有無人有買儲蓄保險？

其實有無用

都有ge ,好過就咁放銀行

有讀過finance嘅人都唔會買

你自己唔識儲蓄?
做乜要比錢人地幫你儲蓄

假儲蓄 真呃錢

Same as you 不過10年

保險既問題間唔時就有人問。儲蓄保既目的是，係唔影響你的流動資金的前提下，提供一個長線保存資本的途徑。
換言之，你要識計數，例如我一個月賺萬5，供一份1500既月供儲蓄保，供十年，而要20年後先可以回本兼賺紅利，即係話呢十年內，我每年會俾人鎖住左10分之1既流動資金。20年內，會俾人鎖住1500*12*10=18萬既流動資金。咁你要問自己，十年內會唔會因為流動資金被鎖住而退保，然後再問廿年內萬一有急事，你會唔會動用到呢筆錢，會既話，咁你就好有可能會蝕了。

好多保險agent會同你講，好多有錢人都買儲蓄保啦blablabla，但問題是，我一個月搵100萬，買一份月供3萬既保險，都只係鎖住我3%既流動資金，佢既風險承受能力同你差天共地，呢個就是買儲蓄保既重點，你對流動資金被套住既承受能力有幾強先，你諗通既，隨便買，否則一般打工仔我是絕對唔建議的。

即係如果我一個月搵既錢，供儲蓄保個份錢唔影響我日常生活就無問題啦🧐

銀行有利息wor

是的，你衡量過舊錢唔影響你生活，用儲落果舊錢，係佢回本期eg. 20年內都冇動用既風險，咁你可以去買。畢竟唔是個個有心機去研究其他投資方案，儲蓄保險就是for呢種人，懶是要付出成本，就是佢既回本期長，同埋收益比較低。

有野想問問 非保證金保險公司比1$你都吹佢唔漲

佢有個非保證回報既履行比例，代表佢預計既非保證回報，同果年既實際回報既比率。間間公司唔同，係佢地既官網都搵到。因為政府規定一定要披露的。

你都啱 但你有無睇過一年幾多息

好有用 ，我女友果份供左幾年依家個現金價值係本金既3份1

慘，供左幾年退保又唔係，唔退又唔係，正宗進退兩難

日日打去小9保險公司

算係月經問題, 如果問有無用, 咁其實係有用既但要睇對咩人, 即係咁, 如果你本身係個有正常以上收入但又理財不善既話呢, 咁呢D產品就好岩你, 簡單D講當幫自己供多份保本既強積金, 因為一開始左供就無得停, 任你再大洗,只要唔係去到無飯開都會半迫半就咁慢慢幫你儲起, 雖然紅利係浮動, 但至少個本係度好過你洗左

但如果自問稍為有自制能力既話我勤你就不了, 呢D野最致命既地方係佢地多數都係一個好長期既計劃, 稍為有可見回報既基本上郁下都要15年以上, 更多係2,30年先收得番錢, 有D仲要到你退休先拎得番. 如果閣下係個後生仔, 你不妨估下自己最需要錢既時候係幾時, 就當大家23歲畢業開始供, 到你拎番錢都4張野, 基本上己經錯過左晒一般人最需要錢既黃金時期 (結婚,買樓,生仔), 老實講到你4張幾野, 係龍既唔至在舊錢, 係蟲既十令二十萬又幫唔到你D咩. 相反, 佢仲要係你需要用錢既果段時間繼續供款去減少你既現金流, 如果撞正近年既QE, 其本上漲面賺既都係數字, 隨時只係跟通漲無實際利潤可言. 提早拎錢無問題, 不過可能供款既本金3成都拎唔到. 局你供到最後.

想長線投資又怕死? 建議留意咩叫"月供股票"同GOOGLE下邊隻叫"盈富基金", 完全唔識股票都無問題, 基本上合埋眼去買盈富係唔會有錯, 只要香港唔收皮, 10年後既回報一定比呢類儲蓄產品好, 中間既升趺只係數字遊戲, 如果10年後真係渣都無, 可能我同你都無飯開, 而呢類野最重要係無合約式既束膊, 到你踏入人生下一階段既時候可以隨時待機沿出. 無需要去買所謂既儲蓄保險.

垃圾, 冇用
除非你咩投資都唔識
又想儲錢

供緊個 康宏儲蓄基金 月供一千
本身諗住當儲蓄
開頭有升 但依家跌多過升 供咗 2年幾
Keep住紅字 蝕左千七
我驚會慢慢滾大蝕落去

兩年.......
你起馬供十年先叫有少少肉食