麻將愛好者入－中庸麻將與舊章麻將

3番都合理嘅
七對子未必要一開始就commit，可以棄糊之後一路扣牌一路再轉
不過難複合其他役種，4番好似好啲

其實如果加埋五門齊 缺一門呢啲役種
七對子都幾好做架

日麻重守，係因為要計順位
另外立直=100%叫糊，未叫糊嘅已經係大劣勢
你打其他牌有幾可會100%肯定人地叫糊

必有就唔計嘅話, 會有機會出現番種重複：
四暗四連, 混老四暗（間接計咗兩次對對）
甚至好似國標麻雀咁引起無數關於計唔計嘅爭論

番數推算首先要考慮嘅係採用邊啲番種
因為採用嘅番種會直接影響打法
然後再到分值嘅平衡

乘法係指港式麻雀咁
一番$2 兩番$4 三番8 四番$16咁嘅乘法計算
加法係台牌咁樣幾多番就幾多$
引申返如果用乘法, 細番種會較大地影響收入

我同人打有時係青龍/雜龍、門清、自摸砌三番咁玩，但我認台灣牌變化多好玩，只係計法好多樣唔統一

之前同班後輩打麻將，要跑馬仔打法但唔畀人最後食糊，只能自摸，健康而勁冇癮

你做大牌比人低番截糊係正常架喎 如果唔係大牌珍貴係邊？ 高風險高回報食舖大既夠你輸2圈細牌都得

密食先當3番咋 食細牌食幾多舖先追到雙辣？
手氣好計過數有機會食大牌就梗係做啦 比人截咪怨下運怨下技不如人咁快比人睇穿扣牌

同啲人打我最鍾意話大家拎個平衡2番起糊啦 坐正個3番撚既下家就發 幾張牌就睇到佢牌路轉章好易食

呢個就係我開post 既原因
想將新章役種統一加番入舊章
想帶起大家討論
打台灣牌都係必有就唔計
如一條清龍唔計老少
因為我地覺得清龍個番已包老少
同樣香港牌小三元計五番已包兩個三元牌
可以根住呢個思路
補番啲缺少左既役種
而定幾多番 合唔合理就同大家討論

我自己打台牌*

我反而認為小三元三番, 再加兩番番牌會好過直接寫小三元五番
因為有咩就加落去就唔使諗咩唔加計，直接方便
如果要列明邊啲計邊啲唔計，相信要花好多筆墨落成套章法
例如台牌五相逢因必然五個順子唔計平胡
但如果係無字花的話又會計做無字花大平而唔係計無字花
另乘法擺響新章番種環境其實未必適合
因為細番種多咗會令大牌唔抵做
門清/平胡/斷么/般高 四揀三加埋係三番
混一色, 對對胡, 七對, 龍, 帶么, 三相逢等都係三番
邊個三番易啲？

講賭錢，我邊個故唔信，只信簡而清！

其實最大問題係門清平胡斷么做到3番
但計麻將大賽只值15分
同30-40分平時既3番有d距離

日麻下下淨係望一番比人摸舖滿貫已經嘔突
起碼都試下aim 4番, 又唔係難 (平和斷么立直自摸夠哂啦)

打慣左日麻玩返廣東牌會覺得壓力細左好多
對住高手除外

所以我話將新章番種擺落三番乘法度就會有呢個問題。與其強行砌入去不如直接打中庸。留戀三番起而唔學其他嘢嘅, 加咗番種都係冇用

新年同親戚打三番真係悶到瞓着咗

我出呢個post 其中一個原因係因為覺得中庸唔流行既原因係因為計分煩
其實趣味性中庸好高
但因為計分煩所以唔流行
好多人打牌都因為賭錢
食完糊唔係計番而計分
有啲5 10 35 125 咁難記既分
又難加
所以先唔流行

關兆豪好撚憎門斷平
番牌都10分，但門斷平得5分

本身玩開香港麻將，但呢排有班fd玩日本麻將，我學落發現都幾有趣，多好多役型,同埋多d玩方

感覺日麻過於守牌
好多時靠立直一番
好多時會好悶
所以我而家多數打台灣牌
多番得黎有攻有守
呢個post 個目的就係諗緊點樣將日麻台麻有既番
加番入香港麻雀到
等就算打三番起糊既人都可以玩得開心啲

想知巴打點解咁諗,
係咪因為日麻有懸賞牌呢個概念?

其實日麻並非你想像中消極,
反而係鼓勵你攻多過守,
日麻係按all last自己所得的點數排順位,
縱使你完全守牌,一般情況下你最多只有二位,
要獲得點數的方法,基本只有不斷做牌進攻

試想像一下,比你防守到all last,
假設只有其餘三家互有利虧,
你得到的點數總不會比其餘三家的任何一家為大,
因此完全防守到all last 你最多只有二位,
咁樣做意義不大,
採取做牌進攻先能夠掙多點數上順位一位

所以日麻並非你想像中消極,反而係積極的,
本質係鼓勵你攻多過守,
但唔係等於為怕失點差而重防守,
重點係考慮掌握做牌進攻和防守的時機,
個人覺得呢個先係日麻有趣同好玩嘅地方.

我睇法反而唔同,
如果賭錢用計分法, 直接指明1分等於幾錢就得
1分=$0.1／$0.2／$0.5／$1等等已可以直接計算
如果用番數, 一番等於幾錢之餘, 仲要睇係辣辣／半辣／封頂幾番等等, 仲多咗嘢要計

另外唔流行嘅主因係新章番種。
同打三番嘅人講三相逢／般高之類,
第一句劈頭已經話係雞胡, 已經講唔到落去
清混碰已經根深蒂固
如果係有打港式台牌嘅人, 打中庸根本好易上手

你呢個講法都好值得參考
剔除左呢個考試因素
我仲未諗了點樣可以解決
平胡門精斷么[可能有般高缺一門]就三番
你覺得咁樣就三番難度會唔會太易
比起混一色同對對糊黎講既三番

三番起胡廣東牌太悶
轉打港式台牌
連食同一個人有加乘
食返對家踢返前一鋪番數

牌型多難估做乜
冇最低番數
牌爛可以做嚦咕嚦咕或十六不搭
甚至門清十六隻守牌

有打開
所以先有中庸役種加入廣東牌呢個念頭

玩過日本牌返唔到轉頭
香港牌玩花的話太依賴運氣

直接打十六隻港式台牌啦
有得拉有得踢重刺激