[開心速遞]熊若水龔燁 供水線集中討論區（33）

唔夠10個人覺得係龔生買
龔生使唔使做d野挽救下自己形象

其實路透水水問：你買比我㗎？佢答你咪理啦，都幾明顯背後有段故

根叔、心如、朱凌凌
似乎拍緊熊家食飯場口
唔知係咩劇情呢？

當時幫龔燁洗頭龔燁係咁明示自己對阿水有意思，但當時嘅阿水仲係對佢有啲戒心
不過到拎返隻雙下巴天使公仔同聽到個電台留言，佢話會還同埋拎住隻公仔個樣係有啲期待
到k戀預言第一時間諗起龔燁其實都表示佢自己好在意龔燁但唔肯承認

佢入面左接龍之後，個形象keep 住跌

從前係一切在我掌握中，現在

同Mandy食完飯，俾熊家人笑佢嗰陣，阿水都係猶豫同避咗唔同佢哋講，嗰刻係feel到阿龔有意，到三連擊時，如期話係唔考慮賤精，倒不如說無諗過對方鐘意自己一時唔知點面對。

到洗頭嗰陣講咁白，比起戒心，阿水應該係有啲嚇倒同未ready ，一個你日日罵，互相駁嘴嘅人突然咁認真為你食死貓，連份工都唔要，唔嚇親至奇。我諗佢個心亂到呢⋯⋯直到聽到阿龔係去新加坡先定返啲

水：熊若水，你亂諗乜嘢呀，人地有人挖角先走，順道賣過人情俾你咋

講起新加坡，其實阿龔係為咗阿水連份工都唔要，定係佢真係事先預計到條後路呢？
我個人傾向認為佢係先quit再搵後路的，但真係幾叻仔，令間車行請咗佢。

佢係上去叫Jenny搞返掂jenny先肯認頭嗰十幾架車
咁開頭佢肯食咗隻死貓應該真係純粹衝動咗
不過佢自己有料唔驚搵唔到工先咁大膽搏啫

我都覺得似係quit咗先搵後路，話晒佢要成功迫到jenny肯畀返19架車嘅錢佢先有得去車行邀功

一過去就有得升職
諗起尋日嗰集 豹叔要加人工就唯有跳槽
接龍裡面可能真係得啊龔用到條橋
接龍可能得佢唔驚唔驚冇人工加

有同感
“咁我都一定會還嘅”

回水後雙向阿龔都唔會為阿水犧牲事業
當時阿水又好明顯拒絕咗阿龔
我又唔覺阿龔會冇後路quit咗先
usb一出真係會攬抄我諗佢都預咗jenny會硬食埋嗰19部車
應該一早搵車行傾掂咗offer先啦
好似琴晚咁Jenny為咗激大小姐自己荷包出六萬都肯
阿龔應該都摸清jenny個底嘅

同埋佢加唔加人工應該係大龍生話事，如果係大小姐佢可能連生日假都冇

話說琴晚講起生日假，如果阿水依家生日，唔知會點慶祝

去新加坡對阿龔嚟講係win win win對策

嗰晚食火鍋應該已經決定諗辦法令阿水喺件事度甩身，望過去個眼神有啲感動同不捨咁。但阿龔唔可以唔理阿爸，所以點都有搵工嘅，只係就算無車行offer，都會照咁做，亦有信心搵到

但我覺同曹太嗰陣有啲唔同嘅係⋯回水後嘅阿龔，係想接龍度長做（見到水），所以點都生意優先。而回水前，抱住東家唔打打西家心態，一來救到水，二來繼續有好收入，三來離開傷心地，反正唔做，就順道罵埋Jenny，自爆叫佢唔好搞阿水就應該真係嗰刻衝動咗

龔總監唔知會唔會拎AL同佢慶祝呢？

無論阿龔係咪有offer先quit，都看得出佢對自己的能力都好有信心，唔驚自己無後著的....而且大部分時間佢都係理智行先，少有的幾次失控/衝動幾乎都係因為阿水...

以出去見客為名
為女友慶祝生日為實
識玩緊係咁玩

邊個知佢係咪真係見客

龔:客之嘛 搵咪有囉

咁啱嘅
噚晚由215開始煲到444
今晚下半場煲埋剩低嗰啲

總監大人就算有返工都長期唔喺自己房
咁蛇王走咗去見客又真係無人知架喎

呢幾日我都有由一開始睇
睇到前世情人節
之前我一般重睇啲有甜嘅集數
而家由一開始睇突然覺得近幾集嘅甜仲係好唔真實好似發夢咁
睇嗰陣突然諗如果可以同劇裡面嘅角色對話
同佢地講你地遲啲會一齊
佢兩個應該都會話我on9