屯門醫院顧問醫生非禮罪不成立

所以咪話佢識玩法律先甩身囉

條仆街洗開曬其他人，又唔用模型，就算真係衰色心而摸左，你要條女點證明所謂「蓄意」同「無意」既分別吖。

到你條女俾人摸你咪知囉。

正確講法係，控方用哂洗開其他人及唔用模型等證據，都無法證明到對方係蓄意。

今次唔係打程序出錯咁又算玩法律甩身？

地鐵拉非禮真係好易，但未必告到，基本上你地係同一個車廂，個女仔捉住你話非禮報警，警察就會拘捕你，因為有嫌疑就會拉。

都無法證明到對方係蓄意。

依個咪就係我所講既識玩囉，明眼人都知個醫生有咁多次機會做保險避嫌:

1.用模型教
2.用女醫生人板教，但隔空指，唔洗身體接觸
3.在護士見證下做接觸
4.接觸前同女醫生講清楚

佢偏偏洗開其他人，要係封閉既空間單對單嚟做。

上到庭就搵清洪打蓄意定無心依Ｄ控方近乎冇可能證明到既法律盲點。

你可以話法律上佢的確告唔入，係冇罪之身。

但唔影響其他人覺得佢有冇做過既判斷。

正如梁振英收ugl五千萬，英、澳都話唔夠證據charge架，唔通大家又要覺得佢冇衰咩？

就算以一般人黎睇，無避嫌都唔等於真係有非禮。

同埋控方證明唔到蓄意係因為證據唔夠，蓄意點會係幾乎證明唔到？年中唔少案都告得入

就算以一般人黎睇，無避嫌都唔等於真係有非禮。

我諗普遍市民都知咩事，的確邏輯上你係啱。但人唔係機械，做善惡道德之類判斷個時係唔會同你講因為If not a , then b係false argument，所以就會死都唔願斥責個醫生。

你留意下原quote #8個位巴打留言既正負評比，正皮既巴打唔通冇諗過案中醫生既疑點係構成唔到蓄意非禮既valid argument咩？好多野冇謂畫公仔畫出腸啦。

同埋控方證明唔到蓄意係因為證據唔夠，蓄意點會係幾乎證明唔到？年中唔少案都告得入

單單案案情都唔同，我只講依單。

係我眼中，依單案既條件限制下，要舉證根本近乎冇可能。

裁判官表示，控罪要點在於被告是否蓄意非禮事主，惟事主盤問下承認觸摸胸部是剎那之事，事主不能否定被告是意外觸碰其胸部。

實際接觸到既時間得幾秒，假設就算俾你開上帝視角，知個醫生明係食豆腐，我都諗唔到可以點樣證明，人又比佢洗開左。

就好似#19既巴打講咁，真係死局嚟。

除非你係渣住對波一段時間/不停反覆幾次渣，仲要有哂cam拍低，唔係你都唔好打算同洪爺打