保險陷阱 - 團體醫療篇

答得好詳細
就咁睇好似另外買醫療/危疾更好

不過另外想請教吓
我之前腰痛睇過一排物理治療 近排已經無再睇
會唔會好大影響？

冇入院或者冇照MRI嘅話唔需要申報
就算要申報，underwriter都會睇返情況
呢啲症狀未必會有exclusion，有機會當standard

1. in case你轉咗新公司，又冇再轉新工的話
入咗個plan開始計1年後可以包pre-existing illness，
但都要睇下新公司份醫療保障有幾多
一般嘅公司醫療都未必cover得到大病
多數人只係有少少住院，再加少少門診當做福利

2. 可以再加，只係答返啲健康問題
雖然冇claim公司，但有睇政府醫院已經有相關record
視乎你買邊間公司同埋買幾大保額，有啲會安排你做埋body-check
只要唔係咩大病嘅話都可以照買，只係醫療保頭幾年通常有不保事項

如果想有呢個保額，FWD智采可能會比較適合
或者選擇Cigna Elite呢類高端醫療都得
如果計易claim嘅話，Cigna應該會好少少
因為佢有個apps可以submit e-claim (包括住院都可以影相上傳)
而且張單生效夠3年可以唔駛醫生填claim form，相比同類型嚟講方便好多
FWD就有7×24小時嘅hotline support

明白thanks
想問case2有無乜邊間公司醫保推薦？

問多小小
小弟依家2中 係咪應該去到再過耐d 先加大個保障？
依家可以買份50萬左右既 到時再加大？
萬一唔好彩既入左院既 係咪醫保搭附加既（住院果類）已經夠？
需唔需要理意外其他果d?
目標係入院 一個仙都唔想比

想買分醫療保險比自己，PM？

其實5年係指最近5年有冇發生
例如你2015年因為胃酸倒流入過院
2019年買有可能暫時唔保同呢個病症有關嘅症狀
但會保障其他嘅醫療開支，去到2020年可以同保險公司appeal
或者到2021年你再買，到時已經唔需要申報2015年嘅紀錄
所以如果由2019年到2020年都冇事，2021年再買就唔會有exclusion

不過我認為最好都係試下做pre-underwriting先
因為只係胃酸倒流未必會有exclusion，可能宜家買已經直接當係STANDARD包返
而且cigna可以做pre-underwriting
就算今日佢唔保你，都唔會影響你之後投保

其實Topup可以好平，一年加多100萬保障可能都係幾百蚊
但如果你中間有咩入院紀錄，之後想加大個保障額就會好難
因為未必過到核保嗰關，又或者變咗好多病都唔包
譬如你照到條腸有粒嘢，之後再買都好，同條腸有關嘅病都唔包

如果想入院時盡量唔洗自己再俾錢，最好揀啲0墊底費又有全數賠償嘅Plan
意外保險主要嘅作用係意外門診，譬如因意外要做物理治療或者MRI呢啲費用
假如你有喺危險環境工作、有揸電單車或者有運動開先會建議買
可以參考下：
https://www.darkmoneyhk.com/comparison/accident-insurance-comparison

如果要推薦一份適合你嘅Plan，都需要多少少你嘅資料
例如本身有冇保險保障、幾多歲、有冇養家或者轉工打算等等

可以inbox Facebook傾
https://www.facebook.com/DarkMoneyHK/
或者click入以下網址
https://bit.ly/2S3a0MU

其實自付/墊底既plan係點玩？適合咩人？
會唔會好搵笨

轉咗工再度度點買保險
到時再搵你

雖然有足夠嘅現金儲備，最好都要考慮埋點賠先比較值搏

墊底費越高代表份保險越難賠到啲小型開支，
所以保費都會越平
如果 墊底費5萬 同 墊底費10萬 嘅保費每年只係差1000蚊左右
除非本身已經有好穩定嘅保障(譬如自己另外有買一份用嚟俾墊底費，唔係公司醫療)，否則揀返5萬墊底會好啲，因為可以避免自己嘔多5萬出嚟
加上墊底費係每個年度去計，假如墊底費設得太高，每年又只係中小病痛，就會變咗份保險好難發揮作用

自付/有墊底費嘅plan主要係為本身有少少醫療保障嘅人而設
譬如你公司個plan最低可以為份院嘅情況賠到1萬5千蚊，你直接買份1萬5千蚊墊底費嘅醫療保，保額可以去到幾百萬甚至幾千萬，30歲每年保費可能只係5千蚊左右
但如果你俾5千蚊買啲冇墊底費嘅plan，一般最高保額都係去到廿十萬，患咗大病又唔夠錢醫
或者好多人只係擔心好大額嘅醫療費用，又唔想保費俾咁貴，就可以由自己承擔墊底費嗰部份嘅風險

市面上都有啲plan有幾個墊底費嘅選擇，由0墊底到幾萬蚊墊底都有，患上指定嘅危疾可以豁免埋墊底費
in case有啲人怕老咗醫療保險好貴，可以選擇返呢類plan，去到老咗調返高墊底費去降低保費，又可以保障到大風險

Thanks for support

我阿媽買左果d個個月比保費 但10年後全數比番你果d醫保
聽佢講只係保住院
係咪好唔抵

同一個plan應該玩有墊底定保費好？ 我明白呢類plan係for原本有公司plan既人買。
但如果係正常人 應該0墊底高保費 定 調轉好？假設原本無任何plan 另外有咩公司既plan會適合呢類人？
Thank you

你講嗰類醫保通常啲保額都會好少
有事賠少少錢，冇咩事就拎返個本或者105%本金

但如果呢段時間真係有事要宗償，
之後可能好難買得返一般嘅醫療保險
因為到時想買要經過核保嗰關
如果你係想透過保險保障自己承擔唔到嘅風險
最好都係先買夠保障額先會比較好

如果預期自己未必會成日用到醫療
例如預期自己十年住一次院
0墊底費 比 2萬蚊墊底費 嘅年保費每年差4千蚊左右
如果選擇0墊底費，十年時間你額外比多咗約4萬蚊
呢個情況下選擇2萬蚊墊底費就會比較平

另一個情況係自己都覺得身體唔算好好
選擇0墊底費可以令你出問題嘅時候唔洗自己再出錢
同埋避免咗令年都做小手術claim唔到嘅情況發生

所以就算無其他醫療保險cover，
都可以選擇有少少墊底費嘅plan，
最後視乎你嘅喜好再揀適合自己嘅墊底費

佢果d好似只係保住院費
想問咩係核保
同埋想問其實買咩醫保最好
想教下佢 但我又唔識
謝謝

最後想問下 小弟有公司plan 但應該最cheap果隻
想買多份怕到時有咩事可以夠錢
請問有咩plan介紹？另下呢個plan應該玩有墊底？因為睇過你d文 公司plan條數要夠cover到墊底

醫保係咪一定要住院先有得claim? 門診手術claim唔claim到?
ps 用緊宏利守護一生計劃