【海洋生物】淺談三文魚

大家好，好耐無見喇
今次又同大家淺談下三文魚，之前曾經略略講過佢，不過今次再深入少少去了解佢地
佢地屬於Salmonidae呢科，同鱒魚(Trout)非常熟，而且經常令人混淆兩者。佢地有著龐大既經濟重要性，人類既未來某程度上靠佢地





特徵
三文魚相對其他魚黎講好易認。佢地背上近尾部有一塊細小且圓既魚鰭，名叫Adipose fin。見到呢塊鰭，其實就可以9成確定你睇緊既魚係三文魚/佢朋友。

三文魚有著橙紅色既肉，係因為佢地以蝦蟹為主食，但身體又無能力化解蝦紅素(Astaxanthin)，因而蝦紅素累積係身體，令肉變成橙紅色。


生命循環
三文魚一身可謂精彩，佢地游過淡水，浸過鹹水，之後搶閘生B黎總結自己既一生。

首先一粒三文魚卵會孵化成幼魚(Sac Fry)，河道上流提供冷，高氧氣成份既水比佢地發展。佢地會用腹下既"蛋黃"作營養成長，漸漸發展成細魚(Parr)。值得一題既係呢個階段只有約10%既個體可以存活到下一階段。

細魚身上有雜灰色魚鱗，作用好似保護色咁。佢地會去到鹹淡水交介環境長大，直至佢地身體有能力適應海水環境，佢地就會出發去浸鹹水。

三文魚遠走高飛既距離可長達1400km之遠，係海入面，佢地會快速成長。大約4至5年後，佢地就會番去河道，進行交配。

之後就到三文魚一生既壓軸尾聲，佢地會用盡力去跳上河道上游產卵。先唔計河水力量會沖佢地落去，旁邊有好多捕食者例如熊，會企定定等食。

成功既三文魚就會開始產卵。三文魚繁殖策略係重量不重質，佢地產卵後唔會投資任何野去令自己仔女生活好啲，不過佢地保證會生成千上萬既卵去對得住列祖列宗。生完佢地會死，就算唔食都會絕食自盡。呢一種繁殖策略就係r/K選擇理論中既r/selection

食用價值

三文魚作為其中一種可持續食用海產(sustainable seafood)，而且係全球主要海產業既其中一環，在全球每年提供100億美元既經濟交益(都未夠一個人工島。

由於三文魚係淡水生活，所以接觸到寄生蟲機會較大，所以點解話三文魚有蟲就係因為呢個原因。至於點解會搵佢黎生食，我真係唔知

食法
三文魚頭當然係要煮湯

魚鰭就炭燒

魚腩當然係做火炙壽司

其他肉就是但啦



中意既可以起底睇埋我其他post，但啲圖可能已過期

lm

正皮

我是來支持留名的

三文魚食唔食日本人？

三文魚係大自然個角色幾特別
因為佢食海既住海既
上河流生蛋 死亡既過程為河邊帶黎左好多養份
特別係海入面既礦物質

食法果part多圖

正
睇黎三文魚既一生係貫徹比中型動物當糧食既作用

呢頭話唔明點解要攞嚟生食，之後即刻就介紹食法係火炙壽司

正

樓主個個post 我都有睇

https://i.gifer.com/iJl.gif

不如講少少三文魚養殖呀?

日本人尊唔尊重三文魚

係呀，當中有啲比熊食剩既會化作陸上生態系既養分。可謂生態既世界仔

三文魚有著橙紅色既肉，係因為佢地以蝦蟹為主食，但身體又無能力化解蝦紅素(Astaxanthin)，因而蝦紅素累積係身體，令肉變成橙紅色。


咁一生出黎果陣係咩色

以前唔知聽邊個講三文魚肉會紅係因為佢地返游返河道上游產卵要用好多力搞到充曬血，啲肉先咁既色

透明

如果我有辦法改變佢地飲食集慣唔食蝦蟹
佢係咪會變返做原本個隻色

仲有salmon 同salmonella兩隻字咁似有無典故定純粹巧合

強帖留名

挪威三文魚油脂好豐富
刺身同煎熟都好撚正
日本個種三文魚無咁肥 好難食

下次講淡水三文魚