睇過脊醫既巴絲入黎交流下啦

小弟照完MRI同X-ray發現脊柱側彎，椎間盤突出，又有長短腳，真係灰哂機
跟住脊醫話應對方法係用衝擊波同復位治療醫，但衝擊波一段要$350，做哂條下腰一次要成$2150, 跟住復位每次$750，姐係每一次去做治療要成$3000，自問啱啱出黎做野份糧又唔多，想問有冇平少少既選擇，或者可唔可以分享下你地當時做既治療幾多錢，知道我依個係貴定平個心都好D

你照左幾錢
想去check下

我拉傷條腰 , 去睇一次收三百幾。
對比脊柱側彎成條脊復位一次750咁唔算貴喎 , 不過我當時連埋針灸同敷藥。
唔知你個衝擊波咁貴係未真係咁犀利

之前踢波條頸傷左，痛到手麻痺咁，跟住去睇脊醫，佢都係幫我啪頸啪骨（自己其實好驚比人啪骨啪癱），再有部機比我拉鬆條頸咁，每次治療時間15分鐘左右，盛惠$800，前後睇左幾個月，啪鬆左，有紓緩...但根治唔到...
之後有 frd 叫我睇物理治療師，睇完西醫叫佢寫轉介信，去政府醫院排左半年左右（算快），跟手佢幫我熱敷／電療／㩒頸，一星期一次，睇左２個月左右，好返勁多！呢家自己keep住拉筋同埋健身，已經冇咁痛，可以踢返波。

利申：呢家唔信脊醫啪骨果種療法，反而郁返自己Ｄ肌肉，多Ｄ運動，同埋有事就睇物理治療。如果樓主冇乜錢，可以學我咁，睇左物理治療先，拎多個意見先丫。

LM

Btw, 多口問句, 樓主因咩事, 點會無啦啦去照MRI / X 光同埋睇脊醫??

自己本身無特別大唔舒服其實可以唔駛理
平時小心啲姿勢
避免攞重野避免整親就得
駛咁多錢又未必有效果有乜謂

我媽成日都頭痛，同埋個頭有小小偏左一面，有無脊醫可以介紹下等我帶媽媽睇？

睇過脊醫，感覺太呃水
睇過物理治療，感覺效用不大
睇過中醫，感覺效果唔耐
睇過西醫，話唔嚴重唔洗理

最後靠晚晚做yoga拉筋+帶taobao買的矯正帶+練肌肉keep住到而家

係因為左腳痹左好耐，又成日好似扯住條筋咁放鬆唔到

脊醫無科學跟據架
物理治療角度脊柱側彎大個咗生定就無得搞
用沖擊波去打返正真係聽都未聽過
你長短腳物理治療都只會refer你去做鞋墊
椎間盤突出其實好多人都有 無痛就得

脊醫係醫生?

但我就係好似壓住左神經線而不斷左腳痹又扯緊咁先去求醫 唔係忍唔住我都唔想俾錢人洗

脊醫唔係西醫來
你當佢地好似係西方嘅中醫咁
只不過係會識睇埋x ray mri ct果d
睇物理治療好過

叫醫生refer你睇物理治療好過啦
有d脊醫會叫你定時番去啪骨
根本冇用，整傷仲麻煩

唔該巴打

同意 脊醫同中醫無分別
建議樓主睇物理治療好過
2000蚊打一次沖擊波夠你睇2-3次物理治療

睇家庭醫生refer?

Yes 咩醫生都得

做左一次衝擊波係鬆d，但做個陣好痛，而且好貴。。

呢d野老閪都睇中醫

巴打想問咁物理治療整鞋墊要幾錢，我依個脊醫話一對要一千五

你想做復位其實好多中醫都識
但其實好多痛症本身唔關啲骨事