而家份工嘅工種我其實幾鍾意，因為經常要用腦分析，但同時困擾我嘅係人事，我發現我冇辦法將自己嘅諗法有效咁present出嚟，因為自己面對住一班超外向嘅同事同上司，佢地全部一開口就停唔到，個個都想show off，而我本身對住d嘈雜嘅聲音會好敏感，好難集中咁組織自己嘅想法，然後present出嚟，
每次討論公事時，d同事都會爭住發揮自己嘅口材，但我發覺佢地唔會理講出嚟嘅野log唔logical ，總之永遠搶左嚟講先，唔會有人會耐心聽你講野，搞到我冇辦法傳達到自己分析後嘅結果出嚟，明明心底裡面覺得佢地講嘅嘢好唔合邏輯，但偏偏就有其他人buy，冇人反駁，而我好想反駁，但一開口未講完就俾人搶左嚟講
可能我口材唔好冇人想聽我講野，其實單對單而對方又唔搶野講時我係可以好清晰表達自己觀點，但當一大班人討論時我就覺得好辛苦，個個搶野講，冇人會用心思考你嘅論點，只會爭住講自己諗法去表現自己，其實佢地知唔知咩叫尊重？可唔可以聽晒人講野先？個個都想爭住表現自己，又以為自己最叻？最搞笑係當老細講野時，即刻個個停最落嚟做返個聆聽者，然後就唔理三七廿一爭住附和同擦鞋其實係咪間間公司都咁多呢種人？好討厭呢種職場文化。
