵，我相信都會係攤開出嚟傾，到最後互相再深一層了解，感情再穩固咗

睇返轉到463雖然可惜，但可能當時個timing未去到坦白到呢個位，我相信依家就算touch wood再有同類事，阿龔會主動同阿水講，阿水亦會喺身邊支持

一個月都無，試用期無咁悚卦
但我覺得好搞笑，阿龔咁努力想公開

總監大人追咗咁耐先至得償所願, 加上經歷咗咁長時間都仲咁鍾意水水, 肯定好緊張呢段關係. 而且, 早啲公開有著數嘛~ 起碼掃清所有潛在對手, 同埋水水想飛起佢都冇咁易~~

其實stanley做得好好，佢好做到嗰種阿龔係越來越鐘意阿水嘅感覺，每一次嘅經歷，都令阿龔更加唔想放棄阿水
雖然過程，我覺得有啲卑鄙，不停斬桃花，又上秘密網抹黑阿水，所以而家一齊左，先想全世界都知道
而未一齊嗰陣，係鐘意到驚行錯一步，現有相處嘅關係會無左。若果自己行多一步，又擔心自己如果真係去馬去追水水，又怕自己會傷害左阿水
蟹又做到嗰種，水水雖然係港女，但係都係心直口快，心地好，無隔夜仇嘅女仔。其實接龍班男人唔係睇唔到水水嘅優點，而係水水表現出來太惡了，所以唔敢進一步行動
而阿龔正因為最初相處已經係阿水最惡嘅一面，阿龔自己又表現左最卑鄙嘅一面，雙方都見到大家都惡劣嘅面口，所以549嘅問題，根本係唔存在嘅
我反而擔心547，始終大家嘅價值觀，其實係547都表現左出來，如果其中一個唔係有啲大變，呢個會係計時炸彈

我覺得Stanley襯呢種斯文內心戲多過古惑仔型戲，就似當年吳啟華做程至美咁

係會變計時炸彈，但我相信愛會戰勝一切
情侶之間相處之道正是如此

其實有計時炸彈幾好 咁先有內容拍落去
如果一直拍拖甜蜜蜜咁 可能好快有觀眾呻悶 話內容重複
戀愛有爭吵唔係問題 最重要係劇情鋪排合理
最後成功拆彈 龔水關係就更穩定

越多風波嘅愛情就會越長久,情侶爭吵好正常,最緊要真係拆到,正所謂床頭打交床尾和,只求唔好好似463咁

講起463就覺得可惜
呢集明明有個好好嘅突破位畀龔水談心，可以畀阿水認識更多阿龔嘅過去同掙扎
如果當日阿水有陪阿龔一齊搵龔友就好啦
好彩503彌補返

但係咁樣帶出503同504，我覺得更加正喎

情侶間有啲磨擦有啲爭吵真係好正常, 尤其係龔水兩個嘅成長背景咁唔同, 又分別响職場上有自己一套生存法則, 無可能一味甜啦~ 正常情況應該會出現啲衝突, 令兩個人互相有更多嘅了解, 關係蛻變磨合, 咁先至係成熟嘅成年人嘅戀愛模式.

個人嚟講都幾期待睇到多啲好似"活得自在"、"擄龔行動"呢類探討生活態度、價值觀嘅劇情, 覺得龔水好適合講呢類題材.

互相影響呢個位最觸動到我
睇住天真水開始識用啲小手段同阿龔開始願意信人，角色有所成長之餘又表現到龔水嘅羈絆

463 timing可以話未到
又可以話到，畢竟454已經fast forward去表白

呢種計時炸彈點都好睇過唔知幾多角戀
正常情侶無論幾恩愛
男同女之間想法上就存在好大差異
每對情侶都會有佢地之間需要磨合嘅地方
始終「無人完美 然而除非 你看到另一位自己」
睇龔水之間點樣相處，磨合，成長
所以佢地先成為愛回家最貼地cp
情侶之間嘅難關唔係一定要有第三第四者介入先叫磨練
而係平淡生活中你同另一半點樣搵出一個最舒服嘅相處方式，點樣可以做到細水長流
就正如水水所講「佢都見過曬我啲臭脾氣啦」
又話者係自殺王嘅「because of 習慣」
只要龔水克服埋坦誠呢樣野
佢地就無敵喇

就好似阿龔會坦白問水水係咪落左「愛回家孖寶」
水水係諗都冇諗就答佢咖
睇得出水水對於坦誠相對呢方面睇得好緊
（女人都好在意男人對自己坦唔坦誠）
而從熊家雞事件上睇得出阿龔係進步左
比著之前一定唔會問，或者見到證據就自己記喺心入面
但而家真係睇到佢比水水影響下嘅成長

回應絲所講
可以探討人生哲理嘅角色除左阿龔
我諗到嘅係輝輝
佢真係一個好善良嘅人
從佢身上會得到好多正能量
同點樣去積極面對唔同嘅難關
希望蓮輝都可以有好結果

我就唔引上面原文啦，費時大家睇得辛苦

其實我覺得探索人生哲學呢個topic
阿龔係一個唔錯嘅人選去帶出個主題
從佢一出場到呢個moment
龔燁呢個人就已經遊走住人性灰色地帶
不管係道德標準定係愛情觀念上
阿龔比大眾嘅感覺，就一定同個啲韓國嘅暖男oppa，拉唔上關係㗎啦
龔燁同真正嘅朴寶劍，係真係比唔上(我講緊性格啊，係性格啊！臉蛋我個人認為可以值得一比)
但龔燁嘅存在又好貼地喎
因為現實上正正就有好多呢type像阿龔嘅男人

對比起一出場嘅阿龔
現家嘅阿龔
個反差大咗好多
道德標準上，以前嘅阿龔，不擇手段，你死你事，最重要達到我目的; 現家嘅阿龔，會先多考慮身邊人感受
愛情觀念上，以前嘅阿龔，物撚嘢都唔講; 現家嘅阿龔，都係物撚嘢都唔講，但狀況有所改善
呢個轉變唔洗我多講，大家都知究竟邊個令到佢變成咁？

我覺得之後龔水那phase 3內容，可以寫下阿龔呢個轉變怎去愈來愈同阿水步伐一致，咁一對情侶係任何層面，如思想上/生活上/價值觀上，係好難可以做到一致
這一切都係愛嘅存在，先會令到兩位有動力去為對方而努力改變
再加上我信任編劇表達手法上咁貼地又搞笑又夠cls
其實會係一個好好發揮嘅一個點

同意呀，我覺得用工業做提問，活得自在嗰集真係幾有意思。究竟係你是無敵的，只要你唔在乎--的豹叔思維（就快退休都真係乜都無所謂）。還是呀水隨心而行但又好在意同儕的想法嗰種選擇。
如果用工水可以帶出各種男女對愛情的睇法都唔錯

係ig見到檸檬連皮絲個#你今日鍾意左水水未 系列，覺得寫得好好呀好鍾意睇水水角度分析

係咪連皮系列嘅絲打都特別勁㗎

多謝絲嘅賞識啊，我interpret得唔好架，歡迎大家提點提點



講到連皮系列，梗係食蕉連皮絲嘅龔水地圖工程偉大好多好多
我知道大家一定都用緊自己嘅方法去支持兩位演員同劇組