[Gay/bi]男同事咁樣傾計法代表咩

好撚gay

但不論男女
未拍拖已經mon住你最後上線同藍剔都好煩

死基佬

比心基！

終於得閒更新下，之幾日都係keep住拉鋸無結果

1. 對話已經開始涉足到”邊個食住邊個，你畀我食返轉頭唔好咩？”咁樣樣，佢話係Office佢最緊張我、最著緊我咁我試過佢口風，我話第時Office嚟啲新嘅靚女同事你咪對佢好得唔洗理我過囉咁，本身佢繼續強調只會緊張我，講多兩句佢就叫我唔好再講落去。但我同佢係咩關係都係冇結論。

2. 利申我係1(床上床下嘅角色都係1)所以佢當我係女仔我勁失望，我唔需要一個哥哥照顧我不過見佢小屁孩扮下哥哥好似幾過癮咪夾下佢我係有軟弱一面畀佢見過，但唔足以畀佢當我係女仔

3. 佢又話我藍剔佢又識得點令佢唔知我嘅行蹤，話我識心計唔係普通港男港女關係其實我都冇耍手段佢個心都囉囉攣，仲講話見我唔覆唔應(因為我真係忙)成個人直情低落，仲想藍剔返我要我受返後悔返不過自己按捺不住同我講返野。究竟邊個食邊，邊個莊邊個閒我fd話佢係抖M扮霸氣總裁我覺得都貼切。

4. 一開始唔記得講，點解我唔認為佢係Gay/Bi係因為佢係基督徒(未到耶撚級嘅)。雖然基督徒可以係Gay/Bi，但我始終覺得香港嘅基督徒都係比較保守，唔接受喱啲LGBT野。

小屁孩扮下哥哥好似幾過癮咪夾下佢-->咁佢性格都幾可愛喎，成日扭計，唔成熟但係扮成熟
抖M扮霸氣總裁-->記得溝咗佢之後，平時讓下佢，床上面就屌到佢喊住求饒

共其實兩情相悅真係好罕有呀，巴打加油，溝咗佢返嚟之後再慢慢調教

隔咗一個禮拜喇又，有冇update

有冇updates

放左個大假休息下，以為無人會追Post，原來有，有D感動。但其實都無大update，瑣碎野都有D既雖然。

放假前再徵詢更多人，好多人都真係話佢對我有野之餘，其實可能佢自己都好迷茫究竟自己係咪鍾意左個一個男人。

其中一件最不解既事係有一晚whatspp傾偈到5am，咁臨訓前我send左一張比卡超捐入小智被竇入面既gif，我覺得無咩野小精靈同訓練員都係普通關係，我又唔敢send d好進取既gif，所以都ok啦我覺得，點知佢send左一張一個男人攬住一個女人錫住訓既gif，然後佢就去瞓覺。我真係呆X晒，咩都講唔出口，我覺得果個gif真係過晒close friend既界線，但第二日，又係無野發生。其實我一直好想知佢係咪flirt我...但我唔敢問，拖下拖下其實件事都隔左三個星期，但之後都再無D咁露骨既gif...係咪我無乘勝追擊呢....

故事發展到小弟放假前，佢轉為收工打電話黎分享返返工發生咩咁，whatsapp就數住我幾多日就放大假，又send晒苦瓜面emoji話自己一定好悶同唔捨得...其實都係放個大假啫，雖然我都有暗瓦底唔捨得佢既。咁到到我飛左去玩，佢夾到時間我哋都會whatsapp call...好尷尬通常都係我坐緊車我阿媽坐我對面佢就打黎...然後我地D對話雖然都仲係返工野但D語氣同氣氛好似情侶咁，之後仲去到我叫佢訓覺又唔肯，同埋果D港男港女你收線先啦唔好都係你Cut先啦既橋段..........

關於打電話，係徵詢過觀眾意見之後，佢地話姊妹就會，兄弟有咩事都唔會講電話講咁耐...肯定有D野。但我就會諗可能係佢懶得打字啫....

發展到依家我都仲係唔明點解我地係未一齊到，究竟差D咩...其實我都衰，我無膽開口，同埋都係怕佢唔係喱會事我自己有時候都會收火唔會咁進取....

同埋有時候到我進取返佢就會避同轉話題...所以都唔知究竟佢想點...

睇吓仲有無人會追post啦，待續～

樓主進取啲啦 可能佢都係等你開口 就算比人拒絕你都冇損失㗎~

等你 加油啊！

好撚gay呀

正常男點會講早抖
十幾年朋友都唔會咁講野

佢咁都唔係對你有意思既話我幫你含又點話

仍然等待

Pish

有後續未

好意外，原來有人會想知有咩更新，所以我都講下。

其實喱幾個月係無特別，無突破，我地仍然係朋友關係，所以無得意再update返。

但感覺好似拍拖咁，我地傾電話傾好多個鐘，雖然都係講返工野咁。佢會呷下醋我出去見朋友（我相信係無惡意果D講下笑），我又可以發下佢脾氣佢又好忍得到我。雖然我成日都話想約佢睇戲但都無付諸行動，但佢都仲記得。出街果陣如果係坐火車排排坐隔黎，佢會借D倚剎車果陣會挨一挨落我到，有次仲公然咁抽我油水，佢手臂係到捽我手臂咁。

但我仍然覺得佢係直男。

有日佢問我，如果佢有日拍拖既時候我會有咩反應。我好老實直接話我會接受唔到，我會自己疏遠佢。佢話：唔洗咁誇張既，都會少左搵你架啦但係都唔會完全唔搵。

即係佢無打算覺得過我會同佢一齊？

我同我best friend傾過，我應該真係開口講清楚我對佢有意思，然後等佢揀做朋友定點。其實我準備左張紙仔表白，因為當面講驚尷尬，whatsapp電話講又無誠意，當面交紙仔好似平衡到咁。其實我有意無意透露左我有張咁嘅紙仔，所以佢知知道我有D野想同佢講。但我預計如果佢係直，唔會接受到我表白之後再咁close，好有機會連朋友都做唔成，我就決定問下佢有無心理準備過有一日我會唔再係你生活中出現，因為張紙既內容好有機會令我同你唔會再見。

佢用左一個下晝，扭扭寧寧，終於話接受唔到，仲話應承左好多野一齊做仲未做，話已經當我係最best既best friend，無得咁樣話消失就消失。

我好猶疑應唔應該比將紙佢，因為原來我都怕失去佢。當日見完佢我再返工，中間自己好抑鬱咁喊左出黎。

收工見到佢，最後我都無膽比張紙佢。

我依家其實應該點做...

屌，仲唔表白直男點會花咁多時間系你條麻甩佬到啊！

先唔講佢，你肯定係動左心，但究竟係鍾意呢個人定鍾意呢種曖昧關係可能你要自己沈澱一下再諗清楚。
唔好俾性別、性傾向、性慾呢啲嘢主導你嘅想法。當一涉及到呢個問題，好快就會諗到去將來點點點，有無好結果點點點。而家唔係準備結婚，唔好將太多責任加諸喺一段感覺上。
個人認為雖然拍拖之中性關係係佔好大比重，亦好重要，但純精神上嘅交往並非不可能。

而講返佢，顯然地唔係單純友情咁簡單。如果佢係單純友情而作出呢啲互動，我覺得佢都幾仆街。

其實一直都有期待緊你嘅更新，希望你繼續分享。忍唔住留逼鼓勵下你。