黃世澤：港鐵升級訊號系統係啱，但點升

3月18日清晨港鐵大炒車，係同測試 訊號系統 有關。有人質疑點解要測試 訊號系統 ，作為一個鐵膠(我諗做時事評論兼鐵膠甚少)，無錯，港鐵係要升級 訊號系統 ，但成個CBTC部分係點搞，喺新加坡鑊氣在前，呢件事係要俾番一個清楚交代俾大家，唔係就咁算數。


訊號系統 核心部分邊個做

首先，香港依家港鐵個 訊號系統 係1996年升級嘅產品，基本上，用咗成廿幾年，老化同零件不足嘅問題，係會玩殘個系統，所以， 訊號系統 依家要改係好合情合理嘅事，話雖依家個法國系統其實行得好好，表現卓越。

升級得系統，一定係用最新嘅系統，所以至改晒用無線電為本CBTC，一方面，無線電為本嘅CBTC大大減少路軌電路依賴，係穩定度高，而且維修成本低咗，另一方面，無線電為本嘅CBTC可以喺Moving Block上更靈活，安排更密班次，咁樣至收得番成本。

而最新系統用CBTC，要有效率，一定用無線電，呢個講過，早期係GSM-R，依家梗係用LTE，Advanced SelTrac CBTC係最新型號，一定係行LTE，但如果軟件無大變，點解SelTrac CBTC好多地方無炒，Advanced SelTrac CBTC大炒，呢個就係問題。而SelTrac CBTC，外面好多行GSM-R，未必用華為系統，好多係Siemens Nokia或Ericsson，因為GSM-R 2005年開始流行，果陣華為未興起，但用LTE，但Thales大部分搭住華為上，Alstom同Thales外判俾華為，呢個就係我要問嘅問題。

每一個部分，每一個分判商，事發果陣完整Timeline都要交代出嚟，同埋要有獨立調查委員會，千祈唔好香港工程師學會班粉腸，信唔過。

後話：JR東日本常磐緩行線，一度係試過用 SelTrac CBTC 做訊號系統，當然JR東日本有佢戰略考慮，因為如果要大舉進軍英國及歐洲市場，一定要慣用SelTrac CBTC或Trainguard MT CBTC呢啲歐制系統，但測試唔順，最後用番日本自家系統。都係果句，我唔介意被真係識鐵路嘅指正，技術嘅嘢係無得亂拗，但完全唔識亂抽水果啲，唔該自己摺埋。


https://martinoei.com/article/25576/%e5%8d%87%e7%b4%9a-%e8%a8%8a%e8%99%9f%e7%b3%bb%e7%b5%b1-%e4%bf%82%e5%95%b1%ef%bc%8c%e4%bd%86%e9%bb%9e%e5%8d%87/amp

好像幾專業

港鐵 相撞係ATP失效？一堆疑問

港鐵 訊號系統測試失敗，搞到喺中環站撞車， 港鐵 俾咗好恐怖嘅事後意外場景，只不過，好多都唔係關鍵證據。有人俾咗葉錦龍一張相，呢張相係當時訊號系統嘅Screen，呢件事去到荒謬程度，我諗係時候搵專家，認真查清楚發生緊乜嘢事，簡直係黐線。

港鐵 相撞係ATP失效？

事發果陣，訊號系統顯示，兩架車嘅Moving Block係重疊。

照正常，兩架車嘅Moving Block係唔應該有任何重疊，特別兩者箭嘴同樣向上果陣，因為大家可以預料到結果，就係炒車。通常正常訊號系統，係確保車前，車後若干距離唔會俾其他列車駛入，所以至叫做一個Block，所以成日叫係閉塞，就係咁解。如果出現重疊，係應該有Automatic Train Protection啟動，及時剎停架車。依家，我作為一個業餘鐵膠，我提出幾個問題俾大家思考：

究竟個訊號系統嘅列車定位係唔係準確(呢個可以係電腦計算問題、無線電發射設計問題，是但一個)

訊號系統所得列車速度數據係唔係準確(無線電問題)

當時有無任何跡象，啟動過 Automatic Train Protection？

測試當時，有無因為ATP問題，人手override關閉ATP？

如果無關閉過ATP，點解ATP並無啟動剎停是但一架車？

點解Moving Block重疊，兩架車都可以行落去？

呢幅訊號系統控制中心嘅Diagram，係第一幅流出可以俾港鐵以外熟悉鐵路工程人員，以及鐵膠去判斷究竟發生乜事，依家可以排除係Overspeed，咁下一步，就係ATP有事，定無線電系統有事，定邊度有事？

如果係無線電出事，咁可以肯定係華為嘅問題，我相信係要直接搵過第二間LTE公司做，甚至暫時唔好升級做Advanced SelTrac CBTC，直至LTE另一間承建商接手為止。如果係ATP問題，咁要睇係軟件問題，定邊度問題。但總言之，呢次訊號系統問題太離譜，我諗要喺港鐵公司毀滅必要資料前，要有更多技術資料流出，確保事實唔會被掩蓋。

唔通關華為事？

世柒

呢個行WiFi 唔係LTE

世7又撞車？

套野行wifi唔係行LTE架

屌好心咪撚再post世柒啲垃圾文上嚟啦

世柒成日炒車講經驗無人夠佢黎

黃世柒嘅文睇完笑完就算啦
佢呢啲磚家收皮啦

有冇人講下？ 太專門睇唔明。

今次好pro

天下間有冇嘢係世柒評唔到?

地鐵個訊號用wifi?

新款係
迪迪尼綫已經用咗WiFi 好多年

鐵路版WiMax

由最基本開始
check 下d router adapter

你同我識條鳩咩 嫁下鳩吹信2成都比多佢

林子健單野佢信到十足十

星期日休息：邊啲人喺度抹黑 林子健
https://martinoei.com/article/15593/

林子健係自編自導自演，你試吓囉
https://martinoei.com/article/15600

點解我唔信Factwire
https://martinoei.com/article/15604/

咁WiFi 係咪華為提供？