「子熹,做咩啊你?」康仔皺緊眉頭。
「你地走啦。」他微笑著臉:「我要留喺呢度。」
「你癲左咩?!」
「唔好玩啦...」芊芊被剛才的一切已嚇得暈乎乎,現在子熹突如其來一句,她不經覺間眼角已淺流著淚。
子熹感嘆一聲說:「一直以嚟,我都係個好自私既人。為左自己,傷害左我最愛既人,傷害左我既好同伴,傷害左無辜既人。每一次我做完傷害人既事,只會獨自內疚,而唔去選擇做啲乜野面對。所以去到今次,我唔想再逃避喇,我要接受自己做既過錯後應得既懲罰。而且......我唔可以再次拋低佢一個人喺度。」
「子熹......」美玲淺笑。
芊芊怔怔的瞪著眼,聽到子熹的決意以後,臉蛋漸漸通紅。她抽了幾下鼻子,眼眶已佈滿淚水,眼淚中含著無數的委屈和痛心。
康仔看到芊芊的反應後,勃然大怒的喝向子熹:「咁芊芊呢?咁我地呢?你就咁死左既話,有無諗過我地既感受啊?」
子熹眼珠往下移,沉沉的道:「我對你地兩個都做左不可挽救既錯:我無阻止到MK晴被殺,而且仲傷害左芊芊既心。如果我跟你地離開,最後我地三個之間必定有條刺,無可能好似以前咁樣。」
「你唔試下面對,又點知無可能呢?」
「總之,我唔想你地再因為我而唔開心喇。」
「子熹啊!」