感想:
《追女仔》終於落幕了,嗰陣因為有互動故熱潮,就跟風玩咗一陣,原本想快啲完結,但估唔到都寫咗五個月左右,因為我覺得寫鐘意一個人,有現實時間嘅配合更好。期間會熱戀、會有希望、會覺得頹、會自我放棄,到最後又重拾自我,再一次去鐘意,我覺得追女仔就去到非洲剛果都會追。
我中間都寫得幾辛苦,因為一嚟有幾篇故事仲要寫,平時又多嘢做、又俾一啲讀者屌、又冇錢收、又要捱夜、又少咗人睇,所以一有時間就會抖,抖到直頭唔想上線。但最後為咗好頭好尾,就決心寫埋落去。
有時候被現實生活所迫,就無咩動力想寫故事了,不像以前可以出一整夜的文,樂在故事角色的交流之間,我更甚連讀者也不想回覆了,可能是我對寫作的熱情減退。大大話話我都寫咗六年故事了,由2014年高登開始寫,寫到2019年嘅連登,我最熟識嘅地方都係「講故台」,拎起手機就一定要睇兩睇呢到有咩新搞作,就好似睇股票咁。
宜幾年嚟,我一直轉寫唔同類型的長篇故事題材,都係為咗搵下新鮮感。
下面嗰個係我人生第一個正式喺高登出嘅故,宜家睇番五年前嘅自己又覺得好好笑(生硬文筆、生硬劇情)。
感謝陪我成長的老讀者,今年我要踏入二十一歲了,這幾年寫文寫得真開心。