【感想＋讀者留言】追女仔﹝２４﹞

15歲寫故寫到21歲唔簡單加油

加油

永遠支持肥墨b！

墨b嗰啲唔係叫肥，叫有福氣

係咪唔答問題架啦

支持墨巴

由第一個post追到依家
真係不知不覺幾個月
老實講，一直都無追故嘅習慣
對上一次好似係中學個陣追
但講緊依家都出咗嚟做嘢
追到呢個故都算係緣分
互動故有好多
或者相類似自己揀option嘅小說
以前都睇過
追墨巴呢個故最初真係純粹覺得好笑過癮
而呢個故優勝過連登其他互動故嘅地方
就係墨巴真係有畀心思鋪排
而且好反映到命運嘅諷刺
最初大家玩鳩主角要佢遇到女就走
結果呢種發展先遇到阿澧
可以當係某種意義上嘅｢命運｣
相反，大家好努力想拯救嘅jojo
到最後其實點做都救唔返
又或者，大家一直堅持拒絕食煙
結果因為jojo，都終於食咗第一次煙
最終逃唔過呢個「命運」
另一方面，雖然我地確實控制緊主角
但同時間，並唔係控制到所有嘢
因為｢命運｣總會令到佢遇上一啲事
就好似人生咁，好多嘢其實唔到我地控制
最後真係要多謝墨巴堅持完成呢個故
成日要三更半夜出文，又要趕fyp
雖然你仲後生，但真係要保重身體
捱壞咗嘅話，老多幾年可能要還
我自己都係半個用文字揾食嘅人
希望你繼續堅持落去
覺得攰就抖下，太chur會無晒靈感
或者諗啲嘢會唔夠好
有啲長，不過真心多謝晒，加油

幾日前先開始追post 由1到24
終於live到 可以留言
btw 墨巴有冇考慮再出互動故
想加入連成一線(笑話) 玩下QTE

幾日內追曬所有post 好似冇咁好玩

今日終於追完個故，然後我就同我個追左好耐嘅女仔表白。

Fail左。

前面我一路追個女仔，一路睇呢個故，自己同主角一樣心情起伏變化好大，諗下主角D事會唔會發生係我身上。到今日睇到主角成功左，而我只可以得到失敗呢個結果。

也許故仔同真實真係有好大分別⋯⋯

一路聽住麥浚龍首《沒有人》打出黎一路個心la住la住。

呢度真係沒有人

由符愛糖開始留意墨巴，所以墨巴嘅故都追哂，病港係我最鐘意嘅故事，成個世界觀，去到每個人物性格都好獨特，而且留有好多伏筆等讀者發掘，亦會喺故事融入一d人生道理等讀者思考，好係好正。

而我最想同墨巴講嘅係，多謝你令我愛上閲讀，原本嘅我好討厭睇書，會覺得好悶，但你令我唔再抗拒閱讀，甚至喜歡上寫作，覺得為筆下嘅角色賦予生命係好有趣嘅一件事。睇到你由最初嘅十少年寫到而家小松同追女仔，文筆方面有好大進步。而身為中四嘅我，亦因爲睇咗好多你嘅故而喺人物、景物描寫方面有極大嘅進步。

希望你可以保持寫故嘅熱情，因為睇故嘅人除左得到娛樂之外，會因故事而受到啟發，會透過故事而獲益，甚至令一個不曾閲讀嘅人愛上寫作，你嘅故事喺有一定嘅影響力，所以唔好放棄。

最後，多謝哂你寫咁多好睇嘅故比我哋睇（每一本墨巴出嘅書都有買嚟支持)

加油呀，墨巴！！！

墨墨
唔知幾時有弒神者呢

講起Zero Wind 又要問多次

V14個劇透呢？

Wow 21歲就作到咁嘅作品 完全係天才level
明白樓主果種創作性嘅疲勞 但呢d 都係因為對自己嘅創作有所要求 再次感謝樓主呢5個月嘅努力

會唔會出埋問答

會

墨b幾時有揀其他選項既影響

好想快啲有

呢個故真係我唯一一個成日mon po 追進度嘅故。
一開頭係搞笑吸引我一路睇，我地係咁揀離開，你都冇棄到個故後尾一路睇已經當左自己係主角老豆老母咁，好感動個仔長大，外貌唔再係0
最觸動我嘅係jojo條線，預先錄音，準備過身之後都陪住主角，支持主角企翻係身，成件事jojo已經為主角plan好曬，睇到真係有d心up
多謝墨巴係咁忙咁大壓力下都完成呢個故。

推到開新post

追女仔作者 你問我答

LM睇Q&A