你講得無錯,每人交易風格不同。
但仍然每個交易風格都會有佢地既共通點,不理人手或程式,例如如果做大量交易,同時止蝕太窄,換來既係交易成本大增,失效風險都會增加。
其實好多人仍然執著用咩方法進場好,但我認為進場既方法都係大同小異,股票或期貨都一樣,用RSI 唔會比Moving average好,用Moving average 唔會比價值投資差,講緊大家都係想做到既野係順勢,搵到間公司過去財務表現好,其實都係假設佢會維持到,同樣都係順勢。
其實大部份指標都係用價格來計算出來,最好真係用價格來判斷進場,我亦建議大家用突破策略,呢個係最簡單有力既方法,個市有波動就會自然賺錢,跟本唔洗分析後市。
用指標來進場,一覺得表現唔好,就會再加多個指標,一路加,最終只會搞到成個程式碼愈來愈複雜,出錯都未必知,用人手既話更加會誤跌入轉參數既問題當中。
以上呢個day trade 細期策略,個方法只係一開市就做short,到左11點後,如果輸錢多過50點就轉做long,每日只會做兩個交易。
我唔知大家明唔明,真係work既交易策略,係應該好簡單,簡而有力,而唔係計一大輪野先進場。呢個係例子,大家亦唔好用呢個策略,因為個策略會隨時輸大錢,我都唔會知個策略行到幾耐,重點在於人,而非系統。我而家真實交易都只係用1張細期進場,呢樣野同資本冇關,因為面對將來走勢,面對未知,最好做法係用最低注碼進場,有利潤先用利潤來取代加碼既風險,靠拉長時間去槓桿自己的利潤。
我地散戶炒期最終講求唔係發達,因為呢個係幻覺,實際上係賺唔到大錢,你做大量交易,可能最終只係跑贏大市少少,但一不留神,自己貪心加大注,就輸哂本金,所以對於炒賣來講,最終俾我既理解係,少接觸為妙,如果真係要了解炒賣原理,學程式交易,因為回測唔洗錢,我當你買個Multicharts,學多樣野,都好過係個市到輸獲金。炒期最終話我知,呢個世界有佢地既運行方法,嘗試突破只會令自己輸獲金。好似做Day trade咁,每一日就係捉緊指數既噪音,呢D噪音都係短暫。炒期講緊既係熊市既時間可以捕捉到下跌市,令到你可以跑贏到指數咁解,無論你點炒都好,你既回報都唔會離指數太遠,所以成個遊戲玩法係點樣跑贏到指數,唔係賺大錢,如果真係可以靠炒期賺到大錢,果D係賭錢,過大海都做到,因為你係用好大既風險來換取巨大回報。
對於大部份人來講,唔好炒賣,直接買ETF,買指數基金係最好,羸既機率仲高。