原來失戀真係好痛苦

我係一齊左差唔多三年
中間鬧交係有，但係好少，得幾次
一個星期都起碼見四五次

點知突然幾日前先咁講
我好似成個人生無左咁

咩事傷到佢

感覺應該關係好穩定
咁真係好難接受
我就就黎兩年
我都唔算成日吵架
都係上年11月開始keep住有吵
一星期都會見兩日
分既前一日都仲好好
但第二日我發脾氣係因為佢話我可以join佢同佢兄弟打機 夜晚就一起食飯 但後來佢話我而家出黎join佢地玩 佢就話夜晚唔好食飯 最後就係電話同佢吵就分左 但佢話冇在嬲我 但而家成日sd咁多msg佢睇完都keep住上線都冇覆過我一句 唉 對住個電話就會好失落 但放抵又好想睇下有冇睇有冇覆 好辛苦
我真係好想返去以前最甜蜜既時候 但我覺得已經唔係佢口中話冇事就真係冇事 我地之間已經有道無形既牆 將我地隔開

真係以為自己出po
初戀
互相認識一個月
拍拖三個月
中間自己一路覺得佢其實唔知自己鐘唔鍾意我
就係拍咗三個月嗰日佢既「唔係鍾意我」變咗「唔鍾意我」
最後我仍然鍾意佢，但係我講分手既
太hurt了
而家分手一個月，但係仲未放得低
佢分咗一定好開心
但係我唔開心
同好多朋友傾咗好多野係咁blame佢唔鍾意我同特登講野黎傷我
但係而家冷靜諗下我曾經都有機會係佢未肯定自己心意，仍然覺得自己鍾意我既時候溝通多啲，唔止係我坦白感受，而係比佢講佢到底諗緊乜
雖然唔知當時嗰個狀態既佢會唔會願意講
我永遠唔會知呢個答案
雖然我同佢確實好多野唔同
雖然反而分手後我意識到我可能比佢自己更了解佢既陰暗面
不過有件事佢無呃過我
佢好誠實
所以佢從來無比過任何承諾我

你呢個情況睇落係暫時性既
未真係散，可以用時間補救返

我果個真係已經幾日都無乜點覆我
睇都可能隔成日先睇
就算我打左好多野，我見佢都係睇左一兩秒就 off, 可能都無真係睇我打既野

自己都叫拍左幾次，無一次好似今次咁
喺街行行下都會喊
我係真係發夢都無諗過會分開，可能真係太穩定，好多其他野我自己都忽略左

我分左3星期有多架啦 星期日個日吵完收左我線後就在冇打通過 當我打超過3次就熄機個幾鐘在開返 msg我打左2個幾星期編編都係我既道歉我既難過同後悔 但佢都冇睇哂 因為我見藍剔在打野比佢唔係藍剔 所以我覺得只係叫望下 後期就除左朝早打招呼咩都唔應好似而家咁 分手一星期係公司喊返去喊 去朋友度打機飲酒 日夜係樓下等佢 朝早5:30等到7點 先叫見到一面 所以我冇咁樂觀

聽落真係好穩定 佢會唔會係有第二個所以咁？因為你地都好似冇太中既衝突就分手 比我我都接受唔到 話哂都3年

我同前女友分左手一年之後同佢一齊左
但我同前女友一直都有稍微keep住會耐唔耐講下野咁
我同佢岩岩一齊冇耐前女友咁岩嗰時考試壓力好大，就成日會搵我訴苦
其實都冇講啲特別曖昧既野但有sd過啲有心心既貼圖比對方
後來我女朋友發現左，同我分手
我嗰時就同前女友講左我宜家有中意既人，唔會再同佢有聯絡
之後我好辛苦先挽留到我女友令佢俾多次機會我
後來我女朋友要我block哂前女友所有野，我照做左
我前女友過兩日發現我block哂佢啲野就好激動咁打比我，我同佢講女朋友唔中意所以我block哂佢啲嘢
佢好激動咁喊住收左線
我有啲擔心佢所以就用另一個ac加返前女友IG睇下佢係咪正常生活緊，後來就冇左件事了
過左差唔多兩三個月，女朋友發現左我用另一個ac follow前女友，於是就好傷心咁同我分左手…
我覺得自己真係好蠢又好自私咁傷害左佢一個咁好既女仔

逝去感情如何留得住 因為呢個原因分手好打極有限

失戀好痛苦? 咁無得戀叫咩?

分左個幾月 啲回憶番哂黎 我仲未放得低佢
當初既承諾 而家已經冇左 好想同佢一齊番

咩事分

年三十晚分手
我呢幾日都唔知做過啲咩

做咩分？

時間真係過得好慢

我覺得佢唔夠愛
佢覺得我地某啲位唔夾
分手就似係大家有既共識
但原來就算有哂心理準備
個心都係好撚痛

拍左幾耐

我今晚又諗起佢

我成日都諗起佢

好辛苦... 好想見佢

你做既野有啲我依家都做緊
我呢兩日行到腳都起水泡
都係為左見佢一面，等自己個心好過少少
到真係見到又好驚，唔敢過去叫佢

三年本來我都以為好穩定，平時做既野都好 routine 咁，我以為大家去左當大家屋企人咁既程度，忽略左好多情趣上，好多細節上既野

三年黎度過左好多野，得少少唔開心，但係大部分都係開心。但無可否認因爲我自己忽略左，搞到大家愈黎愈悶咁。最後佢話因爲覺得我地拍拖好似變左習慣咁，唔想再一齊


以為不停行到攰就會訓得著，原來都唔係，已經第四晚失眠

拍拖邊有咁多新鮮感