睇唔過眼依排佢開始俾人反
如果係以事論事咁冇問題
不過睇黎係有班人盲反佢，仲要以為自己好掂
希望何Wayne會見到依個post知道唔係個個都又唔識野又盲反
1) 首先係前排有班人插佢套 三中堅無法主攻 理論
舉左一大堆例子係某個年代某隊波用三中堅係進攻到
大佬你舉例前都要聽清楚對方係講乜先
何Wayne係強調強隊對大巴陣，如果用三中堅，就不能主攻破密集
你舉d例有d本身就唔係強隊，有d就係強隊不過唔係對付密集，完全答非所問
何Wayne有集講過中型班係啱長期用三中堅，因為唔會有球隊對中型班死守
所以狼隊長用343就啱哂
退一萬步諗，你用一堆例子去反駁依個理論本身就係唔make sense
做學問嘅人知道冇野係有100% correlation
強隊用三中堅一定係有例子破到密集
任何regression line都會有outliers
點解唔講下干地教車仔用一季三中堅最尾咩成績？曼城用三中堅失分？
再者，任何因果關係都係hold other factors constant
一隊強隊用三中堅破密集贏2-0唔代表佢排啱陣
唔用三中堅可能贏4球
2) 第二係睇唔過眼有人話佢估波大包圍
咩幾成A隊贏，幾成B贏
其實正正係有分析能力嘅人先會咁估波
因為足球本身就係好難估，有太多不能估計嘅事
一個勁嘅球評家係應該盡量考慮哂全部因素
列哂所有scenarios出黎
如果發生乜野事就會點
如果估錯左，就要分析返係推論邊個位有錯，定還是係推論正確不過俾其他因素影響左
講到尾，何Wayne唔係萬能，佢都係一個對足球有熱誠想返餐飯食姐
洗唔洗出黎插埋佢哂佢所有野又人身攻擊
球評界百花齊放理應係球迷嘅福氣
你唔認同人地果套咪好聲好氣討論
唔好一個台幾條友自己開咪寸人
態度唔好亦唔見得你有料到
講咁耐又咪紙上談兵
