有冇巴打照過MRI?

隻右膝頭哥之前整親，果陣又腫又屈唔到，仲發唔到力，而且一直都係卡住卡住咁既感覺
睇鐵打話我扭親，話時間長左就會好返
但都過左半年仲係咁
早幾日又唔小心再整親，情況依然係咁
於是上網搵下資料，發覺傷左半月板既機會率好大，而且又話照MRI會比較清楚
所以我想知道邊度照MRI會比較平d
由於依家係照既關係，就算有醫療保都未必有得賠，所以想搵最平既方法去照
到時真係要做手術先至再賠都未遲
我想知成個流程係點，睇急症普通科叫醫療轉介去其他醫院照MRI?
直接walkin照我睇過d價錢係6k-8k
暫時唔想驚動屋企人住先

2年半前係mk照4千幾
就咁落街診所叫醫生幫你refer去照就得
照到有事做埋手術可以照claim

如果係睇政府佢有個 reference list 比你打去格下價 會平過你自己 walkin 照 我都斷左 acl

佢有好多種 睇你係照邊款 最好叫醫生開紙比你同你講有邊幾樣野照 使唔使打顯影劑又會差好遠 官塘之前照過腦幾樣野就7000左右

照過兩次膝頭
想平既話首先去政府門診睇一睇拎張轉介信
之後岀街照，岀面多數見你有政府轉介信就有7折左右，大約三千蚊


ps：有朋友返大陸照，一千蚊，但個報告係點我就唔知

斷過兩次前十字韌帶 瑪麗醫院骨科出轉介信 喺上環信德中心對面照 印象中係$2300 不過係2016既事

有政府轉介信平好多，體檢照都係二千零蚊。

你卡住卡住，應該半月板有事。膝頭冇力就似斷ACL。睇情況，全餐機會大。

感謝各位，我會盡快去睇醫生

全餐係咩意思?

斷ACL加半月板有事

不過唔使太擔心，最多做手術搞掂，而家都好普遍。

如果兩樣加埋做手術大概幾多錢?

我兩次傷都叫好彩，只係斷ACL。上年仁安做，埋單九萬幾。加埋半月板應該再貴d。

有卡都好大機會半月板，照左先知幾嚴重。有啲情況會保守治療就算，即係做運動強化，打針。

你既情況如何?需要住院嗎?
大概幾耐可以行到路?

我今朝諗住去睇政府普通診所，諗住睇完叫醫生轉介照MRI，點知full哂位
依家諗住今晚睇急症

住一晚，用拐仗的話，第二日可以落地。兩個禮拜到可以唔用拐仗行。

今日已經睇左政府普通門診，醫生寫左轉介去骨科等排期，同時又轉介埋去私家照MRI
見我係2個醫生，都暫時覺得係半月板問題
佢地話膝頭哥有腫即係有血液到，有腫好過冇腫，冇腫係冇血液運行到，傷左就會好嚴重
佢話如果唔太嚴重既話，可能只需要做微創修復手術，去除爛左碎既既軟組織

其實就算斷埋acl要做手術都係微創多，而家好少大大條疤。
不過男人老狗，有幾條疤仲型啦。

祝你好運，手術成功。

比你參考下，我上年年尾私家骨科refer尖沙咀某MRI centre 4千尾，診所姑娘有話有多幾間4千尾至5千頭，今年年頭有另一個私家骨科醫生話可以refer一間3千幾。我係腳骨裂，唔係洗打顯影劑。

點解你個情況會同我一模一樣架

卡住卡住就有機會係半月板移左位, 巴打一定要快D去照

照過腦 政府 200蚊

我之前係整親 去私家 之後入院照 就可以claim住院醫療保險