有冇巴打照過MRI?

咁撚搞笑
睇黎真係要去會一會佢

你唔係睇左政府醫生咩？你冇提出要轉介信？正常佢會轉你睇骨科，骨科再有信俾你去照。

普通科唔能夠直接寫轉介信我自已去照嗎?
佢有轉介我去骨科，遞左預約，但仲未結果話我知要排幾耐

排公立等佢比你照有排,自己出去照完比佢仲快,
不過你個情況同我果時好似,
我係斷十字韌帶

教你入急症，扮到好撚嚴重咁行唔到，上到病房乜撚野都同你照哂，1千蚊都唔洗

最平最快方法,去旺中骨科初步檢查,再介紹去旺角磁力共振中心照
專科 $800,MRI $5K

利申:斷完ACL

應該斷ACL,半月板有無事就睇你彩數
我斷ACL 不過半月板無事

我淨係想普通科寫封轉介信我，我自己去照

急症都係留俾有需要既人

睇埋聽朝街症，唔俾轉介信我，我就直接去旺中睇骨科

巴打係左右腳定同一隻腳我同一隻腳

你斷acl，膝頭哥入面有冇野卡住卡住咁既感覺?

合埋張開就無,不過一轉身會感覺到小腿同大腿唔穩,好似兩條骨磨擦咁

我兩次都係一受傷就call車入急症，程序係睇急症醫生，照x光，上病房，要你住一晚。
期間有骨科來睇睇你，話x光出左，骨冇事。我向佢要求照mri，佢會話有排排，然後會俾封信你出去自己照，跟手幫你約下次骨科覆診期(即刻知日期)。

你就自己拎住封信，自己出去搵體檢又好，乜都好，照左佢。隔幾日至一星期，拎得report連cd。然後按之前約左骨科個期返去睇骨科，帶埋report，佢會同你傾做唔做手術，個期幾時。你接受就幫你排，唔接受就自己出去睇私家骨科約手術。

可能我唔好彩，未試過「上到病房乜都同你照」嘅過程。

我冇你講既情況，但經常行行下路隻腳會突然冇乜力
其實我懷疑可能兩者都同時發生

幾千蚊唔慳得，小弟我隻腳傷過6次都7次，除左第1次係ACL+半月板之外，其他都係腳外翻斷ACL/撕裂，ACL對日常生活影響唔大，但半月板唔一樣，每次受傷（腳外翻）基本上都知ACL一定打柴，只係驚半月板都出埋事，如果有膝關節交鎖現象嘅話，好大機會係半月板撕裂之後嘅碎片卡住左係膝關節內，所以先卡住卡住。半月板分內外兩側，外側仲有10-30%血液流經，經過一段時間休息之後會自己康復，但個段時間唔可以再施加壓力落去，平時行路都要輔助，內側就無血液流經，同ACL一樣，都係要做手術，但急切性高過ACL好多，當然你屋企負擔到就即照即約期做，負擔唔到嘅話就記得有咩事入急症先，refer去專科都快過街症。

無力已經係斷ACL其中一個徵狀
都係檢查下,膝頭呢個關節位入面太多細節位(韌帶已經有四條),就算出事都好難自己好,同會不斷惡化
檢查左知咩問題,再唸下一步

係呢一刻我仲可以行到路，只係每次坐低起身之後都有卡住既感覺，要卒下膝頭哥一陣先至解到鎖，唔解鎖跟本行唔郁
我記得第一次拉傷左，卡住既感覺係右邊，再整傷依家變左後面卡住
睇埋聽朝約左既街症，唔俾轉介信我，我直接去睇私家骨科

仲有膝關節受傷好多時睇鐵打係無用，因為十宇韌帶同內側半月板無血流經，你點樣捽同搽野加快血液流通都係消腫快啲而腫脹原因係受傷撕裂時，扯埋啲肌肉組織先會有嚴重嘅內出血，我傷咁多次都係有嚴重內出血，短時間內會暈。巴打呢啲早睇早康復，我重建完ACL之後又斷多次復健個邊明明有keep住做都傷，已經傷到怕左，戒左劇烈運動，收左山做返啲低風險/非劇烈運動算
利申得22歲，唔想30歲就行唔到

你打咩波傷6 7次咁多

街症你可以問佢拎轉介信照MRI，有信一次大概3000左右，然後有事就再去睇專科/私家，睇你自己財務狀況，卡住都大機會係半月板架啦，至於傷ACL後嘅肌肉無力感主要係四頭肌同膕繩肌係受傷後唔夠力，而消左腫之後屈腳屈唔到盡/覺得好難，主要係膕繩肌唔夠力，就算未做手術都係要做返腳部肌肉訓練，特別係四頭肌同膕繩肌但你未知半月板有無事就唔建議你做住，事關有啲動作半月板傷左係唔做得

好難想像斷咁多次喎
你點樣一次又一次整傷?

足球小五開始到而家year4，自己雖然好鍾意踢波，但每次受傷都見到老母咁擔心，一直都唔捨得放棄踢波同其他運動但最近呢次手術後都斷左，都下定決心收山

頭幾次唔係成條斷，而係撕裂。就係開頭係撕裂然後好年輕，撕裂個部分過左一兩年個醫生又話同撕裂左附近嘅肌肉組織痴返埋，又話無事，唔洗等18歲做手術同埋覆診，之後又再傷撕裂過咁，直至有一次成條街曬先confirm成年後，啲骨唔再有大幅度生長後就做重建手術

係咪因為少做muscle strengthening先傷咁多次