[開心速遞]熊若水龔燁 供水線集中討論區（32）

會唔會係之前影落

唔係啊 係今日OOTD

但係佢hashtag OOTD喎

呢件褸真係好好睇

lm

霸氣水

果然係模特兒身材 著咩都咁正咁靚

下個po叫 群龔線(曹水)討論專區

群龔線係龔水線隱形支線

官方認證支線
一定永遠都記得群姐嘅無私貢獻嘅胴體

一個cls嘅劇情，一定要有cls嘅網民

成輯相都好靚

又咁快爆post，留名先
等睇聽日開心速遞嘅收視公佈，依莎貝拉 . 群嘅白滑胴體 同埋媽呢龔
聽日好多嘢睇好充實呀

係呀，博士仲同佢爭群姐，等博士返來就可以進行五角戀

阿龔連登神榜第一二位都掌握係手

忽然想篇文章，打一打對於龔水線既感覺+對龔同水既少少角色觀察。
不過因為唔係對成套野既文章，都係唔出返去大廳PO打(不過可能會貼返過去)

屌，我實在太蠢，未打完就POST左
----
對龔水線CP"成型"印象最深係266心戰果集。若水將自己身上最後一粒(大家都知係最難食既)金幣朱古力俾左阿龔，令到因為傑叔單野家道中落見盡世態炎涼對任何人都無晒信心成為世界仔既阿龔知道世界上「原來仲有好似天使一樣咁純真既好女仔」。水水成為左阿龔喺黑暗中既嗰綫光。所以劇情咁快(只係十幾集時間)就交代阿龔同水水表白，其實都情有可原。 但係喺水水眼中，雖然佢知道龔燁背負住咁多野，知道佢為左令龔友可以過返之前既生活，但係唔足以推翻十年前既事，所以第一次龔燁鼓起勇氣向佢表白，熊若水好決斷拒絕。

去到280集燁來越愛你下，若水以為阿龔因為表白被拒再次「啪洋洋毒針」。龔燁其實已經引咎辭職，受完淋向自己果桶污水之後明明想解釋，但係被自己鍾意既女人用一個「我估唔到你真係咁毒」又失望既眼神望住，呀淳用一個眼神表露出果種"心碎"既感覺，真係點出左阿龔果刻小小心靈受傷既感覺。(呀淳演技真係好好，當然蟹蟹既眼神都好交到戲。) 然後劇情交代龔燁臨走，亦都為左保護若水喺冇左自己既接龍可以唔受肥JENNY(sorry太激動其實佢真人係好索我都幾鍾意佢)既陷害，好MAN咁要脅左JENNY，睇得出佢真係好鍾意熊若水，甚至臨走都要好好保護佢(最後托呀叔，將雙下巴天使交俾若水)。 唔知有冇人留意，龔燁同龔友坐的士去機場果段，燁聽到DJ講果段說話之後眼濕濕默默望住窗外，睇得出其實龔燁對於熊若水可能成為自己生命中一個過客覺得傷心。(講多次，我覺得呀淳呢到演得好到位)

回水之後，龔燁為左接近返若水，呃左佢搏若水同情收留，當若水幫佢洗頭(洗頭殺)問佢點解大龍生會請返佢，我覺得呢到係想表達水水俾緊機會龔燀講真話，但龔燁依然都係唔講真話，所以水水好嬲咁趕左阿龔出門口，但阿龔知道自己喺水水心目中其實已經默默佔有一個位置，所以佢都係喺食屎陳師奶面前一笑置之。去到真命騙子果集，其實觀眾都睇得出水水已經對阿龔有多少好感。

劇情繼續發展，雖然唔係經常有龔水主線，而呢一對CP亦都有幾次機會可以跨過果一步，但係奈何每一次都總係有事發生，亦都令阿龔愈來愈唔敢表白心迹，因為佢唔可以將水水放喺第一位。

每一次龔燁講「我怕你唔敢聽」，每次既三個字、三個字既答案，都係用輕浮既態度掩飾自己既心意，因為龔燁冇信心做到熊若水心目中可以放佢喺第一位既男朋友，「She deserves better」。

好感動534果一集，編劇寫出水水主動解開阿龔既心結，撫平左龔燁心靈果痕，而呀淳用表情交待出龔燁即使聽到熊若水唔介意唔係第一位但係都內心好掙扎，到最後鼓起勇氣一吻定情。中間猶豫，係因為龔燁知道熊若水實在太好，到底自己可唔可以成為佢既男朋友。自己個人都好鍾意編劇寫龔燁鼓起勇氣一吻定情而唔係講啲乜野，因為去到果個moment，行動勝過任何說話，都唔駛再解釋啲乜野。

著眼放喺龔燁呢個角色比較多，因為本人私心留意呀淳比較多。
Shoutout：編劇大人！呀淳！蟹蟹！ 多謝你地為大家帶黎呢套處境劇，帶黎呢條咁好既感情線 希望龔水CP可以有好好既發展
唔係淫根FF果啲

剛才蟹蟹係咪開live？我完美地miss 左

有save啊
雖然開咗唔知有冇3分鐘

pls share