保險陷阱 - 團體醫療篇

核保嘅意思係
投保之前保險公司要你申報一啲相關嘅健康問題
如果有某啲特別嚴重嘅病歷，有可能暫時唔包甚至唔俾你買
你屋企人買嗰隻係回贈型嘅醫保
感覺上好似唔會點蝕錢，但有事嘅時候Claim完就有record
而買保險最主要都係擔心有事嘅時候唔夠錢賠
買返純醫保會好啲，因為槓桿率會大好多
如果揀回贈型，俾咗1蚊可能賠到10蚊
但揀純醫保，俾咗1蚊可能賠到1000蚊

你可以睇下自己公司個Plan遇上小型手術可以賠到幾多先
將（手術費＋麻醉師費＋手術室費＋雜費）加埋
如果個數字偏低，可能要揀返啲低墊底費嘅plan
如果計完公司個plan只賠到4000，買咗1萬5千蚊墊底費嘅Plan
有可能某啲情況下自己都要出錢
但如果你中嘅係大型手術，醫療費應該可以超過1萬5千蚊
到時自己就唔需要再俾錢

一啲舊式嘅medical insurance會叫使「住院保險」，門診手術係唔包嘅
不過目前上架嘅醫療計劃，多數都可以包埋門診手術
但就要特別留意：某啲計劃會有「門診手術列表」，只有列表上面嘅手術先可以claim
你宜家個Plan可以Claim門診手術，但要留意根據唔同嘅手術都會×一個指定嘅Factor：

以上圖為例，某啲關於耳部嘅（手術費、麻醉師費同手術室費）只賠5%
同埋個Plan要完全康復90日後先會再更新保額

FirstCare有網絡醫生限制，而且無保證續保嘅Terms

如果對比兩個Plan，衛一會好啲
不過如果衛一唔揀0墊底費，就只有4萬蚊同8萬蚊墊底費可以揀
或者可以睇下FWD另一個Plan或者參考下其他高端醫療嘅計劃
https://www.darkmoneyhk.com/comparison/香港高端醫療保險比較2018

想問下樓主會唔會做年金呢d 分析

可以先睇上下篇，再睇比較

公營年金定係私營年金？ - 上篇
https://www.darkmoneyhk.com/single-post/government-annuity-vs-private-annuity1
公營年金定係私營年金？ - 下篇
https://www.darkmoneyhk.com/single-post/government-annuity-vs-private-annuity2

年金計劃比較
https://www.darkmoneyhk.com/comparison/香港年金比較2018-你可以點揀

如果basic plan同top up用唔同公司
Claim個時會唔會好煩
要填同交兩邊既form

Ching 唔該想問吓有冇醫療保係包身體檢查 同睇牙？

其實睇你嗰網high end稱的講，信諾係咪可以已經係最好？

程序上會複雜啲
因為要等第一間保險公司俾返certified true copy你先
然後再交去另一間保險公司

情況同你claim完公司保險，然後再Claim另一間保險公司類似
如果你自己買咗份高端醫療，可能先申請咗免找數出院
再搵返自己間公司Claim返墊底費嗰part

某啲Plan會定期送身體檢查，不過一般要第二年先開始送
牙科通常要加錢買，唔係個個plan都有得加

https://www.darkmoneyhk.com/comparison/香港高端醫療保險比較2018

唔可以話cigna elite最好，因為要睇你著重啲咩
如果你睇重身體檢查、住院現金、門診MRI呢啲item，Cigna都幾competitive
但如果睇癌症治療嘅項目，目前個plan唔cover免疫治療、質子治療
同埋有啲plan會有豁免墊底費呢啲項目，Cigna冇
只可以話整體配套Cigna唔差，但好難話某一個product就係最好

巴打我做公務員，同老婆（兩人都係30歲）想買份實報實銷，唔使比墊底嘅半私家病房醫療，請問有咩建議

https://t.me/gogogunner

lm

門診mri 即係點？
普通診所轉介claim得？
如果中人壽果份，去醫院門診部睇醫生，之後醫生話照mri， 但照完就走得
咁叫唔叫做入左院？ 有冇得claim？

你好
我想問而家邊份危疾比較好？
啱啱同個agent傾完
佢介紹AXX 泰然安心保2
究竟呢份好唔好？
Thx

如果係0墊底費嘅High-end medical，一般會比較貴:

如果想同level平少少可以揀返FWD，bupa半私家房有癌症限額，所以唔太建議

或者中人壽有份私家房plan，個價錢比半私家房仲平啲:

http://www.chinalife.com.hk/products/products-pdf/H109-H135_「國壽海外」尊尚醫療保險計劃_CN%20V3.pdf

因為時序上想排返隊，所以我地唔用Telegram
如果想搵我地嘅可以inbox
https://www.facebook.com/DarkMoneyHK/
或者click入以下網址
https://bit.ly/2S3a0MU
多謝你嘅支持

一般MRI嘅先進診斷都會賠喺「住院／手術前或後」嘅項目入面：
(如果你檢查完之後唔需要入院或者做手術，就claim唔返呢部份)

部份plan會拆多個item出嚟，而且列明「醫院」或者「門診」都會cover：
(就算檢查完之後唔需要入院或者做手術，都可以make claims)


中人壽嗰份都要正式住院或做手術，只係照嘅話賠唔到
最簡單去界定就係張單據上面要有room & board

巴打，
我有先天病知會唔保生殖系統，但我唔緊要。
可惜腸做過手術，但其後3年內無求診治療，希望有保險可包已存在疾病。

我年紀25到，呢個情況會唔會high end 有墊底費都唔受我玩？

你好呀
我24歲 公司唔包醫保
最近搵左個aia推薦我加裕智陪保+意安心+105保費回贈(住院計劃）+充裕未來
其實我係想要有較全面醫療保障但佢就強力推薦呢幾份plan
好似同我想要既有出入
自己係想要睇門診睇中醫有得claim
但佢就話呢類plan好貴唔適合我

樓主
我26歲 冇任何保險
想幫自己買份醫療去以防萬一
有咩做手術 cancer又好 咩都好
睇咗好內 睇中後兩個
信諾尊尚醫療保
Prudential醫療加倍保
巴打可否比少少意見
依兩個點個比較好
本人打算一買就一世 不停續

見你之前醫療保險個post 1001咗但都想問下
今年24歲公司唔包醫療保險
想問下如果唔食煙, 想搵啲0墊底費全部既保險（大房/半私家)
暫時睇緊有FWD The One, The Choice 同埋 Bupa carepro+自選全保
想問下有咩建議？

巴打仲係唔係度
本身有公司團體保
想自己買份high end
係咪揀有墊底費既好d？

但又擔心自己轉工會冇左保或空檔期