[開心速遞]熊若水龔燁 供水線集中討論區（33）

龔水線算唔算係開心速遞入邊唯一唔可以睇預告就解到劇情會講咩

下集安仔都一樣?都唔知究竟想做咩
可能又來唔同版本

真係好有心思呀 多謝你影返咁多打卡熱點比我地回憶返龔水集數 佩服 佩服

預告永遠都係伏嘅
嚇我唔到㗎

快啲到星期二喇 唔係我就真係玩完喇

啱啱翻睇緊463至479之間嘅過場
雖然好短，而且龔水基本上冇咩交流，但係再睇返發現呢幾個過場好好睇被虐傾向
首先係467<虎父有犬子？>
阿龔喺哈爾濱返嚟第一次同阿水見面，佢係直接行過去搵尋寶圖班人，而講到最後嘅時候笑住咁望阿水，觀察阿水反應

阿水直接無視佢之後佢即刻冇晒笑容，呢個淆淆地又要扮冇嘢嘅表情雖然維持咗好短時間，但係做觀眾睇到個心會跟住一齊嗱住嗱住咁

同埋佢嗰時係一直望住阿水㗎


第二次過場係471<Philip去哪兒？>
唔同467，今次阿龔係停咗停先行過去
阿水本身笑緊，一見到阿龔就目無表情
（唔知點解總覺得個妝化得比平時蒼白啲，唔知係咪劇組特登就返阿水心情而化？）

阿龔自467之後知道阿水無視自己，所以佢用打招呼嚟試探阿水，阿水雖然求其認，但都算叫認咗，加上坐低傾咗陣發現阿水冇特別抗拒自己坐隔離，阿龔就試下唔指名道姓咁問阿水問題
問有冇人有興趣做part-time，然後望住阿水，但係阿水本身望住送水輝都即刻避開視線dup低頭食嘢

而之後阿水同送水輝講嘢嘅時候都一眼冇望過阿龔，相反阿龔就每次阿水講嘢都會望實佢



不平安日太短我就唔喺度講
龔水過場好多都係好sweet，以前係鬥氣，宜家直接放閃，但係呢種冷戰feel嘅過場就得呢三集
宜家睇返覺得呢度做得好細膩，呢兩次過場都係初戀cafe食嘢阿龔搭檯，都係阿水無視阿龔，但仔細睇會發現眼神動作行路嗰啲係有唔同嘅演繹方法
同埋劇組編排都有心思，龔水第一次係分開坐，第二次就一齊坐，不平安日就一齊企，距離其實係縮短緊，慢慢鋪479和解
多謝台前幕後喺過場呢啲細緻位都做得咁認真，演員認真做，劇組肯寫肯畀screen time寫呢段冷戰關係嘅細微轉變
當時睇冇為意，但宜家先發現呢兩個過場好高質，所以先打咗咁大段嘢出嚟 sorry for 太長氣

呢幾個過場係真係好細緻
逐漸唔同演繹唔同變化
而且睇呢度真係好心痛
心痛龔水關係冷戰 心痛阿水失望 心痛啊龔被無視仍然扮冇野
同埋當時仲係由463之後recover緊
好在有549 如果唔係驚又來多次463呢度一定又來多次重傷
最近小島啲糖水都好好飲 唔好停啊

關於有絲擔心之後龔水會停既 我其實唔太擔心
可能大家見啲路透出曬擔心之後冇水飲
但其實蟹蟹stanley兩個啲保密功夫做得幾勁大家唔係唔知㗎啦
可能收收埋埋大家唔知佢哋拍咗幾多野呢

所以大家真係唔使驚wor 一切順其自然啦
有水飲水 冇水睇其他cls啦

根本就唔需要擔心之後會斷好長時間龔水
仲要係主打

係，龔水受歡迎，最近又咁make noise，大台唔會俾佢停嘅

記得訪問問龔水點公開，stanley話女仔可能想公開，男人一支公無所謂，阿蟹即刻話劇情好似唔係咁，姐係阿龔公開啦，期待星期二個集阿龔點拆。究竟天台阿水嬲係堅，定係龔生ff如果知情不報俾阿水發現佢有份，阿水會嬲到同佢玩完，所以諗辦法公開愛回家d預告真係好難估

啲預告同絲打你個名一樣

屌那星
youtube d clip又好似幾好睇

好中意睇咁詳細嘅分析
因為我自己講野成日都好詞不達意
所以睇到大家對劇情同演技嘅分析，就覺得大家好西利呀
請受小妹一拜

預告真係用尼望梅止渴咖咋
已經太習慣劇組鍾意比驚喜大家嘅作風
絕對相信總監大人唔會捨得令佢嘅天使傷心