Metal Build 討論區 (20) : 初號機炒賣交易現場

我硬係覺得佢個頭型麻麻
有冇巴打可以影吓個頭close up黎睇睇
價值就唔評論啦 千金難買心頭好

想買

兩隻M9直頭未開

膠液現腸：
牙媽信呢3日價位 33000 > 36000 > 39000 > 38000
下跌軌已現
建意持貨者盡早套現離場

等佢出ka 版

分享吓，噚晚入完只夠時間玩個主體

Boxart其實覺得唔係好靚


開盒第一眼畀個Finishing嘅細緻度嚇親。
喂大佬，細個去手辦模型舖朝拜嗰種質素嚟嘅？！


......㗅！


做乜嘈醒我呀！


吼！


跳出嚟攪事！


淡友最鍾意話我正面樣衰，就畀張J圖你哋起機先！
係呀係呀真係好樣衰～咁樣衰記得跌價都唔好買喇。


都係唔好睬啲on9，做吓伸展運動先

跪得咁靚嘅玩具你見過幾多隻？有心思㗎



首先你留意佢腳瓜嗰舊「肉」，直立時好流線好貼服


當屈埋嗰陣，識得縮埋偷位


所以咪可以屈到大髀同小腿直頭摺埋咁貼囉，
想點跪都得啦


條頸嘅處理又係好正，除咗可以岳高同伸長之外...


留意下巴位，一岳高就會有嘢拉出嚟補番穿崩位！噉就點望都冇死角啦

背脊睇真啲，簡直係機械甲同人體肌肉線條嘅完美平衡


條腰分開三個關節，駝背look毫無難度！


再嚟睇吓啲Finishing


造工精細到暈，每件小parts都咁精緻！
我同朋友即場爆咗兩盒，QC冇問題，
水口？背面格甩底位真係搵到一個嘅。


原設裡面一啲「露肉」位都變成鋼鐵感十足嘅外觀，
完全符合番Metal Build個朵！

睇吓個股關節，靚仔得嚟構造又複雜，
可以改動初號機嘅設計而又予人「提升」嘅感覺，
知唔知難度有幾高？


係都要我搵嘢彈嘅話，呢個關節囉，
咁原始嘅ball point設計，膠件，
同其他關節比較處理上馬虎咗


最後，隻嘢嘅賣點其實仲有配件多、支架霸，
但我揸住隻素體，
連掌型都唔換已經可以好滿足咁扭足一晚，
扭到冇晒時間理其他嘢，幾耐冇試過呢個感覺？

造型、可動、Finishing，全部滿分無可挑剔！
唔滿意嘅人真心戒咗地球嘅玩具啦，
你死嗰日都冇嘢啱玩㗎喇。

陽電子炮同燒烤叉呢啲，
遲吓一定魂shop DLC見㗎喇，冇所謂！嚟！
夠疆出埋繃帶頭！快啲公佈埋其他機體！
呢個質素出幾多殺幾多！

幾錢？

有冇strike gundam?

個正面真係好樣衰
不過新劇場版覺醒果陣個正面都係咁樣衰
所以今次mb係跟足

終於有圖
買果時好熱鬧
買完冇人開箱
剩係影個盒

隻嘢比一般MB更優勝嘅地方係
本身機體唔太多「尖位」
唔會話一路玩一路互刮

價呢啲嘢豐儉由人啦
MB有例子通販斷咗都炒到飛天
又有例子水浸劈價
唔喺睡橫巷做估得幾多

客觀講句Eva嘢就不嬲多人爭
日本本土都炒得勁
啱價又負擔到咪入

樓上巴打嗰開箱文幾有心機

因首批貨源供應不足及需求龐大，形成上升軌道到39000，隨後貨源陸續抵達以及大量炒家鬥平出售，短期價格會出現技術調整下跌，當貨源再次被需求消化，會出現一短暫升浪形成雙峰，最後大貨抵達，因貨品成本高、囤貨會影響現金流，以及巿場主要需求已被消化，代理及零售商開始減價出售帶動巿場價格下跌，最終跌穿建議零售價。建議止賺位40000，止蝕位33000。

利申：只代表本人立場，本人沒有持有任何MB EVA

唔該哂