是咁的
今日訓醒
老母無啦啦話有人黎我屋企拜年
我心諗又唔係親戚話黎，我又無朋友話黎，關我咩事？前晚仲要收通宵，就同佢講不如唔好叫人黎
點知佢無啦啦陰陰嘴笑，同我講有你著數
咁我就以為係有大大封利是收啦，咁咪拿拿林應承
佢仲強調叫我著靚d，化靚d妝，當時我都無為意，以為佢知我岩收工個樣好殘，廢事殘樣太嚇人
如是者我係屋企化好哂妝，諗住係屋企等人上黎，點知我老母無啦啦叫著鞋落街，話怕人唔識路上黎，落到街，我諗諗下叫停老母，地鐵站附近d居屋，有身分證既都識黎la, 然後發生以下對話
：樓豬 
：樓豬老母 ：無啦啦做乜要接人既？ ：咁做有體面d，比個好印象人 ：（覺得有伏）無啦啦比咩好印象人？ ：我朋友有個仔，都幾成熟穩重架，年紀同你又差不多，比你識多個人，等你唔好zip jo la我心入面即刻十萬個黑人問號❓搞咁耐原來你帶我相體？廿一世紀啦都，仲邊有人幫個女做媒人？
我當然叫佢唔好叫人上黎，免得再哂時間，就係呢個時候，我突然聽到老母叫停左個女人，原來佢一早同朋友約好時間會合，咁落到街，咪當睇下條仔點樣樣先走啦，我同老母同佢朋友行行下，驚嚇既事就發生了。只見我身前有個驟眼望落個樣毒毒地，但係都唔算太肥既四眼毒男，似乎係老母個朋友個仔。。。
就係呢個時候，我老母陰陰嘴笑咁同個男仔講左句
’世侄你好啊👋呢個係我個女(英文名)，你地可以互相認識下。‘我唯有即刻尷尬咁講 : ‘你好啊我係(英文名)，係xxx大學讀緊書‘
我仔細打量過依個人，雖然佢個樣無咩特別，但係一來d打扮完全唔in，著住件裇衫都feel 到成個金鐘m 聚連登仔，二來米7都唔知有無，而且一睇佢個樣就知佢都係被迫。
為左方便，下文我地暫時叫佢做A
呢一刻，我心入面充滿掙扎，一方面唔想比老母支配，但另一方面又唔想令A難受,畢竟佢都係比人逼。
我最終都係決定叫A 上黎坐下，免得令A難受。
咁係上去既途中，兩老有意無意地分開行，好似想撮合我同A 咁A當然係趁呢個機會同我講野
：A 
：我 :你都係比人迫? :(點頭)我媽咪成日擔心我嫁唔到人，所以... : 我屋企都係咁，每次過年就叫我帶女朋友一齊食飯就係咁，我同A 已經有初步共識夾手夾腳做埋場戲，免得再俾兩老煩。
點知上到去更癲既野發生了，兩老一坐低就叫A入我間房玩下電腦，A就一臉茫然，我當然十分尷尬，但係為左唔再俾兩老煩，我對A稍為示意，然後沖左入房收拾。
過左一陣, 我揮手示意叫A入黎，呢個時候A 個老母突然叫停佢個仔，‘把握機會啦啊仔’
Wtf?係咪癲左？怕我嫁唔出怕到傻左？
入到去之後，我禮貌地同A講當自己屋企就得，然後讓出左書檯比A 而我就坐係床上面玩手機。
A係拎部macbook同ipad既同時，心入面一陣茫然，為左我個癡線老母，我連間房張書枱都要讓比個三唔識七既人，結果連自己間房都無權管理
就係呢個尷尬既環境既底下過左兩個小時之後，兩老叫我地一齊落街去附近食晚飯。食飯既途中都無咩特別，兩老都係一如既往地癡線，無非都係問下我地頭先做左咩，問我地會唔會再約出街。而我亦本住懶理心態，無理佢地，等餐飯食完就拿拿林走搵朋友。
點知A 個老母竟然充滿創意叫佢個仔送我番屋企，而我屋企就係視線可見既walking distance。我心諗咁大個人，係依個位都唔識返屋企咩，咪諗住講‘咁我自己走得啦’我老母突然參戰’唔緊要架，（指向反方向）個邊有個公園，好多情侶係個到拍拖，你地都可以去下。’A 個老母仲係扮哂識做咁早走。
而好人既我同A 講, 佢再唔走就冇地鐵，我會係附近打下躉，叫A 行先。而A係陪我行去公園站既中途就離開左了。
最後再次為呢篇發洩文sorry for 1999
同埋
老母你唔好再咁癡線可以嗎
