創業撚 - 信自己定信老母

講真, 你本來月入幾皮, 創業機會成本一定大, 如果唔撈之後又搞唔起你壇野, 壓力一定大, 有無諗過當副業搞住先, 撈得起先QUIT?

財政儲備夠唔夠你食一年

出來創業不是太易,你去開到個公司戶口先諗其他啦;好多本錢就唔同!

大多數意見都係叫我當副業搞住先 辛苦啲捱下

我係裸辭創業，2月開始到而家， 夠生活既。比起打工果陣當然少一截。
不過唔好計錢多錢少，見到由零開始，到夠三餐加生意有增長，個過程係打工俾唔到你。

如果對自己壇野有信心，應該放手一搏。

為錢的話買樓好過

人生得一次 你諗你 人人都會叫你唔好辭職 因為佢地活緊係comfort zone

信自己
老母係窮人環境生活
點會識呢d 佢點都覺得安穩最緊要
但唔搏就永遠冇機會變有錢
加油

出錢請我幫你搞，你繼續專心扮工出糧。

創業本身已經好難 如果仲要係副業咁做 唔方會做得好 咁不如唔好浪費時間

偉大創業家十之八九都係迫出黎 絕對唔係副業發展到

師兄可以交流下喎
利申: 都係公屋撚

多謝大家意見 前期工作好多同都相對嘥時間 例如公司註冊 開戶等等
所以我會搞掂哂先 btw好忙

你老母有道理，辛苦少少但穩定性高好多
創得業都唔會怕辛苦架啦

有興趣交流下
https://t.me/KLCH0

你係咪想講破釜沉舟

試=用錢買個教訓
買多幾次就會成功
試完好搵工做喇

60萬年薪，即係5皮/月
試下捱多幾年，一年儲30粒，當你儲4年，120萬，做5%+ /年回報既投資會唔會好D？，一年有6皮野+，再$滾$
唉今時今日香港地，做小生意都分分鐘蝕大本，反而穩穩陣陣買資產回報仲安全
你係有錢佬，幾億身家既，大把安全又穩陣既生意機會比你入到場，有D生意蝕頭，大賺尾段，你有冇咁厚血先？

錢其實其次 搵緊一萬幾錢果陣又係咁生活
其實最主要係打工滿足唔到我 每日返工都唔知做緊咩

比小小心得你
當年我係邊打工邊創業，
每日5:00am起身，返工
5:00pm放工就飛的去舖頭
開舖前嘅時間就請pt同頂住先

返工中途會聽到客打來嘅電話，有次開緊會客打來，要扮去廁所聽

最印象深刻係試過係飛的途中interview d partime 因爲真係忙到痴線

每日8:00收舖，返到屋企攰到仆街

每日一放工就飛去舖頭呢種模式我持續咗9個月，好辛酸

後尾生意漸上軌道，我辭咗職了

啱啱辭職果個月我驚冇錢食飯，買咗罐嘉頓紅罐餅，食咗1個月lunch

最後同你講句，做生意要信自己，人地點都會撥你冷水，但我都堅持自己，加油，做自己想做嘅事。因為我深信打工嘅人係唔會明白

每段創業故事後都有一段辛酸事，加油

多謝你 共勵之