呢排同女朋友有啲問題然後雙方都幾唔開心，冷戰左幾日。前晚我搵返佢想氹返佢，本身好地地，第二朝返返下工突然收到一個陌生人既whatsapp⋯⋯
佢話佢係我女朋友既朋友：
Hi 我係XXX既朋友 算係由小學bf到中學 想問你地發生咩事呢
然後佢就send左一大段野黎教訓我，話我唔岩，教我拍拖⋯
節錄頭兩段：
首先你地由一齊個時已經出左問題 你應該都知 例如你要返工成日都陪唔到佢 一星期一次都未必見到 同埋你好少同佢傾你工作既野 你話佢聽左都唔明 一對情侶係岩岩一齊個時應該係最sweet既時候 正常而言會逼不及待咁想見對方 乜都想對對方講 但呢啲似乎得佢想 你或者冇滿足到呢一點 見得唔多 又傾得唔多 自然就會冇安全感 作為男朋友 要比佢安全感係你既責任呀 無論係電話 定係messages 定係ig direct搞笑野比對方睇 依啲都係慢慢咁比對方安全感
然後當嗌交個時 我都覺得佢係幾煩 會十問九唔應 又成日sd啲emoji 但係如果你真係想keep呢段關係 你自己都知你唔可以去鬧返佢轉頭 就算你好委屈 或者你可以打一大野去澄清 想佢明白你既心意 但就係唔應該一lun嘴咁講「你嬲完未」 「你可唔可以唔好咁港女」 呢啲都會令人愈黎愈唔開心 女人係煩 但愛佢就唔好要佢更唔開心啦？
佢最後仲教我：
如果你堅愛佢 只係你唔係好識拍拖 唔係好識點同女朋友相處既 咁我希望你比啲時間佢 比大家冷靜啲先 因為佢仲傷心緊 唔會聽你講野 同埋佢要考dse 為佢好就唔好再刺激佢 比佢專心考完 之後再一齊都唔遲呀 如果你可以改變 我相信佢都一定會改變
其實我想問⋯ 關你咩事？
我應該點覆佢好
？
